Ka Nupepa Kuokoa, Volume XLII, Number 40, 30 September 1904 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

@ NUPEPA KUOKOA, POALIMA SEPATEMABA 30, 1904.

KA

Kupepa Kuoko@

 

NO. KA MAKAHIKI - - - - $2.00

NO KONO MAHINA - - - - -  1.00

SUBSCRIPTION RATES

ONE YEAR - - - - - - - $2.00

SIX MONTHS - - - - - - - 1.00

            O NA OLELO HOOLAHA APAU E @OOUNAIA MAI ANA NO KA HOOLAHA MALOKO O KEIA NUPEPA, E @HOOUNA PU MAI ME KA AUHAU, A INA AOLE, AOHE NO E HOOKO@OIA.  E HOIKEIA AKU NO KA AU@AU OLELO HOOLAHA KE UI MAI I KE KEENA NEI.

O na Dala apau o ka Pepa e hoouna pololei

mai i ka HAWAIIAN GAZETTE

COMPANY, LTD.

HOOPUKAIA E KA

Hawaiian Gazette Co., Ltd.

Hookomoia ma ka Hale Leka o Honolulu,

Panalaau o Hawaii, ma ke ano

Mea o ka Papa Elua.

DAVID L. A-I, : : Lunahooponopono

S. K. NAWAA, : Kokua Lunahooponopono

A. W. PEARSON, : : : : : Lunanui

HONOLULU, OAHU.

POALIMA : SEPATEMABA 30, 1904.

KEIKIALII KALANIANAOLE KA

MOHO ELELE LAHUI REPUBA-

LIKA O HAWAII TERITORI I

KA AHAOLELO NUI.

NA MOHO KULOKO O OAHU.

            Ma keia manawa akahi no a maopopo loa na papamoho o na aoao kalaiaina—o kela o ka Repubalika, Demokarata ame Home Rula, a maluna nae o ko Oahu ka makou manao kalele koikoi loa aku i ko na wahi e ae o ka Paeaina.

            Iloko o ka aoao kalaiaina Repubalika aole i pau loa ka poe i kapa iho ia lakou he Repubalika i ka maikai loa, oiai aia no he poe epaepa kekahi, a o ia ano mahele no ka i loaa aku iloko o na aoao kalaiaina e ae—ke Demokarata, oia hoi, aia no he poe Demokarata maikai a kupono a aia no he poe Demokarata epaepa a kupono ole a pela no hoi iloko o ka Home Rula.

            Nolaila i ka wae ana i na moho mailoko mai o ka nui Repubalika a Demokarata a Home Rula aole no i nele ka puka ana mai o keia mau mahele a elua, oia hoi, o ke kupono a kupono ole, pela i ikeia ai iloko o ko na Repubalika aia he poe moho i aponoia iloko o ka noonoo no ko lakou kupono io maoli e like me ka papamoho Senatoa o keia mokupuni.  Ke manaoio nei makou i ke akamai a noeau o ka wae ana o kela aha a loaa ai keia poe moho senatoa—J. C. Lane, J. M. Dowsett ame E. F. Bishop.

            A pela no hoi ke kohoia ana o na moho o ka Apana Lunamakaainana Eha—W. W. Hall, C. A. Long, E. W. Quin, E. K. Lilikalani, W. Aylett ame F. Andrade.  Ua kaa aku keia poe ma ke kupono a ke Kuokoa e paipai aku nei no ko lakou kakooia, oiai nae, aole o lakou nei ka poe wale no i kupono.  Ma ka Apana Lunamakaainana Elima hoi aia no he mau moho Repubalika i kau aku ma kahi o ke kupono, aole no nae i ka pau loa oiai aole e hike ke kau aku i ka moho lunamakaainana Repubalika nana ka hoike manao hoohikilele noonoo pili i ka hana kanawai hoonoa piliwaiwai a ki-pa, a pela no hoi ka moho nona ka moolelo i hauhiliia e na lima o ke kanawai mamuli o ka epaepa i hanaia, oiai o ke kalele koikoi o ka noonoo o ka Peresidena Rusawela oia ka hoonoho ana i na kanaka no lakou na moolelo o ke ola ana i hoohihia ole ia e na epaepa a pa ole i ka laau hoeha a ke kanawai, a ua paa kona manao i ka hoonoho ole aku i na kanaka i hoopa’iia e ke kanawai e like me ka hoonoho ole ana ma ka oihana i na kanaka no lakou na moolelo maikai ole a kupono ole o ke ola honua ana oiai nae aole i hoopa’iia e ke kanawai o ka aina.

            He mau alakai maikai keia a ke pooaupuni o ke Aupuni Repubalika nui hookahi o ke ao nei, he Repubalika hoi ma ke kulana kalaiaina a no ka nui maikai o keia manao alakai ua komo aku ke aloha hooko no keia mea iloko o na Repubalika oiaio, ke kumu i ko’iko’i ai keia ano noonoo i o kakou nei a ke Kuokoa e pane kanalua ole nei i ke kau o keia kalele manao o ka Peresidena ma ke kahua o ka maikai loa a e alohaia ia ano manao e ka lehulehu e pono ai me ka nana ole ae owai la ia.

