Ka Nupepa Kuokoa, Volume XLIII, Number 50, 15 December 1905 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

ALEMANAKA O DEKEMABA, 1905

 

1905       Dekemaba       1905

Sabati   Poakahi   Poalua   Poakolu   Poaha   Poalima   Poa@@

                                                                     1               2

3           4             5         6            7             8              9

10        11           12         13         14            15          16          

  17        18          19         20        21             22          23  

24          25        26          27        28              29          30     

                                                                                                                                               31

 

Hapana Hope o ka Mahina, Dekemaba 19.

E puka ana ka la i Dec. 11 ame 12 hora, 6:28;  Dec. 13 ame 14 , hora 6:29;

 Dec. 15, hora 6:30; Dec. 16 ame 17, hora 6:31:  Dec. 18, hora 6:32;

  a e napoo ana i Dec. 11. hora 5:19; Dec. 12 ame 12, hora 5:50;

Dec. 14, 15 ame 16, hora 5:21; Dec. 17 ame 18, hora 5:22 .

 

                                                                                                                                    KAI PII.                                                                                             KAI EMI.

                                                                                                            Poakahi, Dec. 11, hora 3:24 a.m.; 3:08p.m                                                     Hora 8:41 p.m.' 10:27 a.m.

                                                                                                            P@@@Dec. 12, hora 3:55 a.m.; 3:30 p.m                                                          "     9:14 p.m.; 11:01 a.m.

                                                                                                            P@@@ Dec. 13, hora 4:30 a.m.; 4:33 p.m.                                                       "    9:45p.m.; 11:40a.m.

                                                                                                            P@@@ Dec. 14, hora 5:05 a.m; 5:28 p.m.                                                        "   10:27p.m.; 12:320 p.m.

                                                                                                            P@@@ Dec. 15, hora 5:45 a.m; 6:27                                                                              "     1:01 p.m; 11:12 p.m.

                                                                                                            P@@@ Dec. 16, hora 6:27 a.m.; 7:34 p.m.                                                        "     1:49 p.m.;-------------

                                                                                                            P@@@ Dec. 17, hora 7:15 a.m; 8:49 p.m                                                         "      2:37 p.m.;  0:10 a.m.

                                                                                                            P@@@ Dec. 18, hora 8:12 a.m.; 9:50 p.m                                                        "      3:25 p.m.; 1:28 a.m.

 

 

Nuhou Kuloko.

 

Ua hala aku ke Keikialii Kawananakoa no Maui kma ke Poalua iho nei.

___

 

Ua hala aku nei o Frank Harvey no ka hoomaha ana i ka Ua Kanilehua.

____

 

Eia i ka Ua kukalahale nei ka kMea Hanahano Fred W. Beckley o Pukoo, Molokai.

____

 

Eia o Hon Moses M.  Nakuina ke waiho nei ma kona home me ka ma'i @ai@@i fiva ikaika loa.

____

 

I ka la apopo piha ka hookahi kenekuria ame hookahi pule o ke ola ana o Makuahine Paleka.

____

 

Puanuanu hoi keia mau po iho nei o kakou, ke hele la ka hoi a pili na kuli me na papa auwae o kekahi poe o kakou.

____

 

Ua lawe aku o Lunakiai Keaka Luka ia Kiaaina Carter no ka hoomakaikai ana i ko Kakaako kulana i ka Poalua iho nei.

____

 

I keia Poalima ae, ka la 22 o keia mahina, e malama ana ke Kula Sabati o Kawaiahao i ka laau Kalikimaka e like me ka mau.

____

 

I ka po o ka la apopo e uhene ana na leo o na pila a e loheia ana na leo mele maikai mai ka lanai aku o ka Hale Kuai Oiwi.  Mai poina i ka naue ae.

____

 

Ua ku aku ka mokuahi Waialeale ma Seattle, iloko o na la holo he umi-kumamalua, aole hoi he umi-kumamaha e like me ka mea i manao mua ia.

____

 

I hiki mai ana o Edie Tate, ma ka mokuahi Manchuria, no ka hakaka kuikuipuupuu ana me McFarden, e malamaia aku ana ma ke Opiuma ma keia mua iho.

____

 

Nui ka hana a ko Honolulu nei hale-leta i keia mau la, oiai ke nui nei na makana Kalikimaka ame Hape Nuia e komo nei malaila no na Aina E. a no kakou iho no hoi.

____

 

E wehe ia ana he ahamele ma Manana, Ewa, ke hiki aku i ka hora 7:30 p.m. o ka Poaono, Ianuari 13rd, 1906 no ka pono ame ka pomaikai o ka Edalesia.  E eleu mai o na alakai.

____

 

Ma ka Poakolu nei i waiho aku ai o Lunakanawai Apana Whitney ia Tahu Kealoha, B. Kealoha, John Keakahiwa, Popeka Kaanaana ame Waiwaiole Wood, he poe keiki e kolohe mau nei i na kaikamahine

o ke Kula Kaiulani ame ke halepule o Kapalama, e hoopaahaoia ma Kawa no ekolu mahina.

