Ka Nupepa Kuokoa, Volume XLI, Number 46, 13 November 1903 — Page 5

NUPEPE KUOKOA, NOVEMABA 13, 1903.

 

MA KE KAUOHA

_____________

_____________

 

  Ke hoikeia aku nei ua hookohuia aku o Mr. W. G. Smith i Hope-Agena no na Aina Aupuni no ka Apana Aina Eono, Mokupuni o Kauai, oia hookohu e hoomaka ana ma ka ai 1 o Novemaba 1903.

  O ke Keena Aina aia no ia ma na wahi noho Mr. A. S. Wilcox, i ikeia ma ka inoa “Kilohana” ma ke alanui nui mai Lihue aku a hiki i Koloa, ma ka Apana o Lihue, Mokupuni o Kauai.

                                                                            E. S. BOYD.

                                                               Komisina o na Aina Aupuni.

Keena o na Aina Aupuni, Honolulu, Nov. 10, 1903.

                                        2989—Nov. 13, 20, 27.

 

______________

HOOLAHA O NA AINA AUPUNI.

________

 

  Ma ka Poaono, Dekemaba 12, 1903, ma ka hora 12 awakea, mamua iho o ke alo o ka Hale Hookolokolo, e kuai kudala ia aku ana ma ke akea, i na hoolimalima o keia mau aina malalo iho nei:

  1.  Na Aina Aupuni o Pohakuhaku ame Kemau ma Hamkua, Hawaii, nona ka ili-aina o 80 eka, oi aku a emi mai:

  Manawa Hoolimalima  Elima makahiki (5)

  Uku-hoolimalima haahaa:--$2.50 no ka eka , no ka makahiki hookahi e hookaa mua ana i keia ame keia haua makahiki.

  2.  Ka Aina Aupuni o Kaohe, ma Hamakua, Hawaii, nona ka ili-aina o 185 eka, oi aku a emi mai.

  Manawa Hoolimalina:--Elima makahiki (5)

  Uku –hoolimalima haahaa:--$2.50 no ka eka, no ka makahiki hookahi e hookaa mua ana i keia ame keia ha@a-makahiki.

  No ke kii ame na mea aku i koe, e ike ae ma ke keena o na Aina Aupuni, Honolulu.

                                                                  E. S. BOYD,

                                                   Komisina o na Aina Aupuni,

Keena o na Aina Aupuni, Honolulu, Nov. 10, 1903.

2989—Nov. 13, 20, 27.

________________________

________________________

Nuhou Kuloko

________________________

  Ma ka hookuku paani Polo o ka Poaono ame ka Poakolu mai i hala iho ia, ua lilo ka lanakila i na keiki o Honolulu nei a haule o Kauai.

______

 

  Me ha mea ia e makaukau pono ana ka hale o ka uwapo o ka Hui Mokuahi Oceanic ma keia huli hoi ana mai o ka mokuahi Alameda.

_____

  I ka ia apopo i hoomaka ai ke kau paani popo peku wawae o keia makhiki.  O na hui mua nana e hoau mua i keia Kau oia na hui H. A. C. ame Pualikoa Amerika.

_____

  Aole i ku mai ka mokuahi Gaelic i ka Poalua nei e like me ka mea i manaoia ai, aka, i ke kakahiaka Poakolu nei kona ku ana mai a haia loa aku no ka Iouka Gula.

_____

  Ma ka po Poakahi nei i kani ae ai na hokeo o na puali puhiohe o ka moku lawe koa i ku iho nei ame ko ka aina nei.  Piha ke kuea o ka Hotele Hawaii i ka poe hoolohe i na mele i @uhila mai.

_____

  Ma ka hookuku popo peku wawae mawaena o ke Kula Kiekie ame Kamehameha i ka Poaono i hala, aole he aipuni i loaa i na aoao a i elua a hiki wale i ka pau ana o ka paani ana.  O keia kekahi o na paani hahana loa mawaena o keia mau kula.

_____

  Ma ka Poalua nei i hoomaka ae ai o Geo. R. Carter ame E. S. Boyd, na komite a ka Mana Hooko i waiho aku ai no ka huli pono ana i ka hana kuapo aina a Cooper, a i nunui ae ai na leo ma ka halawai a ka Mana Hooko e like me ia e puka aku nei.