            A o ke kakoo ana o na Repubalika i na manao pookela e like me keia, a kakoo i na moho kupono a maikai, a ku-e ikaika i mea e haule ai na moho kupono ole a maikai ole ke olelo nei makou oia ka hapai ana i ka hanohano ame ka inoa maikai o ka aoao Repubalika, a e like me ka oiaio o ia mea pela i oiaio ai i na aoao kalaiaina apau; a i na mea e ae no apau.  Aka he hana hoohaahaa loa ia i ka aoao Repubalika a aoao e ae i ke koho ana i na kanaka kupono ole e like me ka na Home Rula ame Demokarata i wae moho iho nei ame ka na Repubalika hoi eia nae ua lonoia mai ka waiho holo moho aku o Mr. Shaw ame Mr. Maheiona alaila he manawa ia no ka makaala loa ana i ka wae ana i mau kanaka kupono no ka hoopiha makalua ana.

            Oiai aia ke kahua o ke Kuokoa ma ke kakoo ana i ke kupono a maikai loa, a ma ka hookuku ana i na aoao kalaiaina ua loaa kana koho o ka Repubalika ka maikai loa iwaena o kona imua hoa aoao—Demokrata ame Home Rula a maluna o ia kumu i kakoo ai oia i ka Repubalika aka aole ia he mea nona e kakoo ai i na moho Repubalika i kupono ole, a ina ua nele ka aoao i ke kupono alaila e kikoo aku no ke Kuokoa i ke kupono a maikai loa mawaho aku ma ka mahele moho a kakoo aku i ua moho kupono ia me ka nana ole ae i kona aoao e like me Mr. trent Demokarata oiai nae aia no he mau moho Repubalika maikai o ka Apana Elima e like me Oscar Cox o Wai-

 

alua C. Broad o Honolulu ame kekahi mau moho iho.  E noopoo @@ e ka mea koho balota o Oahu nei e pono ai.

 

KANAWAI HOOKUU LAULA KI-PA

            Ma ka haiolelo kalaiaina a na Republika i malama@a ai i ka Apaa Elima iloko o ka Mahele-koho E@wa i noho hoomaluia e Lunakanawai i pau J. L. Kaulukou ua lohea ae na ha’ i@nanao kalaiaina o na moho a hiki wale i ka ha’imanao o ka Moha Lunamakaaina Sol Mahelona.

            O ka manao hoohikilele a keia moho Repubalika i kalele nui ai, oia no kona lini a makemake a hana i kanawai a o kekahi o ia mau kanawai oia no ka hana i kanawai e hoopau i ka hopuhopu ana i ka poe ki-pa a e hookuu laulaia ia hana, a makou i manao ai i ka nui hemahema o ke kanaka a ina pela ke ano o ka hoa ahaolelo alaila e emi iho ana ka puka nui mai o ka maikai i ko ka nui ino, a ka nui lehulehu no hoi o ka Apana Elima e kilohi pono iho ai i ka hoike manao o keia moho, a o ia ano manao no ka mea nana e hoike ae pela iho la ka ke ano o ia kanaka ke lilo aku i hoa ahaolelo; a oiai aia ke kakoo o ke Kuokoa maluna o ke kahua o ka maikai a maikai loa,a oiai keia mau hoike manao aole i kau aku i ka maikai loa pela no e nele ai i kana mau kokua kakoo a makou e pane kanalua ole nei i ka hemahema nui o ka lehulehu i ke kakoo ana i na moho no lakou na ano e like me keia.

            Aole o keia wale ka mea e loaa ana ma keia kumuhana ke noonoo pono ke kanaka me ka lawe mai i ke Kanawai Panalaau o Hawaii Paeaina aka e loaa ana i ua kanaka la ame ka mea nona ka noike manao i ke ku-e o ke kanawai hookuu laula ki-pa a piliwaiwai i ke Kanawai Panalaau, a i hoike i ka oiaio o ka makou kalele manao maluna o keia mahele o ke kumuhana ua lawe mai makou i kekahi mahele o ua Kanawai Panalaau la i hooholoia e ka Ahaolelo Nui e like me ia e puka aku nei: Kanawai Panalaau, Mokunna 2; pauku 55—kekahi mahele—“Aole e aeia kekahi oki mare e ka Ahaolelo, aole no hoi e aeia kekahi oki mare e na Aha Hookolokolo o ka Panalaau ke ole ka mea nana ia noi e noho ma ka Panalaau no elua makahiki mamua ae o ke noi ana, aka, aole keia mau olelo e pili i kekahi hoopii oke e waiho ana iloko o ka Aha ma ka manawa e mana ai keia kanawai: AOLE E AEIA KEKAHI LOTERI A O KE KUAI ANA PAHA I NA TIKIKI LOTERI:----.”

