Ka Nupepa Kuokoa, Volume XLII, Number 48, 25 November 1904 — Page 6
| This text was transcribed by: | Iasona Ellinwood |
| This work is dedicated to: | Nā hanauna e hiki mai ana |
Ka Nupepa Kuokoa
KE KILOHANA POOKELA NO KA LAHUI HAWAII.
Ko Makai Nui William Henry Manao.
(Mai ka aoao 1 mai.)
@ i ka pule, o ke kanaka e palo aku ana iaia e hana no ia e like me kona @ ia hana hookahi, a i ole e @ hope oia ma ka laua hana ana. Ina aole he hookapu ana o ka hopena e hiki mai ana e hana ana aneane e @ na mea apau ma ko lakou @ ia ana ma ka la Sabati, a i ole e @aule lakou ma ka lakou mau hana. Ke manao nei wau o ka hooko ana i ka hana ole ana ma ka la Sabati oia kekahi kanawai ikaika loa no ka malama ana i ka poe ilihune ame ka poe hana o na ano hana apau, a maluna @ ke manao nei wau e loaa mai ana na kakoo ana ia'u mai na poe apau aia ka manaoio iloko o lakou he mea waiwai ke ola ana mamua o na dala, ma ka hooko ana i keia kanawai, i hanaia hoi no ka malama ana.
"E pili ana i ka maluhia ame ka malu e like me ke kanawai la Sabati, a maluna hoi o ka mea pono ame ka mea ponoole a i ole na hana i aeia, aia no malaila he manawa no kela ame keia manao like ole oiai maluna o kahi e kauia aku ai ka hoomalu ana.
"Ke manao nei wau i ka hoohala manawa ana ma kekahi mau wahi manao ua like no kona waiwai me ka hoomaha ana, a ma na ano apau e pili ana ia mea e hiki no ke hanaia me ka hoopale ole ia e ka hapa hope, a e aeia.
"He nui no na ano hoohala manawa ana ame na hana hoonaauao e hoikeikeia ana i ku-e ole i ka maluhia ame ka malu o ka lehulehu, aole no hoi he @nalima kupono ole malaila. Ma keia mahele oia no na hale heluhelu @uke, na hale hoikeike mea kahiko, na hale pa'i kii, na hale hoikeike o na i'a, na malapua akeakamai ame na mea like o keia ano, a aole wale hoi @ aku lakou aka e hoohoihoiia @
"O kekahi ano o ka hoohala manawa ana a'u hoi e manao nei he mea hoopomaikai nui mai ia ia kakou oia ka @ele ana ma na wahi mamao, na hana paani ame lealea, ina no nae hoi e lawelaweia ana lakou ma ke ano a ma na wahi e hoopilikia ole ana i na pono o kekahi poe okoa aku no ka noho maluhia ana ame ka malu ana.
"Ma keia ke hamama hou nei he puka e komo mai ai na manao like ole e pili ana i kela ame keia ano hoohala manawa ana. E hoohanaia na manao ma keia a ke manao nei wau e hana aku e like me ka pololei a'u i ike ai, me ka hookaumaha ole aku ame ka hoopilimeaai ole.
"Ma ko'u manao, o ka paani kinipopo a kinipopo peku wawae ma ka la Sabati e like me ia e lawelaweia nei @ ka hui maoli, me ko lakou anaina piha i auhauia no ke komo ana, na poe kuai kikiki ame ka poe e lawe ana ame kekahi poe i hoohanaia, a ma ke ano nui oia ano paani, ke anaina hoi i akoakoa ae ame ka loaa ana mai o na mea houpuupu manao ame ka walaau ana, he ku-e ana ia i na pono o kekahi poe e aku i ka maluhia hoi ame ka malu o ka la Sabati.
"Ma kekahi aoao hoi, ka paaniia ana o na paani, kinipopo a ano e ae, me ka hana ole ia o kekahi mau hana e hoohaunaele ana ma na wahi e hiki ole ai ke hoopilikia i ka maluhia ame ka malu o kekahi poe e aku, e hoohoihoiia aku lakou.
"Ina o ka paaniia ana oia ano paani ua lawelaweia ma ke ano he imi loaa, a i ole ma ke kulana walaau paha e hoopoino ana i kekahi poe e aku, ua ku-e lakou i ka hana ka maluhia ame ka malu o ke kanawai la Sabati, a e hoopauia aole wale mamuli o ke ku-e ana i ke kanawai, aka he ku-e ana ia i ka malamaia o na ahahui e noho maluhia ana ame na pono o ka noho ana.
"O keia iho la na mea oiaio a'u e hoao aku ai e kakoo ma ko'u manao ame ka hooko ana aku i ke kanawai la Sabati. Ke manao nei wau aole he mau mea hoopilikia a hookaumaha a kupono ole ma keia mau mea, a ke noi nei wau i na kokua ana ame na kakoo ana o na makaainana noonoo pono apau o Honolulu nei ma ka lawelawe ana aku ia lakou ma ke alahele e mana ai."