_____

Eia i Honolulu nei i keia mau la ka hapanui  oka poe i kohoia mai nei i mau luna aupuni no na Kalana mawaho aku nei o Oahu.  Me he mea ia o ka hana nui o ka holo ana mai nei oia no ka huli ana i ka poe nana e paa i ko lakou mau bona, a loaa aku hoi na palapala hooia.

_____

  Ua olelo ae na Pake kalaiwa kaaoio i ko lakou apukaia e na koa o ka moku lawe koa i haia aku ia no Manila.  Kupaianaha ke kapa ana o na haole i kamaikai ole o na Pake me ka ike iho no o kekahi poe o lakou ke maikai ole no hoi a he kolohe e like me ka mea i ikeia ae nei.

_____

  Ua laweia ae imua o ka Aha Hookolokolo Apana o Honolulu nei, i ka Poalua nei, o Kimo Paikai, ka Hawaii i haawi ai i ka uaia o Ualakaa maluna o ka iho o Makai-kiu McDuff@ ma ka ia koho balota, ma ka pahu o ka Mahele Ehiku, Apana Elima.

_____

O ka Omoomo Palaoa maikai loa, ka meaono ame ka pai i hanaia e ka puhi palaoa helu ekahi i leaa ka makaukau, e loaa no ma ko makou hale hana.  O ka hau Kalima hoi oia nani okoa ia,--Sunrise Bakery, alanui Nuuanu, e kokoki ana i ke alanui Beritania.  E oluolu o kipa mai e ike ia makou.

_____

    O KA LAAU KUNU CHAMBERLAIN’S COUGH REMEDY ua hanaia ia i kupono wale nono ke kunu, ke anu, ka naeoa iku, ke kunukalea ame ka huina anu, wela, naluiu a kunu.  Ua kaulana keia laau ao kana mana hoola keia mau ano ma’i aa puni no aina naauao. O na hooiaio

hoohauoli manao no ka mana hooia o keia laau oia na mea i hoikeia ae mai ka poe i hooiaia mailoko mai o ke kunu, maluiu, wela ame kunukalea, ame ko ke keiki.  O ka man hoola okeia laau i ke kunu kalea ke ikaika kona e holoi pau loa ai i na anoane oia ano ma’i.  He laau makemake nui ia keia e na makuahine no ka mea he maalahi loa ka haawi ana i na keiki a aohe he mea hoopilikia ma keia haawi ana, a oia ano haawina mana hooia a ohe no hoi he hakalia.  O Benson, Smith & Co., Ltd., ka @pea nana e kuai nei i keia laau kunu, ka Agena Kuai Kukaa.

GEORGE PANI-LA KANAUOHA.

_____________

 

HE HOOMAIKAI NUI.

 

_____

 

E ka Nupepa Kuokoa e, aloha oe:

  E oluolu oe, e hookomo ihon ma kahi kaawale o kou mau koiamu i keia mau mamalaolelo malalo iho:

  Ke-haawi aku nei au i ko’u aloha me na hoomaikai he nui i na poe kupono i ke Koho Balota o Hawaii Komohana.

  Mamuli o ke Koho Balota o Nov. 2, 1903, ua hoike mai oukou e na noe kupono i ke koho mai ia’u i Makai Nui no ko kakou kalana o Hawaii Komohana, kekahi hoi o na oihana ano nui o ko kakou kalana.

  Nolaila, auhea oikou e o’u mau Haku makaainana, ke lana nei ko’u manao, e lawelaweia na hana iloko o ka Oihana Makai i ko kakou kalana, ma ka holomua, ka pono, me ka maluhia o ka lehulehu mai ke kanaka ilihune a ka kanaka waiwai a ke ake nui nei au e loaa na kanaka kupono i makaukau i ke kanawai, a i mahele iki i ke kanawai, a i maa i ka oihana makai paha mamua, a he poe maikai, a naauao kupono a he makaukau hoi i na holoholona i hooko koke ia na kauoha no ka pono o ka lehulehu, i ka wa i ka pilikia, a i hana ia hoi na hooko ana i ka oihana e like me na alakai ana a ko kakou mau Kanawai; i ole hoi e hoopilikia ia ko kakou kalana mamuli o ka lawelawe hemahema ana a ko kakou Oihana Makai.