            O keia hapahope ke hoohuiia me ka hapamua e loaa auanei ka hopunaolelo holookoa me ka hookaawale ana i na mahele pili i ke oki mare oiai he mahele okoa ia alaila eia ka mea e loaa ana: “Aole e aeia e ka Ahaolelo (hapamua) kekahi loteri a o ke kuai ana paha i ke tikiki loteri;” ma kekahi olelo moakaka ana ae he hana ku-e kanawai ia o ka Ahaolelo o keia Teritore i ke Kanawai Panalaau maa o kekahi hoa ahaolelo la ke hookomo i kanawai hoonoa i ka piliwaiwai loteri a me ka hooholoia ia kanawai, a makou e manao nei i ka wiwi o na manao hooaiai o ka moho maluna o ke kumuhana me ka manao mua ole paha o ka mea ana i manao ai i mea hoohei manao i ka poe koho balota i mea e loaa ai na balota he mea ku-e kanawai Panalaau ole ia, ke kumu i poholo aku la iloko o ka upena e hiki ole ai ke oni ae a alo.  A na keia mau hoike manao no o keia moho Repubalika i hoike ae i ke ano o ua moho la.

            Ke manao nei ke Kuokoa aole he kuleana iki o ka poe kuleana k0oho balota e hoohemahema ai i ko lakou noonoo pono maluna o keia ano moho me ka nana ole ae owai la ia no kona kupono ame ka ole, a oiai aole he mea liilii a paani wale na hoike manao o na moho i manao e lawelawe i ka hana o ka lehulehu ke puka lakou a kau aku maluna o ke kahua io; a e pono ai i ka lehulehu e moni i na hoike manao o na moho o na aoao kalaiaina apau a kanana maluna o ia mau mea kekahi wahi hoi e loaa ai kekahi mau ike no lakou, no ka mea, e maopopo no ko lakou mau ano ma ko lakou mau hoike manao hui pu ia me ke ano o ko lkou lawe ana ia lakou iho i kela ame keia la.  E noonoo pono e ka mea koho balota maluna o keia mau mea, oi aku o ko ka Apana Elima ame ka poe no apau no ka paa ana mai i ko lakou kakoo ana no ia ano moho me ka nana ole ae owai la ia a maikai loa a he naauao ia no ua ano moho ke wehe mai iaia mai ka holo moho ana.

HOOPILIKIA O GEREMANIA

I KE KANAKA AMERIKA.

            Ma ka hoike a ke Kapena o ka mokukuna Vine i hoounaia ai e ka Papa Bosetona ma na Aina liilii o ka Hema, i ku aku nei hoi ma Kapalakiko, ua hoike ae oia aia me ia kekahi palapala na Mr. Schnelling, kekahi o na kumu misionari haole e noho la mana Paeaina Caroline, he leka hoi e hoike aku ana i kona pilikia i hookauia mai e na Geremania, a e koi ikaika nei iaia e haalele a Ruk, kahi hoi ana e noho nei.  Ua hoike ae ua kapena la ua hiki aku o Mr. Schnelling iluna o kona moku a haawi aku i ua palapala la me ke noi aku iaia e hoouna loa aku i Wasinetona, a e hooko ana oia i ke noi.

            Ma ka laua hui kamailio ana ua hahai aku o Mr. Schnelling iaia ua kuai liloia mai iaia ka mokupuni ana e noho nei, a eia na kanaka ke hana nei malalo ona a ua makemake hoi na kanaka i ko lakou haku.  Ua hoea aku na poe kalepaGeremania a hooikaika, a ke hooikaika nei no, e kipakuia aku oia mai keia mokupuni aku, a mahope mai ua loaa mai la ke kauoha iaia mai ke Aupuni Geremania e kauoha ana iaia e haalele iho i ka aina, eia nae ua noho iho no oia iluna o ka aina a ua hoike ae hoi i kona manao e noho ana no oia malaila a hiki i ka manawa e lawelawe lima aku ai ke Aupuni Geremania maluna ona.  Ua hoike ae oia o kona kuleana la a nona hoi na mea apau oluna o ka aina e like me ke kuaiia ana mai iai.  M kana leta e hoounaia aku ana a u hoounaia ae nei paha, i ko kakou Peresidena, e noi anan keia haole i na kokua ana a Amerika nona, a o ka hopena e ike aku ana kakou ma keia mua aku.

 

KA NOONOO OLALAU.

 

O KA NOONOO OLALAU I LOAA

MAI MAMULI O KA HIKI OLE

ANA KE HIAMOE OIA KA MEA

I LILO AI KE OLA O ELUA KI-

NO KANAKA.

            Ua ala ae kekahi hana main@ino ma Philadelphia, kahi hoi a kekahi kanaka huli mea pohihihi o na laau lapaau i ki iho ai i kana wahine ame ia pu no hoi mahope o ko laua aumeume ikaika ana.  Ua hoike ae kona mau kauka ua ala mai keia hana manaonao mamuli o ka maikai ole o ka noonoo i loaa mai hoi mamuli o ka nele ana i ka hiamoe.

