Ka Nupepa Kuokoa, Volume XLII, Number 51, 16 December 1904 — KUU LEI UA HALA [ARTICLE]

KUU LEI UA HALA

Ma ka po Poalima l a 2 o Dekemaba, 1904, hora 8 p. m., ua oluolu i wa Mea Mana Loa, ka lawe ana aku i ka hanu ola o ka'u kaikamahine i aloha nui ia, Mrs. Poipe Kalome Lewia, ma Mahukona, a hoi aku la i ka Home mau o na mea apau, mamuli o ka ikaika o l:a fiva i loaa iaia, a iloko o na hora pokoIe o kona kaa ma'i ana, a hala aku la me ka U ame ka minamina nona.

Ua hanau ia oia ma Waiapuka, Kohala Akau, ma ka la 9 o Mei, 1876, a ua piha na makahiki he 2S me 6 mahina, ame na la o keia oia ana. Ua hoonaauaoia oia ma ke Kula Kuokoa i kukulu ia ma Makapala, i noho kumu ia e Mrs. T. Hussey i ka 1884, a komo i ke Kula Kaikamahine o Kawaiahao m a Honoiulu no na makahiki he 1 a hoi hou i Kohala nei a komo i ke Kula Kaikamahine ma Waikupanaha, a ma ia Kula oia i noho ai a hiki i kona puka ana ma ka makahiki 1895. Ma ka la 31 o Dec. 1897, hoohuiia ma ka berita o ka mare me Jno. G. Lewis, a hanau mai la na keiki 3, he 2 e ola nei a he 1 i hala mua ma kela ao. Ma ka Ia 3 o lanuari, 1902, lilo i kumukula no Honoipu no na makahikl elua, a mamuli o ka nee ana o ka hana a ke kane no Mahukona, ua waiho aku la oia i ke Kuia o Honoipu, a lawe ae la i ke kulana Kumukula no mahukona, a ma ia kulana oia i noho ai a hoi aku la ma keio. ao. He hoahanau oia no ka Hoomana Makua. mai kona wa opio mai, a he makuahine oia no ka Home, no Va Ohana ame na makamaka apau. Na ke Akua 1 haawi mai, a nana no i lawe aku. E hoonani ia no oia, ka mea nona mai ke ola, ame na pono o keia noho ana. Me ke aloha, S. K. KAMAMANA, Kohala Akau, Dec. 9, 1904.