HE MAU MELE NO KA ELELE KUHIO.
He wehi no kapua
Kapu a Kahekili.
No ka milimili lani,
Puuwai Hawaii.
Nau i poai,
Piko a o Hauola.
Ua ola kuu lani,
Leo o ka menehune.
Hauwalaau nei,
Lai o Ulukou.
Ku a ke koa nui,
Lula i ke kaulike.
Hana ana i ka pono,
Nou e ka lahui.
Kihi a o Pekela,
Alanui lokoino.
Hauwalaau ana,
Na manu like ole.
Kikokiko Kulina,
Hua ma lakana.
Hanai ai ia,
E Kalanianaole.
Keu aku kapipili,
A ka laka maoli.
Ua hui lokahi,
Hookahi puuwai.
Ua ola o ka Lani,
I kona lahui.
E o i ko lei.
Ohu o ka waui.
Kahiko o ke kino,
Kalanianaole.
Haku ia e Kalihi-waena.
He MAKEMAKE NA KAMAIKI E LAWE IAIA.—O ke kopaa maemae loa oia kekahi o na mea i hanaia ai ka laau Kumu a Chamberlain, a o ke aa laau i hoohanaia kona wai momona oia ka mea nana e hoola i ano like aku hoi me ko ka hu laau a na keiki e ai mau ai. He makemake na kamaiki e lawe i keia ano laau a aole hoi he mau poino e loaa mai ana mahope aku. He ola kana a he ola hikiwawe hoi. Ke kuaiia nei ma na halekuai laau lapaau apau. BENSON, SMITH & CO., LTD., na Agena ma ko Hawaii Paeaina.
HE MALU HOI KAU.
Ma ka malamaia ana o ke Kanawai la Sabati i hala iho la, ua ikeia ka meha pu oloko nei o ke kulanakauhale, a pela no hoi me Kapiolani Paka, kahi e malamaia ana na lealea kinipopo i na la Sabati i hala aku.
Ua piha ae na hale auau o Waikiki ma ia la, a pela no hoi me ka Home o na I'a Ola, oiai no nae ua puka ae ka nupepa Advertiser o ia kakahiaka me ka hoolaha e olelo ana ua papaia ka wehe hamama ana i ua home la. O kahi e paani ana ka bana, ma Maki Ailana, aole no i paha loa e like me na wahi e ae, a ua hoohala ae kekahi poe i ko lakou mau manawa ma ka nana ana i ka paani "golfer" ma Manoa.
O kekahi mea hilu loa ma keia la, a ma ke ahiahi hoi o ia la, oia na mea e pili ana i na haleaina o ke taona. O kekahi poe i hele mamao aku a hiki i ke ahiahi ana, i ko lakou huli hoi ana mai, ua hiki mai la lakou iloko nei o ke kulanakauhale mahope o ka hora ehiku a ua hoaa kekahi poe o lakou i kahi e ai ai.
O kekahi poe ohua hoi o ka mokuahi Miowera i ku mai i ke awa nei ma ia la, a i ono hoi ko lakou mau puu i na hua ai ia lakou ma ke alahele moana, a i ake mai hoi i ka aina nei e hookoia ai ko lakou mau makemake, ua hooneleia lakou me ia mau upu ana, oiai i ko lakou lele ana mai iuka o ka aina, e paa aku ana na halekuai. Ua loheia lakou e namunamu ana i ka maikai ole o keia wahi, oiai no nae o ka nanaina o ka aina ua maikai, ua nele nae i na mea e oluolu ai ke olakino.
Ma na ano apau, ua maluhia ka la Sabati ma Honolulu nei, a ua malama ae kekahi mau Ahahui Hooikaika Pono Kristiano i ka lakou mau halawai o ia ahiahi me na leo hoomaikai i ko ke Akua hoonoho ana ae i kekahi hooko pono i na kanawai o ka aina, oia hoi o Makai Nui Henry, ma ka Oihana Maikai.
Ua loaa pu mai na lohe ua pahola loa aku keia haawina maluhia ma na apana kuaaina aku nei, oia hoi e like me na wa i hala aku nei ka weli no o na la noa ame ka la Sabati. He hana maikai keia, a o ka hoomau aku ka pono.
NA HOOLILO O KEKAHI MAU MOHO.
O keia malalo iho nei na lilo o kekahi mau moho i holo iho nei ma keia kau koho iho nei o kakou i loaa ae ma ke Keena o ke Kakauolelo a hiki i ka Poaono i hala.
Ma keia mau hoike, e ikeia ana ka hoomakaulii o kekahi mau moho ma ka hoolilo ana i ka lakou mau dala ma kela kau koho iho nei. Ma keia hoike no hoi e ikeia ai o Charles K. Notley, ka moho Elele a na Home Rula ka i hoolilo nui, a ua aneane aku e hiki kona mau hoolilo i ka Eiwa haneri dala.