            He nui ka poe i loaa i ka poino mamuli o keia me ka maopopo ole i ka hana e hana ai a loaa ka maha a e nee mau aku ana hoi ko lakou kulana i ka pilikia i kela ame keia la e hoea mai ana.  O ka poe o keia ano la he mea hauoli no lakou ke ike mai i ka hana a Mr. Thomas Hessian, e noho nei ma South Hampton, N. H., i hana ai a kaa aku oia ma ke anuu pakele mai ka noonoo olalau ana a na kauka i puhili ai ko lakou ike.

            He mahiai ka Mr. Hessian hana a he kanaka hoi oia i maa i ka hoi koke ana no e hiamoe i ke ahiahi okoa.  Iloko o Aperila, 1903, i hoomaka iho ai oia e ike i ka hiki ole iaia ke hoi koke e hiamoe i loaa ai ka oluolu iaia e hiki ai ke hana aku i kana hana mau o ka la.

            “E kakaa wale iho no wau iluna o ko’u wahi moe,” wahi a Mr. Hessian i hoike ae ai, “eia nae aole e hiki ia’u ke hiamoe iho no umi-kumamalima minute me ko’u ala hou ole, a ia’u e ala ae ai i ke kakahiaka ua ike iho la wau ua oi aku ko’u maluhiluhi mamua o ko’u manawa i hoi aku ai e hiamoe.  Ua hana mai la oia no’u eia nae aole i loaa mai he wahi pono ia’u mai kana laau mai a komo mai la ka manao iloko o’u e waiho wau i ka’u hana.

            “Oiai wau e noho ana iloko o keia haawina kaumaha me ka loaa ole mai hoi he wahi manaolana, ike iho la wau i ka hoolaha e pili ana i ka Dr. Williams’ Pink Pills for Pale People a ua komo loa mai la iloko o’u na noonoo nui no ka oiaio o na hoike i hoikeia no keia laau, nolaila ua hooholo iho la wau e hoao i keia laau.

            “Iloko o Iune ko’u hoomaka ana e lawe i keia laau.  Mamua o ka pau ana o ka pahu mua ia’u ike iho la wau i ko’u ano maikai mai a ia’u e hoomau ana i ka lawe ana i keia mau huaale pela no hoi ka mahuahua ae o ko’u maikai, a i ka pau ana o ka elima o na pahu ua hiki ia’u ke moe me ka oluolu e like me na wa i hala a ala mai hoi i ke kakahiaka no ka maluhiluhi ole a makaukau hoi no ka hele ana aku i ka’u hana a hana hoi i ka’u hana e like me na wa i hala.  Mai ia manawa mai i mau ai ka maikai o ko’u ola; he ono maikai ka’u ai a he ikaika hoi e hana ai i ka’u hana a po ka la a hiki hoi ke hiamoe me ka maikai a lana mau hoi ko’u mau manao maikai.”

            “O ke olalau o ka noonoo oia kekahi mea nana e hoonaluea i ke kino a i kekahi manawa hanai kekahi mau hana pono ole.  He mea pono e kaupale koke ia kona mau haawina makamua ma ka lawe ana i ka Huaale Akala a Kauka William no ka Poe Haikea a e pau no na lala i hoopilikiaia i ka hooponoponoia.  Ke kuaiia nei ma na halekuai laau lapaau apau apuni ke ao holookoa.

 

Ka aoao maikai o ke Ola

            He mea maa mau i ka hapanui o kakou ka loaa ana o ka hauoli piha ana i kupono ai hoi e loaa io mai e like me ke kanawai o ke ola ana.  Iwaena hoi o na mea heluhelu e hoopilihua ai a e hoopalupalu ai ia kakou o ke ola kino nawaliwali oia kekahi hiki mua.  Ua olelo ae o Hannah More o ka hewa ua ulu mai no ia mailoko mai o ka opu inoino.  Nolaila he mea kanalua ole o ke akepaa i hoopoinoia mamuli o ke koko inoino, oia ka mea nui nana e hookau iho i na nanaina kaumaha a oi aku mamua o kekahi mau mea e ae.  O ke kuluma mau o ka pilikia i ka waihona hoowali ai, wahi a kekahi kauka Pelekane, oia ke alahele no ka poino o na lala o ke kino.  A owai la hoi ka mea e hoomanawanui ana i ka hana pono ole a ka eha, a hoala mai hoi i na manao uluku makau no na ma’i like ole o ke kino ame ka waihona loko i kuluma mau i na kanaka.  Ua like lakou me na ao hakumakuma e pohai mau ana maluna o ka lehulehu i hiki ole ke heluia.  Ua hiki no ia oe ke ike i keia poe kanaka ma na wahi apau.  No lakou he mea hiki ole ke olelo ae “he mau mea maikai ma ko lakou mau aoao.”  A mailoko mai oia mea e ake ana ko lakou mau naau e loaa ka palekana ame ke ola.  O ka laau e like me