  Ke ake nui nei au, ina he mea hiki ia , e loaa ko’u mau Hope Makai Nui ma na Apana, ame na Makai malalo aku, e like me na hoakaka maluna i waeia, a i aponoia e ka poe kupono i ke koho balota o keia me keia Apana, iloko o ko kakou kalana, no ka pono kaulike o na mea apau.

  Ke lana nei ko’u manao, ko oikou kokua ana mai ia’u ma na ano apau pela e hiki ai e holomua ko kakou Oihana Makai, a maluna ae o na mea apau, ko ke Akua mau kokua aloha “I noo ka Hanohano maluna o ko kakou aina aloha.”

Owauiho no ka oukou hauwa,

G. P. KAMAUOHA,

_____

 

  Hanauia ma Napoopoo, S. Kona, Hawaii i Ianuari 31, 1858.

Komo  ma Lahinaluna Seminary i A. D. 1872, a hemo mai me ka Palapala Hookuu maikai i A. D. 1875.  Noho hou i ke kuia no ke a’o Ana Aina me Rev. S. E. Bishop ame D. D. Baldwin.

  Mare i ka wahine i Aperila 20, 1878, a hoi no Kohala a noho ma ka oihana Mahiko a lawelawe pu i ke Ana Aina.

  Lilo i Hope Makai Nui no Kohala Akau i ka 1880, a waiho i ka oihana no ka holo Luna makaainana i ka 1885.  Lilo i Luna Auhau no ia apana i ka 1883, a pela no i ka 1224.  Koho lokahiia e ka Apana o Kona Hema, Hawaii i Lunamakaainana i ka 1887 a hiki i 1888.  Aeia e lawelawe Oihana Lolo imua o na Aha Apana a imaua o ka Aha Kaapuni ma na hihia hoohalahala i ka 1882.  I ka makahiki 1892 ame 1893, kohoia i Lunamakaainana no Kohala Akau.  I Aukake 5, 1895, aeia e lawelawe i ka Oihana Loio ma na Aha Hookolokolo apau.  Ma ka ia 1 o Iuiai, 1901, hookohuia i Hope Makai Nui no Kona Hema, Hawaii, a ma ka la 3 o Novemaba 1903, kahoia e ke Kaianao Hawaii Komohana i Makai Nui.

E Hoio ana ke K@i Uwila a ka Ilina o na Alii.

_____

  I ka poalua nei i malama ae ai na hoa o ka Papa Hooko o ka Hui Kaauwila o Honolulu nei no ka ninau e pili ana i ka hoomoe ana i ke alahao o Alanui Nuuanu mawaho ae o na kumuhana e ae.

  A ma keia noonoo ana ua hoohoioia e lakou a hoomoe aku i ke aiahao a hiki i ka Pailina o na Aloo ma Maemae, a e like iho ia me ia hoohoioia ana i loaa ai ka ike ke pau ke laiahao i ka hoomaeia alaila me ka hoopaapaa ole e holo ana na kaauwila a hiki i kahi i hoikeia ae la.

  E like me ia i keia manawa aia ke aiahao o alanui Nuuanu ke hoomoeia nei a i ka ia i hooholoia ai keia olelo hooholo ua hiki aku ka hoomoeia ana i ke alahao i kahi noho o W. W. Hall, a iloko paha o ka manawa kupono ke loaa ole kekahi mau hooioliloli o ka pae no ia o ka hana i kuia a holo no hoi na kaauwila ma ia mau kaiaulu, ua manaoia no nae aia i ka pau ana o keia pule i hiki aku ai ka hoomoe aiahao ana ma ka pilina o Wai@iuia.

  Mawaho ae o keia ka waiho ana aku o Mr. Gillman i kona kuiana kakauolelo a hoe o ka Papa Hooko o keia hui mamuli o kona lilo ana ae nei i Lunak@ai no ke Kalana o Oahu, a hoonohoia aku la ma ia makalua o Mr. G. P. Thielen.