O Lunamakaainana R. W. Aylett, he $75.25 keneta ka nui o kona mau hoolilo, e mahele ana hoi e like me keia: $25 no kona palapala holo moho, $50.25 no na lilo e ae, huina $75.25.
Charles J. Broad, Lunamakaainana o ka Apana Elima, he $25 no kona palapala holo moho; $3 no kona mau hoolilo pilikino, a he $1.50 kona lilo hoolaha, huina $29.50.
Thomas H. Kalawaia, Lunamakaainana o ka Apana Elima, he $25 no kona palapala holo moho, hoolaha ana $8.70 lilo kaahele ma ke kaaahi $9; na lilo e ae $5.75, huina $52.
J. K. Kaohi, moho lunamakaainana Demokarata o ka Apana Eha, he $43.25 kona mau lilo, e hui ana i kona lilo palapala holo moho, kona lilo hoolaha o $7.25; na lako kakau $1; no na halawai makaainana i malamaia he $5; kakauolelo ame lawe olelo, $2.50; kanaka kiai ma kahi koho, $2.50.
O J. M. Kealoha, he moho lunamakaainana no ka Apana Elima, he $40.50 ka nui o kona mau lilo ke hoohuiia kona mau lilo palapala holo moho ame na lilo e ae.
O John C. Lane, ka Seatoa i koho pono ia no Oahu nei, he $76 ka nui o kona mau hoolilo apau ke huiia me kona palapala holo moho.
O Carlos A. Long, ka lunamakaainana o ka Apana Eha i koho pono ia, ua hiki aku kona mau lilo i ke 77.25 ke hoohuiia kona mau lilo apau.
O David Notley, moho lunamakaainana Home Rula no ka Apana Eha, he $53 ka huina nui o kona mau lilo apau.
O Charles Kahiliaulauni Notley, ke hoohuiia kona mau lilo kaahele ame kona palapala holo moho, ua hiki aku i ka $882, he huina lele oi loa hoi maluna o na moho e ae. Ua hiki no ka nui ana o na lilo, oiai o kona kahua hana ua puni holookoa o Hawaii nei.
O S. K. Oili, moho Senatoa Home Rula no Oahu nei, he $73.25 kona mau lilo apau.
KUPONO OLE NO KA HELE ANA.
Ma ka hoike a Lunanui o na Hana Hou Holloway i waihoia ae ia Kiaaina Carter, e ikeia ana ma ia hoike, he mea kupono ole i ke ola o ka lehulehu, o ka oi loa aku no nae ma ka laweia ana o na ukana kaumaha, ma ke alahele o ka pali o Nuuanu, a ma kahi alahaka hoi i hanaia malaila. I ka manawa i hanaia ai o keia alahaka he mau makahiki i hala ae nei, ua manaoia o keia kekahi o na alahaka ano hou o ka hanaia ana. Eia nae iloko o na makahiki i kaahope ae nei, oiai ka ino e nou ana maluna o ua alahaka la, huipu hoi me ka hele nui ia ana, ua hana ino ae la na uwea keleawe i hanaia ai no ka paa ana i na kua hao i hoomoeia ai no ka paa ana i ke alanui puna awiliia i hanaia maluna o keia alahaka.
Oiai o keia kekahi o na wahi ano nui loa ma ke kaahele ana no na Pali Hauliuli o Koolau, nolaila ua manao o Lunanui Holloway, ma kahi o ka hooponopono hou ana i keia alahaka, e hoopau ia ae, a e hooliloia aku na kenikeni ma ka eli ana aku iloko o ka paia pohaku paa, a ke manaoia nei o keia ana ka hana a ka ahaolelo e apono ae ai.
Hoi ia Haumana.
HAALELE O URAL ROBINSON I KE KULA ME KA PILIKIA LOA O KONA OLAKINO.
UA MANAO NA HOALOHA O KEIA OPIO UA LOAA IAIA KA PALEKANA ME KA NIHINIHI LOA. HE KUKAI ANA ME MR. ROBINSON.
O Mr. Ural Robinson oia kekahi o na haumana ma kekahi o na kula a'o oihana ma Canton a hiki ae nei i kekahi manawa pokole i hala ae nei ua koiia aku oia e haalele i kana mau haawina a hoi aku no kona home ma Osnaburg, Ohio. O keia ka hoomaka ana o kona ma'i i aneane aku hoi e kaualako aku iaia i ka make, e like hoi me na mea e ikeia ana ma keia kukaiolelo malalo iho:
"Ua kau mai ka pilikia maluna o'u me ka hikiwawe," wahi a Mr. Robinson, "Ua loaa mau wau i ka eha ma ke poo, a he mea hoopilikia loa hoi keia. No ekolu mahina aia wau maluna o ka lapaau ana a ke kauka, a oiai no nae ua hoolilo aku wau he huina dala mahuahua no ka laau lapaau, aole he wahi pono i loaa mau ia'u. I keia manawa ua kau mai la he haawina koikoi o ka ma'i rumatika maluna o'u a o keia ka mea nana i hoonawaliwali loa iho ia'u. Ua pehu ae la kou mau wawae ame na lima a kau mai la maluna o'u ka eha nui. Aole e hiki ia'u ke oni ae me ka loaa ole mai o ka eha nui ia'u, a o na mea ai paa he ku i ka hoowahawaha ia'u. O ka laau a ko'u kauka i haawi mai ai ia'u ua hiki ole ke paa iho iloko o ko'u opu; a no ia kumu ua emi nui mai la ko'u kino a nawaliwali loa iho la wau e hiki ole ai ia'u ke ala ae mai ko'u wahi moe ae.