WAMPOLE’S PREPARATION

Aole ia i kau aku iwaena o ko lakou nohona ame ka ohohiaia e na kanaka mamuli o na kalahea wale ana ame na hoolaha e pai ana.  Ua kono ia aku ia e lawe ae iaia mamuli o ka hookoia ana aku i ka mea i ha’iia aku ai ia lakou ua hiki iaia ke hana.  O ke kaulana ana o keia laau he mea paa ia.  He oi aku kona ono e like me ka waihona meli i huipuia me na mea hooulu a hoola o ka Pure Cod Liver Oil i hoohuiia me ke Compound o ka Hyphophosphites, Extracts o ka Malt ame Wild Cherry.  Aole he mea i oi o kona moolelo holomua no ka hoola ana i ke kanaka koko ole, haalulu o na lala, ka alaala, na ma’i o ka puu ame ke akemama ame na ano ma’i apau i loaa mai mamuli o ke koko maemae ole ame ka pono ole o ka waihona ai.  O kana hana he kokua e ike aku i ka aoao maikai o ke ola.  Ua olelo ae o Kauka W. H. B. Aikins o Canada penei:  “Ke hau oli nei au e ha’i aku o ka hopena i loaa mai ma ka lawe ana iaia ua oi aku ka maikai ame ke kupono.”  O kela ame keia e lawe ana iaia he wahi hana kana i hana ai.  “Aole loa ia e hoohoka ana.”  E loaa ma na halekuai laau lapaau apau.

            Aole i ae ae ka Papa Kakauinoa koho balota i ke noi a Jonah Kumalae no ke kakauinoa ana, a ua hoohalahala loa aku ola imua o ka Aha Kiekie.

            I keia ia ka haiawai o ka Hui Hoolewa a Harrison e like me ia i hoolaha mua ia aku ai.  Mai poina i ka hele ana ae.

 

            KA HIKI ANA E HOOKAAWALE I KA PILIKIA A KE ANU.—Ua ike n@ na poe apau i ka pilikia e loaa mai ana mamuli o ka loaa ana i ke an@ koikoi loa a ha mea hoi keia e koi ana ia lakou e noho iloko o ka hale a hiki i ka hala ana o ka pilikia.  He nui a lehulehu hoi, na poe i makemake ole e haule k@ lakou mau manawa a e hauoli ana no hoi iakou ke lohe aku i ka @@@kia koikoi e loaa ana ma o ka loaa ana i ke anu i hiki hoi ke @a@@ia @e ma ka loaa koke ana i ka laau Chamberlain’s Cough Remedy.  Aole o ke ola wale no kana e haawi ana aka he ola hikiwawe a kaupale aku hoi i ka loaa ana i ka numonia.  Ke kuaila nei ma na halekuai apau.  BENSON, SMITH & CO., LTD., na agena ma Hawaii nei.

HOOLAHA MA KE KAUOHA

HOOLAHA I NA MOHO NO KE

KOHO ANA I KA AHAOLELO.

            Ma keia ke haawiia aku nei ka hoolaha, oiai ke koiia nei ma ke kanawai o na moho no ke koho ana i ka ahaolelo, o ka Mokupuni o Oahu, e waiho ae i ko lakou mau palapala i waeia ai i moho me ke Kakauolelo o ka Teritore aole e emi iho malalo o Umi la mamua o ka la Koho Nui, nolaila he mea pono no o na palapala wae moho i oleloia e waiho ae ma keia keena aole e haule aku mahope o ka hora Eha o ka auwina la o ka Poaono, Okatoba 29 1904.

            I hiki ai ke kupono no ke koho ana ma ke ano Senatoa o ua moho ia i kane ia a makaainana o na Mokuaina Huiia, i hiki aku kona mau makahiki i ke kanakolu; i noho hoi ma ko Hawaii Paeaina aole i emi iho malalo o ekolu makahiki a i kupono hoi no ke koho ana i na Senatoa iloko o ka Apana ona i kohoia ai.

            I hiki ai ke kupono no ke koho ana ma ke ano he hoa o ka Hale o na Lunamakaainana, a ua mea ia i ka manawa no i kohoia ai, e loaa iaia na makahiki he iwakalua-kumamalima; i kane hoi a kupa o na Mokuaina Huiia; i noho hoi ma ko Hawaii Paeaina aole i emi iho malalo o ekolu makahiki; a i kupono hoi e koho no na lunamakaainana ma ka Apana ona i kohoia mai ai.

            O na palapala waemoho apau e hoouna pu ia mai me na dala hoopaa he iwakalua-kumamalima, a e kakauinoa ia hoi e na poe kupono i ke koho aole e emi iho malalo o iwakalua-kumamalima mai ka Apana nona ua koho la e malamaia aku ana.

A. L. C. ATKINSON,

Kakauolelo o Hawaii.

            Hale Aupuni, Honolulu, Sepatemaba, 29, 1904.

3035—Sept. 30—Oct 7, 14, 21.

HOOLAHA I NA MOHO NO KE

KOHO ANA I KA AHAOLELO.