____

 

I keia Poalua iho e hoomanao ana na Kula o Kamehameha i ka la hanau o ka Makua'lii Bernice Pauahi Bihopa.  I ke kakahiaka e malamaia ana ka hoowehiwehi ana i ka he o na Kamehameha ma Maunaala.  I ka po Poakahi,

 e malamaia ana he anaina haipule hoomanao ma ke halepule o ke kula.

____

 

Ma kekahi paio mare lehulehu mawaena o C. W. Kinney ame Moses Keaulana ma ka uwapo waapa i ka auwina la Poakolu nei, ua ae maoli aku o Kinney i ka pololei o na olelo ka Buke Moremona, e i ana,

"He hana hoopailua ka mare lehulehu a Davida, Solomona ame na poe o ka wa kahiko imua o ke Akua."  Ua hoao no oia e hoolauwili aka, aole nae oia i ae ia aku, a hiki i kona pio ana.

____

 

No ka kpono o ka poe maa mau i ka khele ana i ka pule ma Kaumakapili i na ahiahi Sabati, ke ha'i e ia aku nei ka lohe, aohe ana he pule ahiahi malaila i keia Sabati iho Dekemaba 17. 

E hui ana na ekalesia elua o Kalihi ame Kaumakapili ma Kalihi ia ahiahi, a ke noi oluoluia aku nei no na makamaka ame na hoalaoha e naue ae e ike pono i na hana e lawelaweia ana e na Ahahui Hooikaika Kristiano.

 Hele Mai.

 

HALE INU RAMA

P A U O A

 

E NA OIWI O PAUOA!

"Kaua i ka uwahi polua, Puia e ke ala o ke KINI, Ilaila hooheno ka WAINA:

Pehea kaua i ka WAIKEKE,  Pahee i ka puu ke moni, Pakau kiaha BIA no hoe,"

@ ko mau ipo keia o na la kulaia, ke Kalikimaka ame Hape Nuia!  Naue mai a e loaa no kme ka makepono loa ma.

THE PAUOA WINE CO.,

Frank Correa, Lunanui.

Pauoa, palena o ke alaha@.

 

Pane ia C.W.Kinney.

E ke Kuokoa:  Aloha oe:  O Fred. M. Smith io kno keia, a me moopuna ponoi hoi na J. Smith Makua, a he hoa kuka hoi no J. Smith, kaula o keia la, a o Uka kona kihapai hai euanelio.

O J. S. Makua ka maretire, ke kaula e nana Mahele 84 B. & K. Lamoni, Pauku 3, Mahele 86 B. & K. o Uta.

Nolaila penei ka olelo a ka Haku ia oukou ka poe hoi i hoomauia mai ai ka oihana kahuna ma ka lalani la o ko oukou mau makua, oiai o oukou na hooilina ku i ke kanawai hapa mua.

Mahele 107 B. & K. o Lamoni p. 39.  Ke haawi aku nei au ia oukou i ku'u kauwa ia J. Kamika i Lunakahiko Peresidena maluna o ku'u Ekalesia holookoa i mea unuhi, i mea hoike i kilo a i kaula.

Na ke Akua mai keia mana ia J.K. Makua ame kana mau mamo, na hooilina kai pololei aole o "Biliniham Iana."

E oluolu e nana ma ka Mahele 43 B. & K. o Lamoni, pauku 2 like no me ko Uta.

Aka, he oiaio, he oiaio, ke hai aku nei au ia oukou, aole mea e ae e hoonohoia aku ana ma keia haawina, koe wale no ma ona 'la, aole no o "Biliniham Iana."

O keia mau pauku ae la mamua, ua lawa loa no ka hooiaio loa ana aku ia oe ame oukou apau loa i ka mana ia Fred. M. Smithe e kuahaua, koi, uwalo, wanana a bapetizo hou no hoi ia oukou ma o kona mau hope la ma Hawaii nei, oia no o Bros. G. J. Waller ame Ed. Indham, a ua makaukau mau laua no ko oukou hooiaio mai i keia mau olelo waiwai nui e paipai nei ia oukou apau e Ala, E Liuliu.

A nno kou wahi hoa nei la, aole o'u wahi mana e like aku me kou he Lunakahiko' aka, he wahi sela wale iho no au, he huki kaula a kua noi a hoike aku au i kau mau olelo ma kela kumu nanao mmua aku nei, a ua apono mai oia no ka hoolaha ia i ike mai oukou, a na oukou ia e wae a noonoo no oukou iho.

Oiai ua manaoio loa makou o ko Biliniham Iana hoomahae ana i ko oukou mau mua mailoko aku o keia Ekalesia a hele a noho "Council Bluffs," Omaha, i keia wa ame ko lakou batetizo hou ia ana. Ma keia bapetizo hu ia ana o Billiniham ua loike moaaka loa mai ia hana ana ia kakou ua okiia, a i ole ua kiola ia kela mana a ke Akua i haawi iho ma o J. K. la ame ka aha kuka.

Oiai nae ua ulu mai keia hana hukiku a Billiniham Iana i ke ake nui a makee i ka noho kaula, oiai nae o "Sidane Rigedona" ka mea kupono ma ia wahi ina aole keiki a Iosepa, a no Biliniham Iana i bapetizo hou mai i na poe hahai mahope mai ona, a hookahi ke kiola like ana i na mana a ke Akua a papahi iho la ka mana a ke kanaka oia o Biliniham Iana.