________

 

Ua hoole ae o Fisher, ka Luna Hooia o ka Teritori.  I ke kakauinoa ana i na palapala koi uki hana ma ka la koho balota iho nei, o A. W. Neely, S. K. Kamaiopili, C. N. White ane G. K. Smith no ka mea, he poe lakou e hana nei a e ukuai nei e ke Aupuni.

________

 

LANAKILA NA HOALA KIPI.

 

  LAE HEITI, Nov. 11—Ua hikeia e nei ua lilo pio aku a San Domingo i ka poe hoaiakipi, a ua kakalaia ae o Jeminez i Peresidena.  Me he mea la o keia ka @@@@ o ke kaua.

 

Makemakeia ka Aahu Kea o Wilikoki e ka Wahinekanemake.

_______

 

  Iloko okekahi pahu e waiho la i ko laua Home ma Puowaina aia he mau mea, waiwai nui o R. W. Wilikoki i make i lilo i mea nui loa i ka wahinne kane-make Mrs. Wilikoki.

  Iwanea o keia mau mea aia he oahikaua, papalekapu koa aahu koa mae na mea like o ka oihana aliikoa Italia o ke kulana puali pukaa.

  O na mea keia i aahuia e Mr. Wilikoki ma ka manawa ona i puka pono mai ai mai ke kula koa mai o Turin, Italia, a mahope mai no hoi kekahi.  Aka, aia he aahu koa okoa ae no kekahi i malele aku mai ia Wilikoki aku oia ka aahu i lilo aku ma ka manawa i komo kaua ai i ka makahiki 1889.

  Ua hoike ae o Mrs. Wilikoki he manao kona e noi aku i ke Aupuni e hoihoi aku i ua aahu koa ia ame ka pahikaua iaia no na keiki a laua.  Wahi ana ua make o Wilikoki, a noiaila aohe he kumu e au’aia ai keia mau pono a e hooleia ai ke noi.  Wahi hou ana, aole he waiwai o ia mau mea i ke Aupuni.

  I ka manawa i paapio ai o Wilikoki i ke kaua o ka makahiki 1889 ua loaa aku oia me ka aahu aliikoa Italia, a laweia ua aahu ia me ka pahikaua, a ma keia wahi i kukulu ae ai ke Kanikeia Italia i ka ninau e olelo ana aole he kuleana o Wilikoki e aahu ai i keia aahu aliikoa Italia.

  A hiki i keia manawa aole imaopopo ia Mra. Wilikoki kahi e waiho nei o keia aahu aliikoa a heaha ia ka mea i janaia no ia mea.  Ua manao wale ia ua hoihoila keia aahu koa i Italia e ke Kanikela.

___________________

 

Hiki Pono ke Hoolana i ka Mokuahi Mankuria.

_______

 

  PILADELEPIA, Oct. 31.—O ka mokuahi Manakuria, i hanaia iho nei no ka Hui Mokuahi Laweleta Pakipika, ua paa ae, a hiki ole ke hhoiana ia aku i keia la ma ka pa lkapili moku o ka Hui Kapilimoku Nu Ioka, ma Camden, N. Y.  Ua hoaoia ae ma na ano apau e hiki ai ke hooiana  ae iaia ua hiki ole no nae.  I ke awakea ua emi aku ke kai, noiaila, ua hoopanee ia kona hooiana ia ana aku.  O Miss Laura Wick ka mea nana e kapa i ka inoa, a iwaena o keanaina o na lunanui kekahi o ka hui.  I keia ahiahi akahi no a hiki ke hooiana ia ka moku.

  O ka mokuahi Manakuria oia ka hoa a ka Mokuahi Monogolia i hooianaia i ka la 25 o Iulai, a ke aneane nei keia moku e paa a makaukau hoi no ka hoao ana.  Ua hanaia keia mau mokuahi no ka Hui Mokuahi Atelanika, eia nae oiai laua e hanaia ana no, ua kuaiia ae a lilo ana i ka Hui Laweleta Pakipika, a e hooholo ia aku ana mawaena o Kapalakiko, Hawaii, Kina a me Iapana.

  O ka loihi o Manakuria he 625,65 kapuai ke akea, 51 kapuai ka hohonu, 16.-530 tona ke kaumaha a he 14,000 tona kona piha ukana.  He 12000 lio ka ikaika hoonee o kona mikini a o kona averika holo he umi-kumamaono nota.