            Ma keia ke haawiia aku nei ka hoolaha, oiai ke koiia nei ma ke kanawai o na moho no ke koho ana i ka ahaolelo, koe ko ka Mokupuni o Oahu, e waiho ae i ko lakou mau palapala i waeia ai i moho me ke Kakauolelo o ka Teritore aole e emi iho malalo o Kanakolu la mamua o ka la Koho Nui, nolaila he mea pono no o na palapala wae moho i oleloia e waiho ae ma keia keena aole e haule aku mahope o ka hora Elima o ka auwina la o ka Poakahi, Okatoba 10, 1904.

            I hiki ai ke kupono no ke koho ana ma ke ano Senatoa o ua moho la i kane ia a makaainana o na Mokuaina Huiia, i hiki aku kona mau makahiki i ke kanakolu; i noho hoi ma ko Hawaii Paeaina aole i emi iho malalo o ekolu makahiki a i kupono hoi no ke koho ana i na Senatoa iloko o ka Apana ona i kohoia ai.

            I hiki ai ke kupono no ke koho ana ma ke ano he hoa o ka Hale o na Lunamakaainana, o ua mea la i ka manawa no i kohoia ai, e loaa iaia na makahiki he iwakalua-kumamalima; i kane hoi a kupa o na Mokuaina Huiia; i noho hoi ma ko Hawaii Paeaina aole i emi iho malalo o ekolu makahiki; a i kupono hoi e koho no na lunamakaainana ma ka Apana ona i kohoia mai ai.

            O na palapala waemoho apau e hoouna pu ia mai me na dala hoopaa he iwakalua-kumamalima, a e kakauinoaia hoi e na poe kupono i ke koho aole e emi iho malalo o iwakalua-kumamalima mai ka Apana nona ua koho la e malamaia aku ana.

A. L. C. ATKINSON,

Kakauolelo o Hawaii Teritore.

            Hale Aupuni, Honoluolu, Sepatemaba 15, 1904.

3034—Sept. 23, 30—Oct. 7.

HOOLAHA A KA LUNAHOOPONOPONO WAIWAI.

WAIWAI O AMARA.

            No ka mea ua hookohuia ka mea nona ka inoa malalo iho, i Lunahooponopono i ka waiwai o Kekie Amara w o Waialua, mokupuni o Oahu, i make, nolaila ke hoike ia aku nei ka lono i ka poe apau ina he koi ka lakou, e waiho mai ia mau mea i ka mea nona ka inoa malalo iho, ma kona keena ma Aliiolani Hale, Honolulu, mokupuni o Oahu, iloko o na mahina eono mai keia la aku, o hoole loa ia auanei.

            A o ka poe i aie i ka mea i make, ke kauoha ia aku nei lakou e hookaa koke mai i ka mea nona ka inoa malalo iho, ma Aliiolani Hale i hoike mua ia ae la.

            Kakauia i keia la 24 o Sepatemaba, 1904.

HENRY SMITH,

Lunahooponopono Waiwai i hoikeia ae la.

3035—Sept. 30—Oct. 7, 14, 21, 28.

HOOLAHA HUI I HOOHUILA.

ALBERT WATERHOUSE.

E. KOPKE.

            He hoike ana keia ma ka la iwakaluakumamalua o Sepatemaba, 1904 o Albert Waterhouse, o Honolulu, Teritore o Hawaii, ame E. Kopke, oia wahi hookahi no, ua kukulu a hoohui ia iaua iho no ka hana o ke kuai a hoolilo aku ma ke kuai kaio ame na mea ulu e ae no ka hana ana ame ke kuai ana aku i ka poi ame ka lawelawe laula ana ma ia alahele e like me ka hiki, ka maalahi a i ole na mea paha e aia mai ana, malalo o ka inoa hui o

 

HOOLAHA MA KE KAUOHA

Waterhouse ame Kopke, me k laua lawelawe hana ana ma Honoluolu, a lawelawe hoi i ka hana ma ke ano nui ma keia Teritore holookoa a ma na wahi e ae.

ALBERT WATERHOUSE,

E. KOPKE.

            Honolulu, Sepatemaba 22, 1904.

@@@@--Sept. 30—Oct. 7,

OLELO HOOLAHA.

HOOPAU HUI HOOHUIIA.

HYMAN BROTHERS.

(NA HOAHANAU HYMAN.)

            Ma keia ke haawiia aku nei ka hoolaha o ka hui i ku a i oia ai mawae na o ka poe no lakou na inoa malalo iho nei malalo o ka inoa hui o Hyman Brothers (Na Hoahanau Hyman), e lawelawe oihana kalepa ana iloko o Honolulu, T. H. ma keia ua hoopauia.

            O na kuleana loaa no na ko’iko’i apau ua pau pono mai lakou a e hookuuia aku no e ka mea nona ka inoa malalo iho nei Isidor Rubinstein ka mea hoi i haawiia aku ai ke kuleana piha o ka ohi ana i na helu-waiwai ame na bila i kuleanaia e ka hui i oleloia.

            Honolulu, Iulai 1, 1904.