Pela i ko ai ka Paulo.  Paa ko oukou manaoio ma ka mana o ke Akua, aole ma ke akamai o ke kanaka.

Mai anei aku hoea aku lakou i Uta he aina ano li'u, aole hua'ai, aole hale.  Ko ae la ka ke kaula a Ieremia 17:6.

Aole ia e ike i ka wa i hiki mai ai ka maikai, aka, e noho no oia ma na wahi maloo ma ka waonahele, ma ka aina hua ole, a noho ole ia.

A ma keia aina oukou i hehi ia ai oukou ilalo e ka poe generala ame na aupuni o ke ao nei i akaka ma ka olelo hoike e Presidena "Wudarupa."

E HOOKI i ka mare lehulehu ana o keia olelo Kauoha ua ku-e ia i ka olelo hoike a Biliniham Iana.

Nolaila, e kuu Kinney maikai e a opio no hoi ame oukou no apau loa @ oluolu e nana mai i keia a kahi lalau.

Na Bilinihama ke Kauoha e mare lehulehu na ke Akua keia wahi a oukou e hookokohu mai nei; alua lalau.

Ka Wudarufa hi e hooki e hoopau loa i ka hana mare lehulehu na ke Akua no keia oiai he kaula keia wahi a oukou e paakiki mai nei, akolu lalau.

Ka "Iosepa Finilani Smith" hoi keia ke kaula o oukou i keia wa olelo mai nei oia ua kauoha mai ke Akua iaia e a'o aku i ka hana mare lehulehu, a e hana aku ana oia.  Eia ka mea aka, hi ae nei a Uta kuahaua mai nei.  E HOOKI i ka mare lehulehu ana aole loa a lawelawe hou ia keia hana kahi mea o ka Ekalesia o OUKOU.

Na ke komite o ka Aha Senate i ninaninau mai nei keia kmea ma Amerika i kahi wa i hala ae nei o keia makahiki no.

E kuu makamaka aloha e, pehea keia kauoha a ke Akua wahi a oukou, Akolu o oukou kaula, akolu hoololi ani ke kauoha a ke akua o oukou o (Baala.)

A o ko makou kaula hoi he oia kmau o Iosepa Opio he oia kmau kona kupaa mahope o na kauoha naue ole a ke Akua a no a mau aku.  Oli ana wahi a kahi Akua nuku (Kinney).

Aole mau o ke Akua maluna o kana mau kauoha ina wa apau.  Eia mai ka Buke B. & L. Mah. 1:7-@.  E huli i keia mau Kauoha, no ke mea, he oiaio a he pololei keia mau olelo, a o na olelo wanana ame na olelo hoopomaikai maloko o lakou e hooko ia na no.  JOHN K. MAHUKA.  (Aole i pau.)

 

Hala o Rev. E. M. Hanuna ma Keia Ao.

 

Ma ka la 2 o keia mahina, ma ke Kahua o ka Ehaeha ka aina hoopale i ka pili ohana ame na hoaloha ua kia ae ia ka Anela o ka make a kaili aku la i ka hanu hope loa o ia makua o ka pono, Rev. E. M. Hanuna, i ke 48 makahiki, hookahi kmalama ame 10 la o kona oia ana.

Ua hanauia oia ma Makaalae, Hana, Maui, ma ka la 22 o Okatoba, 1857, na Kanui (k) ame Kaahaiama (w):  hoonaauaoia ma na kula apana o Hana, a kkomo i Lahainaluna i ka 1873, a puka mai me ka maikai i 1877.  He kumu kula kana jhana mua no ke kula o Wananalua, Hana, a malaila oia i noho ai no hookahi makahiki.  Mare oia i ka wahine i ka 1880, a iloko o Iulai, 1883, haalele mai la kona hoapili iaia a niau aku la ma ke alahele mau o na kanaka.  Komo oia i ka 1882 i ke Kula Kahunapule Pakipika Akau, a puka kme ka maikai i Iune, 1885.

Ma ka la 25 o Iune, ia makahiki no, mahope o kona puka ana mai ke kula kahunapule aku, ua hoohui hou ia ae la ia ma ka berita laa kme Mary Haalipo Pa, kekahi o na haumana o ke Kula Hanai o Maunaolu ma ia kula no.  Iloko mai o Iulai, kahea mai la na Ekalesia o Kailua ame Healanui i huiia iaia i kahu no lakou, a o keia kona manawa mua loa i puunaue aku ai i ka ai lani i na hipa a ke Akua ma keia ao.  Waiho i ka hana aku no kona aina khanau, a lawelawe lima maoli  no kona pono io, a noho kapena makai hoi malaila no kekahi mau makahiki.  I ka liko ana o Rev. J. K. Iosepa i Lunamakaainana  no ka apana o Hana  o Hana i 1892, ua kahea ka kalesia o Hana iaia i ha'iolelo no lakou, a ma ka la 20 o Mei, 1894, poniia oia i kahu no ia Ekalesia e na Makua Rev. S Kapu, Kuia, Kamakahiki kame Inaina, mamuli o ke noi maoli ana ae o na hoahanau.  Ma ka la 29 O Okatoba, ua kohaia ae oia i lunamakaainana i ka ahaolelo kmua loa o ke Aupuni Repubalika o Hawaii knei.  Ua noho ne mahope mai ma kona aina hanau, a hiki i kona laweia kana mai kno Kalaupapa, kahi khi i noho ai malalo o ka malu o ke kanawai a hiki wale i koa hala wale ana aku la.  Aloha no;

