Ka Nupepa Kuokoa, Volume XLIV, Number 2, 12 January 1906 — MOE I KA LEPO O HAWAII. [ARTICLE]

MOE I KA LEPO O HAWAII.

Ma ka auwina ia o ke Sabati n<n i malamaia a'e ai ke anaina haipule hope loa maluna o ke kinomake o Wiliama N, L»imaVkaika, ma ka luakini o Kawaiahao. Ua puhiia kona kino maoli. a o ka lehu ua laweia mai no ka hoomoe ana i ka lepo o Hawaii nei, kahi hoi ana i hanu mua loa ai i na ea huihui o keia ola ana. He anaina nui ka i akoakoa a'e malaila, a ua malamaia a'e na hana elike me ka inau. a mahope mai i hoihoiia aku ai oia no ka ilina kupapau mahope iho o ka lua:kini, kahi hoi e moe nei kekahi mau ohana o na kumu misionari i hiki mai i Hawaii nei. O ka Ekalesla o Kawaiahao, o ia ke kahua a Rev. Rikeke Limaikaika i noho ai no kekahi mau makahiki ma ke ano kahu, a o keia no hoi ka makuakane o Wiliama N. Limaikaika, ka mea nona ka hoomanao haipule i malamaia. Eia ma Hawaii nei i keia mau la he mau ohana Limaikaika no, a o Kawaiahao he mea nui ia ma ko lakou hoomanao ana.