            H. W. HYMAN, MICHAEL HYMAN, MORRIS HYMAN, JOSEPH HYMAN, ISIDOR RUBINSTEIN.

            E hoomau aku ana no o I. Rubinstein ma ka lawelawe oihana kalepa ana e like me mamua ma Alanui Moiwahine helu 58 malalo o keia ano o I. Rubinstein & Co., a he olioli nui hoi kona i ka hui aku me na hoaloha ame na makamaka kuai ke kipa mai i ona la.

I. RUBINSTEIN.

3033—Sept. 16, 23.

HOOLAHA HOOPAU HUI I HOOHUIIA.

            I ka poe apau e ike mai ana i keia: O ka hui i ku ai a i ola ai mawaena o E. COIT HOBRON, JOHN M. SASS ame ARCHIBALD YOUNG, na hoa hui e lawelawe oihana kalepa ana iloko o Honolulu malalo o ka inoa hui ame ke ano o ka THE HAWAIIAN ROCK COMPANY, i keia la ua hoopauia mamuli o ka ae lokahi like ana.

            Honolulu, Sepatemaba 13, 1904.

E. COIT HOBRON,

JOHN M. SASS,

ARCHIBALD YOUNG.

3033—Sept. 16, 23, 30.

HOOLAHA MANA HOOKOLOKOLO ILOKO O KA AHA KAAPUNI O KA APANA KAAPUNI ELUA, TERITORE O HAWAII, MA KE KEENA.  HOOPONOPONO WAIWAI.  ILOKO O KA HANA O KA WAIWAI O WILLIAM KEAMO, MEA I MAKE, O KEONEOIO, HONUAULA, MAUI, IMUA O KA LUNAKANAWAI A. N. KEPOIKAI.

            Kauoha o ka Hoolaha no ka Hoolohe ana i ke Noi no ka Aponoia o na Hoike Helu Waiwai Hope loa, ame Hookuu ana iloko o keia waiwai.

            Ma ka heluheluia ana ame ka waihoia ana mai o ke Noi ame ka Hoike Hele Waiwai o J. D. Keamo, Lunahooponopono Waiwai o ka Waiwai i hoikeia ae nei maluna, iloko olaila i noi ai oia e aeia aku i $256.19 a auhau no oia iaia iho me ka huina o $197.44, ame kana noi e nanapono i amai ka hoike ame ke aponoia mai, a e hoopukaia mai i kauoha hope loa no ka mahelehele ana i ka waiwai i koe iho iloko o kona mau lima i ka poe apau i kuleana iloko olaila ame ka hookuu mai iaia ame kona mau hope hoopaa mai na ko’iko’i aku apau ma ke ano lunahooponopono.

            Ua kauoha pu ia no hoi o ka Poalua, ka la 25 o Okatoba, A. D. 1904, ma ka hora 10 a. m. imua o ka Lunakanawai o ka Aha i oleloia ma ke Keena Hookolokolo o ua Aha Hookolokolo ia i oleloia ma Wailuku, Mokupuni o Maui, oia kahi ame ka manawa i hooholoia no ka hoolohe ana i ke Noi i oleloia ame ka Hoike Helu Waiwai, a o ka poe apau i kuleana iloko olaila e hele ae ma ia wahi a i ka manawa i hoikeia a hoike aku i ke kumu, ina he mau kumu kekahi a lakou, no keaha la e ae ole ia ai ia mea ame ka waiho pu ae i mau hoike no ka poe apau i kuleana iloko o ka waiwai i oleloia.

            Hanaia ma Wailuku, i keia la 10 o Sepatemaba, 1904.

EDUMND H. HART,

Kakauolelo o ka Aha Kaapuni o ka Apana Kaapuni Elua.

3033—Sept. 16, 23, 30—Oct. 7.

ILOKO O KA AHA KAAPUNI O KA APANA KAAPUNI EKOLU TERITORE O HAWAII, HOOPONOPONO WAIWAI HOOILINA MA KE KEENA.  ILOKO O KA WAIWAI O DAVID HUKAI KAHOIWAI O KOHALA AKAU, HAWAII I MAKE KAUOHA OLE.

Kauoha o ka Hoolaha o ka Hoolohe Palapala Noi no ka hooponopono Waiwai ana.

            Ma ka heluheiu ana ame ka waiho ana mai i ka Palapala Noi a E. A. Fraser o Mahukena, Kohala, he mea i aieia e David Hukai Kahoiwai, e hoikana o David Hukai Kahoiwai o Mahukona, Kohala Akau, Hawaii, ua makkauoha ole ma Mahukona i oleloia ma ka la 13 o Dekemaba, A. D. 1903, e waiho ana hoi he waiwai iloko o ko Hawaii Paeaina i kupono no ka noho Kahu ia a e noi ana e hoopukaia na Palapala.  Lunahooponopono Waiwai iaia.