Ma ka aoao o ke "Kilohana" ke komo pu aku nei me ka wahinekanemake, e waiho mai nei ma ka Halema'i Moiwahine, ame ka ohana iloko o ka u pu ana no ka mea i hala aku la, a na ka Makua Lani e hoomama mai i na u ame na kaumaha o kakou apau.  "Pomaikai ka poe make, ke make iloiko o Kristo."

 

HE HOALOHALOHA.

 

Ia Mrs. E. M. Hanuna, Queen Hospital, Aloha oe:

He mea nu i hikilele ai, oiai me na waimaka helelei makou e kakau nei ia oe i keia, oiai ma ke kakahiaka o ka Poaono, Dec. 2, 1905, hora 8 a.m. Ua oluolu i ka Anaela o ke Akua ke kipa ana ae ma ka home noho o kau kane aloha, E. M. Hanuna, a lawe aku la i kana o ka uhane a waiho iho la i ke kino koo-u na makou na hoaloha e kumakena a nau hoi na ka wahine e paiauma aku me ka lihaliha paumaka nona no laila.  E hoomanaia.  He alaka aio a he lala no ke Kula Sabati o Kanaana Hou.  He pouhana hoi kno na hana hooholimua iloko o keia Kula Sabati, a ma ona ia ua loaa i keia Kula he mau ike hou ae e pili ana i ko ke Akua aupuni malalo o kana mau alakai noeau ana, nolaila ua hana iho makou i keia mau Olelo Hooholo malalo iho ia oe.

E Hooholoia.  O makou o na humana o ke KKula Sabati o Kanaana Hou ma o ko makou komite la ke komo pu aku nei makou e auamo pu me oe i na ehaeha o ka noho kanikou ana nona.

E Hooholoia:  Ke nonoi ae nei ka makou mau leo pule i ka Haku Mana Loa e hamama ae i keia haawe kau maha i kau iho maluna ou ame makou pu.

E Hooholo hou ia:  E hoouna aku i hookahi kope o keia ia oe i hookahi kope pakahi i na nupepa Ka Hoaloha Ke Kuokoa ame ke Aloha Ana.

E hoomanaoia, ua waiho iho aia i ko ke ao nei mau hooluhi a ua hooko aku oia i ka Ioba.

I hele kohana mai no au mai ka opu mai o ko'u makuahine, a pela no au e hoi kohana aku ai.  Walohia wale!

O makou iho no me ka waimaka,  Komite:- JOS. K. KELIIKULI, Lunahoomalu.  GEO. KANIKOU, JNO. KIAAINA, A. M. HOLOPINAI, KEKUNI, MRS. A. M. HOLOPINAI,  MRS. ALICE UNEA, MRS. SARAH ALOHIKEA.

Kalaupapa, Molokai, Dec. 3rd, 1905.

 

OI MOKU OLE KE KAULA KALA.

 

I ka Nupepa Kuokoa e walohia wale:  E oluolu mai kou kapena ahonui i keia mau khua e kau ae la maluna e hike ae i ke akea i ike mai ai na ohana o ka mea i Hala aku la i ka make ma ke ahiahi o ka la 5 o Dekemaba, 1905, i kii mai ai na Lima menemene ole o ka make o lawe ae la i ka hanu ola o ka makou keiki i aloha nui ia.  AKIKIU, AKIAKA a waiho kiho la i ke kino lepo na makou e paiauma aku ma keia aoao o ka lua ua hanau ia o Akikiu ki Dec. 2, 1885, a make iho i keia, Dec. 5, 1905.  Nolaila, ua piha iaia na makahiki he 13 o ka hanu ana i kna ea o keia oia ana a hala wale aku ia i ke ala hoi ole mai.

A ili iho ia ka haawe kaumaha a ke aloha keiki i ka ohana, no laila ke komo pu aku nei kou mea kakau me ka ohana o ka mea i make e auamo pu ia mau ehaeha a na ke Akua e kokua mai i na hoomama ana i ka ohana.

Ku oiaio, DAVID KAULA.   

Kaholo, Hamakua, Hawaii, Dec. @, 19@@

 

 

HE HOOMAIKAI.

 

Ke hui pu nei na kumu ame na haumana o ke Kula Hanai o Hilo a panai i ko lakou hoomaikai i ka poe apau i komo kokua mai i ka F@@ Nui i malamaia ma ke kula no ka pono hoonanauao.  Ua holopono na mea apau me ka maikai i oi ae mamua o ka mea i manao mua ia.

L. C. LYMAN, Kumupoo, Hilo, Dekemaba 7, 19@5.

 

Na Laau Lapaau Maikai Ole.