"He hilinai nui loa ko'u makuahine i ka Dr. Williams' Pink Pills for Pale People, a olelo mai la ia'u e hoao. He mea pahaohao a ku i ka maikai no'u ka ike ana iho mahope o ka hoao ana ua paa mai ka'u ai iloko o ko'u opu a mahope mai moakaka mai la ia'u ke loaa nei ka pono no'u. I ka manawa a'u i lawe ai i ka elima o na pahu ua ola loa ae la wau. O keia ola ana o'u he olakino maoli, a aole hoi he manawa a'u i noho hauoli ai me ka olakino maikai e like me keia o'u i hoolaia ai e na Huaale Akala a Kauka William no ka Poe Haikea."
He mau huaale hana kupaianaha keia ma na ano ma'i pohihihi apau i na kauka, no ka mea he komo loa aku keia mau huaale i ka papaku o ke ola. He elua ano o ko Mr. Robinson ma'.i oiai hoi ua poino kona mau aakoko a he ma'i koko ino. Aole loa he mau laau lapaau maikai loa no keia mau ano ma'i e like me ka Dr. William's Pink Pills for Pale People, no ka mea he hana kana maluna o ke komo ame na aakoko. O keia na mea i ano okoa ae ai keia mau huaale mai na laau e ae. Ke hoola nei keia mau Huaale Akala a Kauka William i na ma'i lolo, hulahula, lolokaa, rumatika, haalulu, poo eha a poniuniu, pilikia @ loko o ka opu, ame ka hopena mahope o ke kaama'i la gripa ana, ame na ano apau i pili i na kane ame na wahine. Ke kuaiia nei ma na halekuai laau lapaau apau.
He Anoe Loa.
HE NUI NA ANO HOOHALIKE ME KEIA, EIA NAE HE ANOE LOA—O NA HOOIA O KAKOU NEI OIA KA KO HONOLULU I MAKEMAKE.
He nui na ano like ole.
Ke hoopuka nei kela ame keia nupepa.
O na hoike i hiki ole ke manaoio ia, he hiki ole ke hooia ia.
O na hoike mai na wahi mamao.
I hoopukaia e na kanaka ma Florida.
Na manao laula mai Kaleponi.
Ua ikeia nolaila ia pono.
Aka aole pela ma ko kakou home kulaiwi.
Makemake ko Honolulu i na hoike o onei.
Ke kalahea nei lakou i na hoanoho, na hoaloha ame na hoa makaainana.
O na hooia o onei ka i heluia.
Ke hoopuiwa nei oia i ka hoomaloka; ua hala aku ma o o ka hoopaapaaia.
O keia na kakoo e ku mai nei mahope o na pahu apau o ka laau Doan Kidney Pills. Eia keia hooia nona:
Ke olelo nei o Mr. Cyrus S. Edison o Kapiolani Paka penei: "O ka'u hana i keia manwa he kalaiwakaa a ua hiki mai hoi au maanei he umi-kumamalima makahiki i hala ae nei. Mamua aku o ia manawa ua kalaiwa aku wau i kekahi kaa ma Amerika Huipuia. Na keia hana i lawe aku ia'u i na kau apau a'u hoi e hoohewahewa ole nei oia ka mea nana i hookau mai i ka pilikia ma ko'u puupaa. Ua loaa mai na hoailona o keia popilikia ia'u, a ia manawa wau i hoao ai i na mea apau e hiki ai ke loaa ia'u ke ola. Ua haule wale keia mau mea apau, a e aneane aku ana wau e hoopau i kou manaolana no ke ola oia ko'u wa i lohe ai i na mea e pili ana no ka laau Huaale Puupaa a Eha o ke Kua a Doan a loaa mai la ia'u kekahi o keia mau huaale mai ka halelaau o Hollister Drug Co. He mea oia ua hoopakele mai keia mau huaale ia'u a ua kupono hoi ka lakou hana i hana mai ai no'u ma ka'u ike iho.
O ka laau Huaale Kikala Haneenee ame Puupaa a Doan e kuai ia aku no ma na hale kuai laau apau ;o ke kumukuai he 50 keneta o ka pahu (eono pahu no $2.50.) E hoounaia no ma ke eke leta e Hollister Drug Co., Honolulu, na agena o ko Hawaii Paeaina.
Ma keia kakahiaka e haulani aku ai ka mokuahi Mauna Loa no na awa ma Maui ame na Kona a hiki loa aku i Kau.
