Ka Nupepa Kuokoa, Volume XLIV, Number 7, 16 February 1906 — E HOLOHAU ANA KO HONOLULU NEI POE. [ARTICLE]

E HOLOHAU ANA KO HONOLULU NEI POE.

Ela ke hoomaka mai nel ka hahau papahele ana ! ka hale ukana o ka Hui Unkin Feed ma alanui Moiwahine ae nei. e hoomakaukau ana hoi no ka wehe ana ae i hale holohau malaila. He manawa loihi i hala ae nei ka hoolalaia ana o keia mea. a akahi no a hooiaio loa ia i keia mau la. Ua kukuluia keia hui a kapaia ka Hui Hoio> hau o Honolulu. malalo hoi o ka lawelawe ana a CUffortJ Kimball. E auhauia ana ke komo wale ana no iloko e nana ai, a ina he makemake kou e pahee he auhau no ko ia. He iwakalua paha makahikl i hala ae net ua hanaia no ka holuhau ma Ainahou ae nei ame Manamana. a ua ikeia ia manawa he mau keiki Hawaii kekahi i iUo ! mau polopeka holohau. Ke manao ia nei e hoala hou ia &na ka iini o na poe i h&lohau mamua aku nei. ame ka hanauna hou e pli ae nei. a e lilo ana keia wah! I punana e hoohala ai kekahi poe I ko lakou manawa o ka la.