 

O keia malalo iho nei na laau lapaau i huliia iho nei e R. A. Duncan, ke Komisina o na Meaai, a hoike ae ma kana hoike no ka mahina o Okatoba ame Novemaba.  O na laau lapaau i nana ia o ia no na laau kunu o na kanakamakua ame na keiki, ame ka penikilia, a o ka makemake o keia knana ia ana o ia no ka imi ana ina he mau mo@na kekahi iloko o ia mau laau, @ i kupono ole e inuia.  O keia iho ka papa laau kunu i kukpono ole i ka lehulehu e kuai:

"Jayne's Expectorant." hanaia e Kauka D. Jayne o Pilidelefia, Pa.

"Dr. Bull's Cough Syrup." hanaia e Kauka J. W. Bull, Balatimoa.

"Shilo's Consumption Cure." hanaia e S. C. Wells & Co., Le Roy, N. Y.

"Pyne-Pectoral." hanaia e Davis & Lawrence Co., No Ioka.

"Dr. Wistar's Balsam of Wild Cherry." hanaia e Seth W. Fowle & Sons, Bosetona, Makekukeka.

"Dr. A. Boschee's German Syrup," hanaia e L. M. Green, Woodbury. N.J.

"Compound Syrup o White Pine." hanaia e Benson, Smith & C., Honolulu.

"Wynkoop's Iceland Pectoral," hanaia e P. D. Wynkoop. Nu Ioka.

" White Pine Expectorant," hanaia e Western Chemical Co.

"Ornge Honey," hanaia e Troy Pharmacal Co.

"Compound Syrup White Pine and Tar," hanaia e Troy Pharmacal Co., Kapalakiko.

"syrkup White Pine" hanaia e Chamber's Drug Co., Honolulu.

"Brother Benjamn's Cough Cure," hanaia e Benjamin Remedy Co., Cincinnati, Ohio.

"Dr. Seth Arnold's Cugh Killer," hanaia e Dr. Seth Arnold's Medicine Corporation, Woonsocket, R. I.

"Dr. S. Andrew Kilmer Cough Cure," hanaia e Kauka Kilmer & Co, Binghamton, N.Y.

He elua laau kunu no na bebe i loaa aki ka mofina iloko.

"Mrs. Winslow's Scothing Syrup," hanaia e Curtis & Perkins, Nu Ioka.

"Baby Scothing syrup," hanaia e Western Chemical Co.

O keia na laau kunu kupono ole i ka lehulehu ke kuai mamuli o ka hoohuhuiia ana me ka mofina e hoopilikia ai i ke kanaka ke lawe mau, a he mea maikai i ka lehulehu ke hoopaanaau i ko lakou mau inoa, a i ole e malama iho i keia helu o ke Kuokoa i mea hoomanao, a i hiki mai i kekahi manawa e makemake ai e loaa na laau kunu, e nana pono o haawiia mai ia oukou e na halekuai laau lapaau kekahi o na laau i paa ma keia papa hoike a Mr. Duncan.

 

Holopono ka Atkinson Huakai.

 

WASINETONA, Novemaba 29.-I ka Nupepa Advertiser, Honolulu:  E hoolilo ia ae ana o Hawaii a lilo i Amerika maoli.  E haawi kakou i na hoomaikai ana.     ATKINSON.

O keia iho la ka lono telegarapa i loaa mai ma Hawaii nei i kela pule aku nei, a ma ka wae ana ae i ke kaona, he hookahi no manao nui o ia hoi, ua holopono aku nei ka huakai huli limahana a Kakauolelo Atkinson i holo aku nei, a ma keia mua aku he hoea nui mai koe o na "auna kolea" no ka moni ana aku i na pomaikai mai ka lepo aku o Hawaii knei.

He lono hauoli loa keia no na mahiko o kakou nei e juwe nui kmai nei i ka nele i na limahana; no ka mea no lakou ia pomaikai e imiia nei, a mai ia lakou mai hoi a i ke aupuni ame ka lehulehu mawaho aku o na hana mahiko.

Aole he mau lahui e ae e kohu ai keia telegarapa a Atkinson o na lahui Pukiki ame na Italia wale no, no ka mea, he hiki lakou ke liko ae i mau makaainana koho balota no keia Teritori ma keia mua aku; no na Geremania hoi ame kekahi mau lahui e ae o Europa, aole lakou i kupono no na hana hooikaika kino maoli ma na mahiko, aka ua hiki ia lakou ke hana ma na hana e ae, aole no nae ia o ka makemake ko keia lawe limahana ana mai no Hawii nei.

Ea, ke hele loa mai nei keia hana i ka io loa, a i hiki mai ka manawa e hehi iho ai na kapuai wawae o keia poe limahana maanei, e hoomnao iho kakou, o ka alepa ia me ka omega, ka mua hoi ame ka hope o na hana e hoolele lupe ia ai a haule ka oi o na kanaka Hawaii ma ka pahu balota.

 

Eia Ia@ei ka Mokukaua Kikako.

 

Ma ka hora 9:45 9:45 o kekakahiaka Poaono nei i hookomo mai ai ka mokukaua Kikako, o Amerika, ma ke awa o Kou nei, mahope o kona haalele ana aku ia Kapalakiko i ke awakea o ka Poakahi i hala.