O ka Poakahi nei oia ka la piha loa i na kanaka i ike ole ia mamua, ka Hale Hookolokolo Apana o Honolulu nei. He nui na keiki i paa mamuli o ka hele wale ana i ka po, a i pau hoi i ka hopuia ae e like me ke kauoha a ka Makai Nui Henry.
Ke aneane loa aku nei e maikai ae ke alanui Kulika ma Kalihiwaena.
HOOLAHA AINA AUPUNI.
PUUWAAWAA LAND.
Ma ka Poaono, Dekemaba 3, 1904, ma ka hora 12 awakea, mamua iho o ke alo o ka Hale Hookolokolo, Honolulu, e kuaiia aku ana ma ke kudala akea:
25.38 eka aina kula, e waiho la ma Puuwaawaa, Kona Akau, Hawaii. Kumukuai haahaa, $507.60. Ma ke kuike ka makemake a ma ke dala gula hoi o Amerika.
No ke kii aina ame na mea aku i koe, e ike ae ma ke Keena o na Aina Aupuni, Hale Hookolokolo, Honolulu, a i ole ma ke Keena Aina, Hilo, Hawaii.
JAS. W. PRATT,
Komisina o na Aina Aupuni.
Honolulu, H. T., Novemaba 1, 1904.
3040—Nov. 4, 11, 18, 25.
HOOLAHA AINA AUPUNI.
Ke haawiia aku nei ka hoolaha o na aina i hoakakaia ma keia Papa Kuhikuhi malalo iho nei e weheia aku ana no na noi malalo o ka Hapa VI o ke Kanawai Aina o 1895, no na Home Hookuoonoono Hoolimalima, ma ka hora 9 a. m., Novemaba 25, 1904, ma ke Keena o ka Hope-Agena, Hale Hookolokolo o Hanalei, Hanalei, Kauai.
PAPA KUHIKUHI.
Na Eka.
Apana 1 . . . 2.6
Apana 2 . . . 2.7
Apana 3 . . . 2.7
Apana 4 ame 4A . . . 5.3
Apana 5 ame 5A . . . 5.5
Apana 6 ame 6A . . . 5.4
Apana 7 ame 7A . . . 5.5
Apana 8 ame 8A . . . 5.5
Apana 9 ame 9A . . . 5.5
Apana 10 ame 10A . . . 5.5
Apana 11 ame 11A . . . 5.5
Apana 12 ame 12A . . . 5.4
Apana 13 ame 13A . . . 5.4
Apana 14 ame 14A . . . 5.5
Apana 15 ame 15A . . . 5.5
Apana 16 ame 16A . . . 5.7
Apana 17 . . . 1.5
Apana 18 . . . 1.8
Apana 19 . . . 1.7
Apana 20 . . . 1.3
Apana 21 . . . 1.3
Apana 22 . . . 1.6
E hiki kino ae ka poe e noi ana no keia mau pa i oleloia ae nei maluna ma ke Keena o ka Hope-Agena, e like me ia i hoikeia ae nei maluna.
Eia keia mau apana ma ke awawa o Hanalei, aole hoi i loihi loa mai ke kaikuono o Hanalei, Kauai.
No ke kii aina ame na mea aku i koe e hiki no ke loaa aku ka ike ana ae i ke Keena.
JAS. W. PRATT,
Komisina o na Aina Aupuni.
Keena Aina Aupuni o Honolulu, Okatoba 24, 1904.
3039—Oct. 28, Nov. 4, 11, 18.
HOOLAHA AINA AUPUNI.
1. Ma ka Poaono, Novemaba 26, 1904, ma ka hora 12 awakea, ma ka Hale Hookolokolo, Waimea, S. Kohala, Hawaii, e kuaiia ana ma ke kudala akea:
He hapa o na mahele Helu 1 ame Helu 2 o ka aina o Paulama, Aina o Puukapu i Hookaawaleia, Waimea, Kohala Hema, Hawaii.
Iliaina o ka Helu 1, 10 005-1000 eka. Kumukuai haahaa, $300.
Iliaina o ka Helu 2, 10 013-1000 eka. Kumukuai haahaa, $300.
O ke kuai ana aia maluna o kekahi mau kumu. No na mea apau, kii aina, etc., e ike ae ma ke Keena o na Aina Aupuni, Hilo, Hawaii.
2. Ma ka Poaono, Dekemaba 3, 1904, ma ka hora 12 awakea, ma ke Keena Aina Aupuni ma Hilo, Hawaii, e kuaiia aku ana ma ke kudala akea:
Pa aina 27 o ka Palapala Aina Aupuni Helu 3, Ponohawai, Hilo, Hawaii. Iliaina 98.2 eka. Kumukuai haahaa, $550.00 ma ke kuike.
Pa Aina 27, Palapala Aina Hookuonoono Helu 9, Kaiwiki, Hilo, Hawaii. Iliaina 15.3 eka. Kumukuai haahaa, $239.50.
