Ka Nupepa Kuokoa, Volume XLII, Number 26, 24 June 1904 — HANA HOU I KE KEENA KIAAINA. [ARTICLE]

HANA HOU I KE KEENA KIAAINA.

Ke noonoo net ka Hope Kiaaina Atklnson no ka hana hou ana i ke Keena Hana o ke Kiaaina iloko o ka Hale Mana Hooko. Ua ano kahiko maoli ia keena hana o ka Hale Mana Hooko i keia manawa e kupono ai e hoomaemae, a e waniki hou ia a hoohinuhihu hou ia na paia laau a pela no hoi ka papahele, a o na wahi palainapunaia o ka paia e pono e haule ole ka nanaia aku o ia mea. Aole i hanaia keia keena no kekahi manawa loihi.

He wahi mea kamahao no hol ia iloko o keia keena hana o ke Kiaaina, aia ma ka paia maluna pono o ke pakaukau hana o ke Kiaaina e kau ana he kii o kekahi poo-aupuni i hemo aku kona noho aIH. ke kalaunu, a i ka lahui o ia aupuni ka pahemo ana o ko lakou aina mai ia lokou aku mamuli o na ino i hanaia.

O keia kii oia no ke kii o Napoliona ITI i haawi makana ia mai i ka moi e noho moi ana maluna o Hawaii mai ka poo-aupuni o ua aina nei.