O keia kana huakai mua no Hawaii nei, a o keia no hoi ka mokukaua lawhae o ko ke Kai Pakipika nei aumokukaua, e lawe ana hoi i ka hae o Hope-Adimarala Goodrich.  Oia nei kekahi o na mokukaua hao kila mua loa a ka Ahaolelo o Amerika i hoomana ai e khanaia i ka 1880, a komisinaia i 1885.  O keia kno hoi ka mokukaua lawehae o ko Adimarala Walker aumokukaua i holo aku ai no Europa ame Aferika, he mau makahiki loihi i hala ae nei.  Mahope ua hoihoiia aku la oia no ka pa kapilimoku o Nu Ioka, a malaila i hooponopono hou ia ae ai kona mau mea apau.  Aole oia i komo pu aku iloko o ke kaua mawaena o Amerika ame Sepania, nolaila aole oia i ikeia iloko o na moolelo kaua.

Ua hookuuia mai oia mai ke aiahuki moku mai a komisinaia ae la i ka 1904, a iloko o Ianuari o keia makahiki i holo ae ai oia no Kapalakiko no ka lilo ana ae i mokukaua lawehae.  E ku iho ana paha oia maanei no kekahi mau pule.

 

 

He Ili Nani Lima A'i'ia

ME KA

LAUOHO ULIULI.

KA HUA O KE

Kopa Cutikura

 

He Mliona a oi ka nui o na wahine e auau mau nei kme keia KOPA CUTICURA no ka malama ana, hoomaemae ana, a no ka hoonani ana i ka lakou ili, i pau ai ka papaa o ke poo, ka unahi-pii, a i mea no hoi kekahi a pau ai ka helelei ana o ka lauoho a i hoopalupalu, hoa'la'i a me ka hopu'i'u'i ana i ka ili o na wahi i hele a manoanoa i ka hooikaika i ka hana, e like me na lima, a pela no hoi e hoopau ai i na eha ma ka holoi ana i na wahi eha me keia kopa, i ole oi e ike i ka aai me ka welawela:  i ole no hoi e hu nui, ma ka holoi ana i na wahi pehu a palahehe; a he oi loa aku ka waiwai nui o keia kopa i na makuahine e lawelawe ana i na khana lehulehu i pili i na keiki a me lakou iho no hoi, a i na wahine no a pau; a he kupono loa no hoi keia kopa no na wahi auau a pau.  O ka poe i kekahi kopa okoa aku ke loiia mai; ina no e oleloia ana he kuopono ia ano okoa aku no na mea e pili ana i ka ili, ke poo a me ka lauoho o na bebe a me na keiki.  Ua loaa mai keia waiwai nui o ke KOPA CUTIKURA mailoko mai hoi o kela laau hoola ikaika loa i kapaia, KUTICURA,  oia ka laau ikaika loa ma ka hoola ana i na popilikia a pau e pili ana i na mea ika loa i ka pale ana i na mea ino, a he loaa no hoi ki ala maikai o na puailoko o keia kopa.  Aole loa e hiki ke hoohilikeia mai kekahi ano kopa e ae@ hoohuihuiia e ka akamai o kamaka me keia kopa, ina kana mau hana ma-lama, hoola, a me ka hoou'lu'i ana i ka ili, a pela aku.  Pela hoi i ka ili oke poo, ka lauoho a me na wahi a ae.

Aolle no i lihi launa mai na kopa ona aina e me keia, no ka auhau ana a me ka hana o na keiki liilii.  Pela ihia i lilo ai ka waiwai o na kopa a pau i HOOKAHI no ke KUMUKUAI  hoo@@@@ a@e Helu Ekahi keia Kopa no na poino o ka ili a me kahi auau, a khehulu ekahi no hoi no na kamalii a pu @@ ke ao nei.

NO KA HOOLA LOA ANA I NA ANO PEHU A POHAKA PALAHU MA NA WAHI A PUNI KE KINO, e hoomaemae i ka palupu me ke kopa CUTICURA  i pau ai ka paapaa lepo a ano e ae paha o ka ili, a pela hoi ka poo, i pau ai ke kepia a me ka papaa piele, alaila, e hooma-u i kahi eha me ka Aila Hamo CUTICURA @ mama ae ai ka akiaki ana a ka hu'i a me ka ehaeha, a pela hoi e hoohana ai ka laau i kana hana a ola ka eha, alaila, e inu ka Laau Inu CUTIKURA i mea e maemae ai ke koko maloko.  Ke kuailia ne keia laau ma na wahi a pau o ka honua nei.  Ma Aukekulia;  o R. Towne & Co., o Sydney, N. S. W. ko laila Agena; ma Aferika Hema Depot; Lennon, Ltd. Na 'Hoakaka no ka hoola ana i na Bebe a me ko lakou mau kinaunau." he loaa wale no me ke kuai ole.

 

 

 

E Hoike Ana i ka Ikaika i Amerika.

 

Eia na Kepani o ka Aina Hikina ke kau nui nei na maka no ka hiki aku i Amerika no ka hoike ana i ko lakou ikaika ma ka hakoakoa ma ka paani hooikaika kino, a ke holopono na hoolala ana e maalo io ae ai lakou ma Honolulu nei no Amerikca ma ka hapamua o keia makahiki ae.