Pa Aina 40, Palapala Aina Aupuni Helu 13, Kaiwiki, Hilo, Hawaii. Iliaina 10.06 eka. Kumukuai haahaa, $163.90.
O ke kuai o na aina ma Kaiwiki aia maluna o kekahi mau kumu. No na mea apau, palapala aina, etc. e ike ae ma ke Keena Aina Aupuni, Hilo, Hawaii.
JAS. W. PRATT,
Komisina o na Aina Aupuni.
Keena Aina Aupuni o Honolulu, T. H., Okatoba 24, 1904.
3039—Oct. 28; Nov. 4, 11, 18.
Hou ia i ka Pahi.
Ma ka po Poalua nei i hoike ae ai ka Oihana Makai i kona makaukau e hopu koke aku i ka poe ha'iha'i kanawai mahope koke iho o ka hanaia ana o ke karaima, mamuli o ka paa koke ana ae o C. J. Song he Poto Rico, i hou i kona hoa lahui ma ka inoa o Cher. He hookahi hora me ka hapa mahope koke iho o ka hanaia ana o keia karaima ka loihi o ka manawa i hele laelae ai ke kanaka limakoko, a paa aku oia i ka lima o ke Aupuni.
O Song, he kanaka oia e noho hana ana no ka hui Mahi ma ke ano he unuhiolelo, a ua konoia aku oia ia Cher e hele ae ma kona hale no ka hoohala ana i kekahi manawa ma na launa kamailio ana. Ia laua e kamailio ana ua ulu ae la kekahi like ole mawaena o laua, a oia no hoi ka manawa a Song i huki koke ae ai i kekahi pahipelu "I. X. L." a hou aku la i kana malihini no elua manawa ma kona wawae. Ua lele mai la kekahi Poko Riko okoa iho iloko o ka rumi a kaili ae la i ka pahi ia Song e hoao hou ana e hou aku i kona hoa lahui no ke kolu o ka manawa.
I ka manawa i lilo ai kana pahi o kona manawa no ia i holo aku ai, a na kekahi poe Poto Riko iho i hoike ae i kela mea i ka Oihana Makai. Ua laweia aku ke kanaka poino no ka Halema'i Moiwahine, a hoomaka koke aku la na makai i ka lakou huli, a hiki i ka paa ana o kela kanaka hana karaima.
HOOLAHA HOOKO MORAKI.
HOOLAHA MANAO PANIKU A KUAI A KA MEA PAA MORAKI. H. M. DOW.
I kulike ai me na manao o kekahi moraki i hanaia e H. M. Dow, o Honolulu, Mokupuni o Oahu, ia The Queen's Hospital (Halema'i Moiwahine) (he hui), i hanaia i ka la 25 o Mei, 1900, a i kakaukopeia iloko o ke Keena Hoona Aina, Oahu, iloko o ka buke 204, a ma na aoao 367 a hiki i ka 369, ke haawiia aku nei ka hoolaha ke manao nei ka mea paa moraki i oleloia e paniku i ka moraki i oleloia i kulike ai me na manao o ia mea, a no na kumu i uha'iia, oia hoi, no ka uku ole ia o ke kumupaa ame ka ukupanee i ka wa e uku ai.
Ke haawi pu ia aku nei no hoi ka hoolaha mahope o ka pau ana o na pule ekolu mai ka la aku o ka hoopuka mua ia ana o keia hoolaha o ka waiwai i hooliloia ma ua moraki la i oleloia e kuaiia aku ana ma ke kudala akea ma na keena kudala o Jas. F. Morgan, Alanui Kaahumanu, iloko o Honolulu i oleloia, ma ka Poaono ka la 17 o Dekemaba, 1904, ma ka hora 12 awakea o ka la i oleloia.
O keia malalo iho nei ke kuhikuhi ano o ka waiwai i paa iloko o ka moraki i oleloia, a e kuaiia aku ana hoi e like me ia i hoike mua ia ae nei:
1. O kela mahele aina apau loa o ka aina e waiho la ma ka ihona Hema o ka puu o Puowaina, Honolulu i hoike mua ia ae nei, a i ikeia hoi ka Pa-hale 521, i hoakakaia hoi e like me keia: E hoomaka ana ma kahi kiko ma ka aoao mauka o ke alanui Prospect. 100 kapuai komohana-akau ae mai ka pou pohaku puna awiliia ma ka huina hi-o Hema o ka Pa-hale 522, a mailaila aku e holo ana ke apo
Ak. 21 deg. 12 min. Hik. 200 kapuai e holo ana ma ka Pa-hale 522;
Ak. 68 deg. 48 min. Kom. 100 kapuai e holo ana ma ka aina Aupuni;
Hem. 21 deg. 12 min. Kom. 200 kapuai e holo ana ma ka aina Aupuni;
Hem. 68 deg. 48 min. Hik. 100 kapuai e holo ana ma ke Alanui Prospect a hiki i kahi i hoomaka ai, a iloko olaila ka iliaina o 20,000 kapuai kuea, a oia no hoi kekahi hapa o ka aina i hoakakaia ma ka R. P. Grant 3665.