______________________

Hoike Make o ka Mahina i Hala.

_______

 

  No ka mahina o Okatoba i hala iho la aia he 50 wale no make iloko o ke kuianakauhale nei a oia no hoi ka heluna uuku loa oia mahina oloko o na makahiki he nui i hala ae.

  O k anui o na make ma ke kulana lahui oia keia malalo iho;  Oiwo Hawaii he 27; 5 Pake; 2 Pukiki; 11 iapana; 5 haole Amerika, a iloko o keia huina, aia he 36 kane a he 14 wahine.

  E like me ia i hoikeia ae nei  o ka helu haahaa keia no keia mahina no na makahiki he nui i hala aku nei aka o ka hapanui iloko o keia heluna oia no no kamaiki.

  O ka make o ka poe malalo o hookahi makahiki he 15, oiai he 22 mailoko ae o ka huina 50 he poe wale no malalo i umi makahiki.

  Ma ka hoike o na mare ame hanau ua ikeia he 53 poe i mareia a he 46 hanau.

  Ma ka hoike a ka lunanana i’a ua ikeia he 296,610 ia i komo mai a he 8,349 i’a i kiolaia.  Aohe hoike a-ka lunanana i’o holoholona.

_____________________

E Makaukau ana na Hoike Hoolilo Ahaolelo.

________

 

  I keia pule iho a i ka hapa hope o keia pule aku nei i hoea mai ai kekahi poe hoa o ke Ahaolelo o ke kau i hala aku nei i ke kulanakauhale nei mamuli o ka supinaia ana e ka Ilamuku Amerika E. R. Hendry no ke ku aku imua o ka Aha Kiure Nui no ka ninau e pili ana i na hoike hoolilo o ke kau Ahaolelo i haia iho nei e aka nui ia nei e ike aia la ihea kahi i waiho ai ina paha ua nalowale a i ole ua pau paha i ke puhiia i ke ahi.

  I ka Poalua iho la i hala hou aku la ka Ilamuku Hendry no Hawaii ma ke Kinau no ke supina ana i keia poe no lakou na inoa malalo iho no keia kumuhana hookahi no:

  William H. Wright o Hookena, Kona, F. R. Greenwell o Kailua, Sam E. Kalama o Makawao, Chas, H. Puiaa o Kohala, H. M. Kaniho o Kohala, A. Fernandez ame W. N. Purdy o Hamakua, James D. Lewis ame K. Kealawaaa o Hilo.  Ke pau pono mai keia poe e supinaia aku ai i ka hoea mai i ke kulanakauhale nei alaila oia ka piha pono o na hoa Ahaolelo a o ka makaukau noia o ka hoolohe ana no lakou ma ka la 16 ae o keia mahina oiai oia ka manawa i hooholo hou ia iho nei.

  Ma keia wahi e huli pono ia ai na hoike hoolilo o ke kau kumau ame kuikawa o na Ahaolelo i haia iho la.

____________________

Na Bute Hoolaha ia Hawaoo.

_______

 

Ma ka Poalima o ka pule i haa i loaa mai ai i ke Kakauolelo o ka Teritori nei he kanakoiu kaukani kope o ka buke, “Hawaii” i hoopuka a hooiaha ia e C. R. Frasier.

  E waihoia aku ana keia poe buke hooiaha ia Hawaii ma ka lima o ke Komite Hooholomua Honua, a na keia Komite e haawi aku ma ka haawi wale ana.

  Ua hoike ae o Kakauolelo Carte i ka oleloia iloko o ke kuianakauhale nei no ka hooilio ana i na buke me kahi auhau kupono aka, ua manaoio oia aole e hanaia mai pele.

  E haawi wale ia na buke e like me na hooiala ana e ku nei i keia manawa.

  Hulia na buke apau ua hiki aku ka heluna i ke kanalima kaukani no eono kaukani dala wale no, a o ke koena o Iiwakalua kaukana e hoounaia ae ana I @ama Lui ke kahua Hoikeike no me hana hoikeike ma ia wahi no Hawaii.

 

Nuhou o na Aina E

_______

KA ULUKU MA PANAMA.