He puali ia o ka poe i maa i ka hakoakoa a iloko ola@@a i helu pu la ai o M@@@@@ Kodimiri ka kmea i kapaia "ka Bule" ame Komugaiake kekahi ahikanana.  O Bulu Kodimiri ka mea aole i uhalu iho kona ikaika oiai ua puali hakoakoa nei i kaapuni ae ia Korea ame Kina aole hookahi mea i hoopau'a iho i kona ikaika, a o kona kokoolua iho kekahi kanaka ikaika lua ole a laeoo ma ia hana hakaka.

O ka loaa ana mai o keia nuhou ohaoha ua hoopihoihoi nui ae ia i koonei poe Iapana a ulu nui ae na hoomaaukau ana no ka hui ana me ia mau hoa lahui like, a ina io he wa kupono e hui mai ae keia puali hakoakoa me koonei, alaila, e hoike mua ana ka ikaika o na bulu o ka Aina Hikina me koonei mau bulu hakaka Iapana.

 

HE LETA.

 

Keauhou, N. Kona, Dec.8, 1905

I ka nupepa Kuokoa, Honolulu, Aloha oe:

Ma kou helu o Dekemaba 1, ua ike ia ma ke poo, "hopuhopu ia na ma'i lepera o Kona," ua oleloia malaila, na na moho holo Kalana i haule o ke kau i hala e hana nei kela hana lapuwale, a oiai, ua loaa ia oe na hoike oia mea.

Owau kekahi moho i holo ma ia kau, nolaila, e ha'i ae oe ma ke akea, owau anei kekahi i hana ia meia, a i ole, ke hoao nei paha e hoopilikia i na kanaka o Kona?

Me ma'i au i ke kau holo balota Kalana i hala, aole i hele haiolelo ma o a ma oa hiki i ka la koho.

Ke hoolaha aku nei au ma ke akea  aole loa wau i hana i ka hana e hoopilikia ia oukou e a'u keiki o na Kona, a aole no e hiki ke olelo ia, ua hoopilikia e na kanaka o Kona e a'u, oiai au he makai nui, iloko o 14 makahiki i hala; aole no o'u ehaeha i kuu haule ana i ka la koho, a haule no ka hoi o William J. Bryan ke kakaolelo kaulana loa o Amerika, oiai oia ua kaapuni ia Amerika, a owau hoi i ka hale no kahi i waiho ai he kohu ia no "Kakaauiki."

Eia no iloko ou, ka manaoio, aole ouikou i opeope ia'u a kiloi i ka la koho i hala.  Ua poina maoli no, no ka ike oie i na maka a pina no ka hoi o Kuapakaa ia Keawenuiaumiwaa kahi i pili ai, ina aole i poina, he waiho no i ka hale, e like me na kii a Lualii i "kalai ai a waiho luka i ka pii hou ana aku e kamailio ana ua mau kii nei, kalai wale o Lualii ia maua, kiikii poehpohe ike i ke uhekeheke o kanaka ia, haalele wale ia no maua ka hoi ka hiki i kai, papalaau ka waiwai i ke alii."

E oluolu oe e pane ae i keia, me ka mahalo, owau iho no.

J.K. NAHALEPAIMIA.

(O kau i hoike mai nei no kou ma'i ame kou komo pu ole ana ma na hana haiolelo hooikaika balota ma ke kau hoho balota kalana i hala, ua lawa ia kno ka hoike ana ae ua hemo oe mai na pohihihi mai i hoike@a ma ua meahou la; aka nae aole e hiki ke hooleia ka olaio o na mea i hoopukaia.- L.H.)

HIKI OLE KE HOOKAAWALE.

 

UA IKE KEKAHI POE O HONOLULU NEI I KA HOOKAAWALE ANA IA LAUA A ELUA.

 

O ke kua haneenee ame ka ma'i o na puupaa he mau mahope laua.

Aole e hiki ia oe ke hookaawale ia laua.

Aole e pau ke kua haneenee ala wale no a ola ka ma'i o ka puupaa.

Ina e ikaika a ola maikai na puupaa, he mea oiaio o ka maikai like no ia o na lala e ae o ke kino a o ka maikai no hi ia o ka ola ana.

I na Huaale Kua Haneenee ame Puupaa a Doan oia ka mea nana e haawi mai i oia maika a ikaika no na puupaa.

Eia ka pane a Mr. S. Ha@oland kekahi luna o ka Hale Kuka Awa:  Ma muli o ko'u loaa ana i ka haawina o ka eha nui ma kuu kua no kekahi manawa, ua @@@o iho ia wau i na Huaale Kuahaneenee a Doan ma kuu kuai ana ma ka Halekuai Laau o Hollister ma a ua loaa ia'u ka oluolu apau koa kuu eha.  Ua maopopo loa ia'u he mau huaale io no lakou no ka ma'i kuahaneenee a Doan i ka poe kuai laau apau no @@ kene@a o ke poho hookahi, 6 poho i ka @@@@.  E hookoia no na kauoha apau ma ka leta ma ke kuike ke hoouna mai i ka Halekuai Laau o Hollister ma na agena o ka Paeaina.  E lawe i ka Doan me ka nana ole ka ha'i.