2. O kela mahele aina apau loa o ka aina e waiho la ma ka ihona Hema o ka puu o Puowaina i olelo mua ia ae nei, i apoia a i hoakakaia e like me keia malalo iho nei:
E hoomaka ana ma ke kiko ma ka aoao mauka o ke Alanui Prospect 200 kapuai mai ka huina hi-o Akau o na Alanui Prospect ame Hackfeld; a e holo ana ke apo ana ma na kaei oiaio:
Ak. 68 deg. 48 min. 68.75 kapuai e holo ana ma ka aoao mauka o ke Alanui Prospect;
Ak. 40 deg. 10 min. Hik. 211.5 kapuai e holo ana ma ka aina ololi i hookaawaleia e ke Aupuni;
Hem. 21 deg. 12 min. Kom. 200 kapuai e holo ana ma ka Pa-hale 521 a hiki i kahi i hoomaka ai, nona hoi ka iliaina o 6875 kapuai kuea, a oia no hoi ka aina i hoakakaia ma ka R. P. Grant 3677.
E hookoe ana a e hookaawale ana mai na aina i hoikeia ae nei maluna kela hapa apau loa o ka aina i hooliloia aku e a'u ia H. Thornton ma ka palapala kuai, i hanaia i Feberuari 8, 1894, a i kakaukopeia ma ke Keena Hoona Aina i olelo mua ia ae nei, iloko o ka buke 146, aoao 114, a e hoikeia ana hoi e like me keia malalo iho nei:
E hoomaka ana ma kekahi kiko ma Alanui Alapai 180 kapuai mai ka laina mauka o ke Alanui Prospect, a e holo ana ma na kaei oiaio:
Ak. 40 deg. 10 min. Hik. 31 5-10 kapuai e holo ana ma Alanui Alapai;
Hem. 68 deg. 48 min. Hik. 100 kapuai e holo ana ma ka aina Aupuni;
Hem. 21 deg. 12 min. Kom. 30 kapuai e holo ana ma ko Sam Green aina, a
Ak. 68 deg. 48 min. 100 kapauai e holo ana ma ko Fred Waldvogel aina a hiki i kahi i hoomaka ai, nona hoi ka iliaina o 3154 5-10 kapuai kuea. O keia no hoi ka hapa o na Palapala Sila Aupuni Helu 3665 ame Helu 3677.
ame Helu 3677
Hanaia ma Honolulu, Novemaba 24, 1904.
THE QUEEN'S HOSPITAL,
Mea Paa Moraki.
3043—Nov. 25—Dec. 2, 9, 16.
HOOLAHA MANAO PANIKU A KUAI A KA MEA PAA MORAKI.
THOMAS E., BERNICE P. AME ELLEN A. COOK.
Ma keia ke haawiia aku nei ka hoolaha i kulike ai me ka mana o ke kuai i paa iloko o kekahi moraki, i hanaia i Feberuari 28, 1902, e Thomas E. Cook, o Hilo, Mokupuni a Teritore o Hawaii, Ellen A. Cook ame Bernice P. Cook, o Honolulu, Mokupuni o Oahu, a Teritore i olelo mua ia ae nei, (o Kimi Cook, wahine mare a Thomas E. Cook i olelo mua ia ae nei ua huipu iloko no ka hookuu ana i kona kuleana wahine mare), ka Poe Moraki, ia The Bank of Hawaii, Limited, he hui Hawaii, mea paa moraki, a o ua moraki la i oleloia ua kakaukopeia ma ke Keena Hoona Aina iloko o Honolulu i oleloia iloko hoi o ka buke 232 a ma na aoao 304 et seq., o ka mea paa moraki i oleloia ke manao nei e paniku i ka moraki i oleloia no na kumu i uha'iia oia hoi: no ka uku ole ia o ke kumupaa ame ka ukupanee i ka manawa e uku ai.
Ke haawiia aku nei no hoi ka hoolaha o ka waiwai i hooliloia e ua moraki la ia oleloia e kuaiia aku ana ma ke kudala akea ma na keena kudala o James F. Morgan, Kaahumau Alanui, ma Honolulu i oleloia, ma ka Poaono ka la 10 o Dekemaba, 1904, ma ka hora 12 awakea o ka la i oleloia. O ka waiwai i hooliloia e ua moraki la i oleloia, a e kuaiia aku ana oia no keia pa-hale apau loa, apana a mahele o ka aina e waiho la ma Kalihi, ma Honolulu i oleloia, a i ikeia hoi na Pa-hale Helu 11, 12, 13 ame 14 e like me ke kii aina a S. M. Kaaukai, a oia no hoi ka hapa o ka Apana 1 o ka L. C. A. 6450, a i apoia a hoakakaia hoi e like me keia malalo iho nei:
E hoomaka ana ma ke kihi Hema o kela aina ma ka aoao hoi mauka o
HOOLAHA HOOKO MORAKI.