 

  WAISINETONA, nOV. 6.--Ua hoike ae nei o Peresidena Resawela i kona ike ana aku i na hana hoohaunaele ma Panama a hoouna aku nei i mau aumokukaua no ka makai ana i ua @uali la, e hoomau ana hoi i na hana, a e malama ana i ka maluhia.

  KOLONA, Nov. 6,--Ua haalele iho ia na koa Colombia i ke kulanakauhale,  o kekahi wahi o ke kulanakauhale ke ku nei no ka hoaia kipi.  Ua ku mai nei ka mokukaua Amerika U. S. S. Dixie.

 

KAU LEO HOU IAPANA IA KINA.

 

  TOKIO, Nov. 6.—Ua kauleo ae nei o Iapana ia Kina e noonoo hou ana oia i kona kulana hoaloa me Kina ina e ae ia ana na kou a Rukini.

 

NO KE KIAI ANA IA PILIPINE.

 

WASINETONA, Nov. 6.—Ua hooholoia ae nei no ku kiai ana ia Pilipine i eha regimana o na pualikoa kaulio a eiwa pualikoa hele wawae.

 

ULUAO’A MA DAMARALAND.

  Ka ulua’oa ma Damaraland ke hele loa aku nei i ka nui.  Ua puhila kekaho papu, ua hopuia kekahi ohana Pelekane a he koikoi ka paio ana.

  (O Damaraland oia kekahi okana aina waiwai nui mana mea oloko o ka honua, a aia hoi ma ka aoao komohana hema o Aferika, a he panalaau no Geremania, a e kokoki ana hoi me Bechuanaland he wahi e noho nei maiaio o ka Pele kane hoomaiu ana.  He uuhu ka poe e noho nei malaila a he poe Geremania ame Pelekane ka poe e noho la ma na hana iloko o na lua waiwai ame ke kalewa no hoi.  I ka makahiki 1893 ame 1894 ua pepehi aku kekahi mahiki uuku o na Geremania i ka poe Hottentots.  I ka 1897 ua aia hou mai na kamaaina.  I ka wa i paio ae ai na aoao a i elua iloko o Iulai oia makahiki ua kuemi hope na Geremania me ka loaa o kekahi mau pilikia uuku.  I kekahi mahina mai ua paio hou aku na Geremania me ka nui o ka poino maluna o na Hottentots ame ka loaa no he wahi poino ia lakou.  He nui na holoholona a keia poe kamaaina ma Dameraland a he lahui hooikaika maoli no i ka hana mahiai.  I ke kaua a Pelekane me ka poe Boa, ua komo aku keia poe Boa iloko o keia wahi.  O ka poe kaua o keia lahui he liilii, helehelena nanakea, lauoha apiipii eleele, nuku oioi, lae pokopoko a he mau make liilii.  He noho keia poe iloko o na hale poepoe a he hooneeia i keia ma keia kau.  Ua ikeia keia lahui he lahui noho malie a puni lealea, akia he poe hakaka ke ike lakou ua auhau kaumaha ia aku lakou.

 

MAKEMAKE I MAU KOKUA.

 

  SAN DOMINGO, Nov. 7.—Ke hookokoke mai nei na poe hoala kipi o ke kukaianakauhale e ke makemake loa nei no ka hoea ae o kekahi mokukaua Amerika a oia no hoi ke noi i waihoia ae.

 

NA PUALIKOA COLOMBIA

 

  O ke kumu o ka haalele ana o na pualikoa Colombia i ke kulanakauhale oia no ka makemake ole e hookahe koko me ko Amerika mau mahele koa.  O keia ka mea i ikeia mamuli o ka manao kaua o ke kapena o ka mokukaua Nashville.  Ua hala aku ua mokukaua la no Porto Belo no ke kaua ana i ke komo ana ae o na pualikoa Colombia malaila.

 

MAKEMAKE E HOORUKINI IA MANAKURIA.

 

  ST. PETERSBURG, Nov. 7.—Ke hoomakaukau nei o Adimaraia Alexieff i kekahi kanawai no ka auhau ino e hiki ole ai i na Pake ke komo aku iloko o Manakuria.

 

HOOMAKAUKAU AHOLELO KUIKAWA.