            Ua kauoha pu ia no hoi o ka Poalima, ka la 11 o Novemaba, A. D. 1904, ma ka hora Umi a. m., ola kahi ame ka manawa no ka hoolohe ana i ka Palapala Noi i oleloia maloko o ke Keena Hookolokolo o keia Aha ma Kailua, a oia hoi ka manawa ame kahi a ka poe apau i kuleana iloko o keia mea e hiki ae ai lakou a hoike ae i ke kumu, ina he mau kumu kekahi no keaha ia e hiki ole ai ke aeia ke noi i oleloia, he hoolaha o ke Kauoha e hoolahaia ma na olelo Hawaii ame Enelani iloko o ka Nupepa Kuokoa ame Pacific Commercial Advertiser, he mau nupepa iloko o Honolulu, no ekolu pule neepapa.

            Hanaia ma Kailua, Hawaii, i keia la 23 o Sepatemaba, 1904.

JOHN ALBERT MATTHEWMAN,

Lunakanawai o ka Aha Hookolokolo

            Kaapuni o ka Apana Kaapuni Ekolu.

Ike makaia:

            John P. Curts,

Kakauolelo o ka Aha Hookolokolo

            Kaapuni o ka Apana Kaapuni Ekolu. 

3035—Sept. 30.—Oct. 7, 14.

 

Kakela me Ku @@@

(KAUPALENAIA)

Poe Kalepa ma @@

ke Komis@@

A HE

POE LAWELAWE KO@@

Poe Agena no na @@ hiko Lehulehu.

Hui Alahao ame Aina o O@@@

MANAWA HOLO

Mei 1, 1903.

(picture of train)

MAI HONOLULU AKU

No Waianae, Waialua, Kahuku @@@ na wahi hoohulu ma ke ala@@

9:15 a. m., 3:30 p. m.

No Pearl City, Ewa Mill, a@@ na @@ hoolulu ma ke alahao--@@@

9:15 a. m. 11:05 a. m. @@@

3:20 p. m., 4:15 p. m. @@@

9:30 ;p. m., 11:15 p. m.

MAI WAHO MAI

Ku i Honolulu mai Kahuku Wa@@ ame Waianae mai 8:36 a. m. @@@ 5:31 p. m.

Hu i Honolulu mai Ewa Mill ame Pearl City mai—6:50 a. m., 7:45 a. m., @@ 8:36 a. m., 10:38 a. m., 2:05 p. m., 4:31 p. m., 5:31 p. m., 7:40 p. m.

5:31 p. m., 7:40 p. m.

Kela ame keia la.

Sabati wale no.

Koe ke Sabati.

G. P. DENISON,

            Lunahoohana.

F. C. SMITH,

G. P. & T.

Na Papale I-e Nu@@@

O na Lede ame na Keonimana o @@

ano hou e loaa no ma kahi o @@@

FUKURODA@@

Helu 28-32 - - - Ala@@@ H@@@

HALAWAI HUI HOOLEWA HONOLULU.

            E noho ana ka halawai m@@@ ka Hui Lala Hoolewa H@@@ Harrison ma Progress H@@@ kihi Ewa alanui Papu ame @@@ Honolulu, i Sept. 30, 1904, @@@ m.  E akoakoa mai na laia @@@ na ukukomo me na auhau@@@ pu mai i na pepa hookaa a@@@ kauinoaia e ke kakauolelo @@@ iloko.  Ma ke kauoha o ka @@@

J. H. TOWNSEND

3034—2ts.  Ka@@@

UA UKU AKU KA

Fidelity Funding Co@@@

Iloko o na makahiki elua i h@@@ i ka poe i hoahu i ka lakou @@@ he $380,000.

            Na ka FIRST NATIONAL BANK @@ HAWAII e ku nei ma H@@@   e hooiaio mai i keia mea.

            $1.00 o ka pule no 100 pule @@@ he $150.00

            O na papa hoike ame k@@@@ ka poe e uku pule ia nei a@ @@@ e loaa no ma ke Keena o

R. D. HIGHTOWER

Agena ma Hawaii, Te@@@

41 ame 52 Young Block, Hawaii

Ina He Makemake @@

KOU I KA

Lauoho Maikai

E HELUHELU I KEIA.

Malia paha ke pau nei @@@@ ke helelei, a koe kakai@@@.  E @@ i ka laau mamua o ka @@@ loa @@ i ka helelei, e hana i laau e niu @@@ ai.  O ka laau

“Laau Hooulu Lauoho a Ayer’s @@@” ka mea e ulu hou ai.  He nani @@ lauoho ke ulu mai, a he nui hoi ina he nawali ka ulu ana o kou @@2 oho, o ka

“Laau Hooulu Lauoho a Ayer’s @@”

ka mea e manoanoa ai ka aiu ana @@ ke loaa i keia iaau pau @a ka @@@ lelei ana.  I na he piha kou p@@@ ke Kepia, o ka

“Laau Hooulu Lauoho a Ayer’s @@@”

ka laau e pau ai a maemae kou p@@@ .  Ke loaa i keia laau e hoi hou ana @@ ulu ana o kou lauoho a @ke me @@ kou wa bebe.

Hoomakaukau ia e Kauka J. C. Ayer’s & Company, Lowell, Mass., U.S. @@  E loaa no keia mau Huaale ma @@@  Hale Kuai Laau o Hollister, @@@ Papu.