 

 

HOOPANEE HOIKE KULA SABATI O EWA, OAHU.

 

Oiai e pau ana ka hooponopono ana o ka luakini hooneeia mai ke kahua mua a i kona kahua hou e ku nei i keia wa, ma Manana, (kokoke i ka hale haakio kaaahi) i keia malama no: no laila, ke hai ia aku nei ka lohe i na Kula Sabati apau e komo mai ana ma na hana o ia la, ua hoopanee ia ka malama ia ana o ua hoike la, mai kona wa i ha'i mua ia aku ai, a i ka hora 9:30 a..m. o ke Sabati, Ianuari 14th, A.D. 1906, a he 10 minute ke kiekie o ka wa hoike o kela ame keia papa, a ke kono pu ia aku nei na alakai, hoomakaukau no na hana o ia ia.

Me ka mahalo,  DANIEL K. HOOLAPA.  Kahukula Sabati o Ewa, Halawa.  Dekemaba 13, 1905

 

N   NA OHE nani no ka ulana papale

A   ana, peahi ame na mea   maikai e       

      ae o ka loaa koke ana mai nei no

O    no ia.  He makepono ke kuai ana

H    ma ke kukaa.

E     HAWAII & SOUTH SEAS CURIO  Co.

Hotele Iana ame Hotele Hawaii.

 

 

HOOLAHA AINA AUPUNI.

 

HOOLAHA I KA POE AIE.

 

KA WAIWAI O KAHERINE KAUNANI SCOTT, I MAKE.

 

O ka poe hoaie apau o ka Waiwai e Katherine Kaunani Scott, I make ma keia ke ha'iia aku nei ka lohe e waiho mai i ko lakou mau koi e hu-e ana i ka mea i make i oleloia, he mau koi i hooiaioia hoi i ukalila hoi me na bila hooiaioia hoi i ukalila hoi me na bila hooia kupono ina he mea kekahi o ia ano, a ina no he koi ia e paa malalo o kekahi moraki maluna o ka aina--o ia mau koi apau e waiho ae i ka mea nona ka inoa malalo iho nei ma Kilauea, Kauai, Teritori o Hawaii, maloko o eono mahina mai keia la aku.

Ina o ia mau koi e waiho ole ia mai ana iloko o na mahina eono i oleloia a i ole maloko o eono mahina mai ke lakou ia i piha ai ka manawa no ka uku ana.--o lakou apau e hoole ia aku no ka wa mau loa.

Hanaia ma Kliauea, Kauai, T. H.    Dekemaba 1, 1905.

(Kakauinoaia)  FRANK SCOTT.    Lunahooponopono Waiwai o ka WaiWai o Katherine Kaunani Scott, i ma e,  3097--Dec.8, 15,22,29; Jan.5.

 

 

HOOLAHA MANA HOOKOLOKOLO

 

ILOKO O KA AHA KAAPUNI O KA APANA KAAPUNI ELIMA.  TERITORI O HAWAII.--MA KE KEENA HOOPONOPONO WAIWAI.

KAUOHA NO KA HOOLAHA ANA I KA HOOLOHE ANA I PALAPALA NOI NO KA PONO HOOPONOPONO O KA PALAPALA KAUOHA.

Iloko o ka Hana o ka WaiWai o Hosea Kahooiealii Kahele o Lihue, Kauai, I Make.

He Palapala i manaoia oia ka Palapala Kauoha ame Hoike Hope loa a Hosea Kahooiealii Kahele i make, a ma ka la 1 o Dekemaba, A. D. 1905, ua waihoia mai i ka Aha Hooponopono Waiwai i oleloia ame ka Palapala N@@ no ka hooponopono ana ia mea, a no ka hoopuka ana i mau Leta Hoike ia Mileka Kahele wahine kane make o ka mea i make, i hookomoia mai hoi e Mileka Kahele i oleloia.

Ua kauoha pu ia hoi o ka Poaha ka la 11 o Ianuari, A. D. 1906 ma ka hor umi a.m. o ka la i oleloia, ma ke Keena Hookolokolo o ka Aha i oleloia ma Lihue, Kalana o Kauai, T. H., oia ka manawa ame kahi i hooholoia, no ka hoo@a@o ana i ka Palapala Kauoha i oleloia ame ka hoolohe ana @@ ka palapala noi i oleloia.

Ua kauoha hou ia no hoi he Hoolaha o kaia mea e haawiia ma ka hoolaha ana hookahi kmanawa o ka pule no eha pule @eepapa iloko o ke "Garden Island" ame "Ka Nupepa Kuokoa" he mau nupepa i hoolahaia--o ka Nupepa Kuokoa iloko o Honolulu a e ke "Garden Island" iloko o Lihue, a e ka hoolaha hope loa aole ia e emi malalo o umi la mamua o ka manawa i hooholoia no ka hoolohe ana.

Hania ma Lihue, Kauai, T. H., Dekemaba 2, 1905.

NA KA AHA, JNO. A. PALAMER.  (Kakaumoaia).  Kakauolela

@@@@--Dec. @, 15, 22, 29.