 

  WASINETONA, Nov. 8.—O na Repubalika o ka Hale, ma ka lakou haiawai, ua wae ae ia Joseph G. Cannon i lunahoomalu no ka Hale.  O ka moho a na Demokarata oia o John Williams o Mikikipi, a oia ana ke alakai o ka aoao uuku iloko o Ka Ahaolelo.

 

HAUOLI KO PANAMA POE.

 

  PANAMA, Nov. 8.—O ka lono o ko Amerika ike ana mai nei i ke aupuni repubalike oia ka mea nana i hoohauoli i na poe apau o onei.  U kukaiaia ae he ia nui ia , a ua hookipa ohaohaia na

aliimoku o ka mokukaua Bosetona.  Ua komo aku nee ke Aupun Repubalika iloko o na lawelawe ana e pili ana no ke alawai oki i lawelaweia e ke Aupuni Colombia.

 

E WAHO ANA PAHO I KONA MANA.

 

  YOKOHAMA, Nov. @.- Ke lono wale ia nei e waiho aku ana o Adimaraia Alexieff i kona mana malama ia Manakuria

 

MAKAUKAU O RUSAWELA NO KA AHAOLELO.

 

 

    WASINETONA, Nov. 9.—E noho ana ka Ahaolelo i keia ia.  Aole e hookomo aku ana o Peresidena Rusawela i kana paiapaia a hiki i ka Poalua.  Ua malama ae na alakai o ka Hale i halawai a hooholo like e noonoo koke ia no na hana e pili ana no Cuba e like meka mea hiki.

 

KULANA MA PANAMA.

 

  WASINETONA, Nov 16.—E hoohikiwawe ana ke Aupuni i ka hana a Generala Reye ke Komisina maluhia.

  COLONA. Nov. 14.—Ke manao nei ke aupuni e apono loa i ke dala gula no e hana o ke aupuni.

  Ua homaikai aku nei ma kanikeia o Farani, Pelekane ame Geremania, ma na palapala.  I ke kap@@@ o la mokukaua Nashville no kana mau, kiai maluhia ana i na kupa o keia mau Aupuni i ka wa e ka u@@@ @@@@.

 

E Malama i kou Ili

 

KE ANO O KAMALAMA, HOOMAEMAE ME KA HOOUI ANA I KA @@ A ME KA HELEHELENA.

 

  No ke malama hoomaemae a me ka heoui ana i na ili, i ole ai e loaa i ka huehue, ili pohaka, ili akaakaa wale kolekole, lena, hou nui, ili makakaka, ili lahilahi, a i a ano kinaunau leulehu wale o ka ili, aole loa kekahi kipa @ea, aohe kopa e ae e hiki ai ke imi aku a loaa na kumu penei: la paakiki, apehupehu a hoopaaoa paha o na pukapuka o ka ili.

 

E Malama i kou Lauoho

 

KE ANO O KE PALE ANA I KA LAUOHO HELELEI, NA EHAEMA KA IKI POO ME KE KEPIA.

 

   E hoioi pono i ke poo me ka lauoho me ka wai KOPA CUTICURA pumehana hoioi i ke kopa me ka wai pumehana, hoomaloo maikai, alaila, hame malie me ke KUTICURA, ka laau hamo maemae loa, ke komi malia ua e komo iloko o ka ili o ke poo.  O keia wahi laau hoonui lilo ole, iloko o kona ano ole, he oi aku o ka maikai no ka hoomaemae ana i ka ili o ke poo, a e pau ana ka ekaeka o ka lauoho me ka iki a me ke kepia, e oluolu ana na aai eha, ka wewela, a e kooikaika ana i na kumu lauoho, e hoolawa ana i naa me na mea kupono e ulu ai, a e  ulu auanei ka lauoho maluna e ka ili maemae, a oia maikai no hoi, ma kahi i nele ai i na laau e ae a pau.

 

 

E malama i kou Lima

 

KE ANO O KA HANA ANA I NA LIMA A PALUPALU ME KE AIAI I KA PO HOOKAHI.