ke alanui 124 kapuai @ kikowaena o ka @ puai ma ke komohana @lanui Kalihi @
1. Ak. 36 deg @ 194 @ kapuai e @ o Schack e @ haku;
2. Ak. 47 deg. @ 174.0 kapuai a hiki @ kapuai;
3. Hem. 38 deg. @ 192.0 kapuai e holo @ nui a hiki i ka @ Alanui 20 kapuai
4. 48 deg. 00 min Hik. M@ kapuai e holo ana @ hiki i kahi i hoomak@
Nona hoi ka ili-aina @ kuea. O klea no hoi @ hoakakaia ma ka @ L. C. A. 6450, Apana @ aina i hooliloia ia @ i oleloia ma ka palapala @ R. Grau ame Edwa@ ia i ka la 15 o Iulai @ kopeia ma ke Keena @ ko o Honolulu i olelo @ 164 a ma na aoao 46 @ hoakaka hou ia no hoi @ kuai a Thomas F. Cook @ Ellen A. Cook ame @ oleloia, i hana ia i ka la @ a i kakaukopeia iloko o ke Keena Hoona Aina i oleloia ma ka @ ka aoao 219, paupu me @ na kuleana apau ame @ pili ana, a i kuleana @
Ma ke kuike ka makemake @ dala gula o Amerika @ o ka mea kuai mai na @ a i hoomakaukauia e na @ paa moraki.
No na mea aku i koe e ike @ The Bank of Hawaii, Limited
Hanaia ma Honolulu, T H Novemaba 14, 1904.
THE BANK OF HAWAII LIMITED
Mea Paa Moraki
Ma o C. H @
Lun@
3042—Nov. 18, 24—Dec. 2, @
HOOLAHA MANAO PANIKU A KUAI A KA MEA PAA MORAKI
KOPAEA AME KAPAKI
I kulike ai me na manao @ moraki i hanaia e Kopaea @ Kapaki o Honolulu, Mokupuni @ Teritore o Hawaii, ia Samuel @ o Honolulu, i oleloia, i make @nawa, i hanaia i Iulai 12, @kaukopeia iloko o ke Keena @na, Honolulu, Oahu, ma ka @ a ma na aoao 242 ame 243 ke @ aku nei ka hoolaha o ka @ ame na kahu waiwai malalo @ pala kauoha a ka mea @ oleloia ke manao nei e paniku @ i kulike ai me na mea i aelike @ moraki i oleloia ame na @ Hawaii, no na kumu i uha'iia @ uku ole ia ana o ke kumupaa @ ukupanee.
Ke haawi pu ia aku nei @ hoolaha mahope o ka pau @ pule neepapa ekolu mai ka @ o ka hoolaha ana o keia @ na poe hooko ame na @ ka mea paa moraki i oleloia @ nao e a e paniku aku i @ i oleloia a e hoolaha aku @ ana i ka waiwai i paa a @ ua moraki la a e kuai @ ia mea ma ke kudala akea @ na kudala o Jas. F. Morgan @ nui Kaahumanu iloko o @ oleloia ma ka Poaono, @ 1904, ma ka hora 12 awakea @ oleloia.
O keia malalo iho nei @ ano o ka waiwai.
O kela Apana a mahele @ aina e waiho la ma P@ Oahu, oia no hoi ka hapa @ 3050 ia H. A. Widemann @ pono loa ia hoi e like me @ iho nei:
Na Apana 43 ame 45 K@ maka ana ma ke kihi komo@ Apana 43; o kela no hoi @ o ka Apana 41 a e holo ana
1. Ak. 52 deg. Hik. 100 @ ana ma Alanui Puu@
2. Hem. 38 deg. Hiki 100 @ holo ana ma ka A@
3. Hem. 52 deg. Kom. 100 @ holo ana ma ka Apana @ 44
4. Ak. 38 deg. Kom. 100 @ lo ana ma ka Apana 41 @ i hoomaka ai, nona ka @ kapuai kuea a oia no hoi @ hooliloia i na mea moraki @ mua ia ae nei ma ka @ kuai a W. C. Achi i ha@ raki 18, 1902, a i kakaukope @ Keena Hoona Aina, Honolulu @ iloko o ka buke 234, a ma @ ame 180.
E loaa aku no na mea i @ Kinney, McClanahan ame @ Kauka Hale, Honolulu.
Hanaia ma Honolulu, T. H. @ 1904.
BATHSHEBA M. ALLEN,
MARK P. ROBINSON,
JOSEPH O. CARTER,
PAUL MUHLENDORF
Na Poe Hooko a Kahu Waiwai malalo o ka Palapala Kauoha @ Waiwai o Samuel C. A@ make.
3041—Nov. 11, 18, 25:—Dec. 2.
NANA ANA
AOHE AUKAU
Na Kauka Huki Niho Noeau . .
He hanaia ka hana me na Auhau haahaa . - - - - -
F. L. FERGUSON,
Lunahoohana.
Helu 215 Alanui Hotele, mamua iho o Young Building.