 

  E hoioi a lumai i na lima i ka wa e makaukau ae e moe iloko o ka huahua KOPA KUTICURA manaonoa hoi i hoopumehanaia.  Hoomaloo pono a hamo puni me ke KUTICURA HAMO, ka laau hoola ili oi loa, a o ka oi aku no hoi o la laau hamo maemae loa.  E komo i mikilima alualu i ka po, ma ke hana nae i mau pukapuka ma na manamana.  No na lime ula, kalakala a mokumoku, maloo, nakakaka, maneo, owelwela e na poholima, maiao kekoe, me na manaman hu’i, o keia lapaau ana mo hookahi po wale no ka mea kupanaha loa, a he mea hoopomaikai no hoi i ka poe a pau i eha, mokumoku, kalakala a lahilahi paha o na lima.

 

  O POTTER DRUG AND CHEM. COMP., Boston, U. S. A., no Ona e na laau CUTICURA a pau loa.

 

 

Na Mea   PAANI MAE HOOKAIKA KINO   Ma Kahi o   Pearson & Potter Co., LIMITED

 

ALANUI HOTELE ME UNIONA

 

HOOKAHI PA HAUKALIMA ME KA MEAONO NO                        10 KENETA

HOOKAHI KIAHA WAIU ME EA MEAONO NO                            10 KENETA

MA KA HALEKUAI PUHI PALAOA

 

SUNRISE BAKERY

Alanui Nuuanu kokoke i Alanui Beretania.

 

O ka Hau Kalima (Ice Cream) e hanaia nei maanei mai ka waia maikai a momona maoli i loaa mai ai, oiai o na meaono e hanaia nei aia ma ke ano maikai loa.  He hookoia na kauoha palaoa mena meaono o na ano apau no ke kumukuai kupono.  E hele nui mai.

 

HOOLAHA KUMAU

__________________

 

He Mea Nui Kou Mau Niha

 

                                 E Pono e Ike Oe Ina ua Pono ko

 

Lakou Hana ia Ana!

_______

 

He hookaho Wale no Alohele a Pono ai, a o ka Makou ke Alahele Pono.

 

  O na hana apau na ka poe wale no i hemo maikai mai na Kula Kiekie a ke hoopaa nei makou i ka lakou mau hana.  E nana na makou i kou mau niho ma ka auhau ole a e hai aku hoi ia oe i na lilo no ko lakou hana ia ana.

  Ua hiki ia oa ina he manao kou ma makou e hana i kau hana ma ke kipa ana ae ma ka

 

New York Dental Parlors,

1057 Alanui Papu,

 

Maluna ae o ke Keena o ka Honolulu Photo Supply Co.

_________________________________

 

E LAWE I KA NUPAPA “KUOKOA,” I IKE MAU I NA MEA HOU.

 

_________________________________

 

HOOLAHA KUMAU

_________________________________

 

JOHN M. KEA.

_________

 

He Notari no ka Lehulehu; he mea hana i na Palapal Kanawai, a he mea huli i na kuleana a@@.  O na kauoha mai na mokupuni mai e hookoia no me ka pololei.

Keena Hana: Ma ka Loio Kuhima, Hale Mana Hooko.

Honolulu, Mei 22, M. H. 1983.

_______________

 

KAUKA GEO.  J.  AUGUR

            Kauka Kuiuwai Liilii.

LAAU MOMONA AOLE MULEA

Keena Hana 431 Alanui Beritania.

Telephona Helu 1@@1.  Hora Hana 10-@@ a. m., 3-4 ame 7-8 p. m.

Sabati 9:20-10:30 a. m.

 

________________

 

He

Kuai Hoopau Loa

MA KO”U HALEKUAI

ma Alanui Hotele

___________

 

 

  E hooliloia aku ana na PALULE, PALEILI, KIMONA, PAPALE ame no pono Iapana ma na kumukuai i loaa mai ai no ka pomaikai o ka poe paa i ka hana i ke ao a hiki ole hoi ke heke a kuai i ka lakou mau mea e makemake ai.

E hamama no i na ahiahi apau, a e hele mai apao loa e nana ina aole makou e ha’i ana i ka oiaio.

 

S. OZAKI.

Waverly Block                                                            Alanui Hotele.

 

 

Goo Kima

 

MALAILA E LOAA AI NA

 

Mea Kuai Lole ame na Mea Nani Like Oia,

Perry Block, Kihili e na Alanui Hotele ame Nuuana,

L@na mai na Pume Hou ma na Me kuahi Apau,

     O na mea apau o @@@ me ka mea i @@@@.