Ka Nupepa Kuokoa, Volume XLIV, Number 11, 16 March 1906 — LANAKILA O KUHIO. [ARTICLE]

LANAKILA O KUHIO.

I j Ma ka auwina la oka Poakolu nei i : loaa mai ai ka lono nana i mai i ka haule ana o ka hoopii ku-e a Konela C. P. laukea ia Elele Lahui Keikialii Jonah Kuhio Kalanianaole. He telegarapa keia e hoike ana i ka olelo hooholo a ke Komike o ka Hale ma na mea e pili ana i na koho balota. a penei ua lono telegarapa la: | WASINETONA. Malaki 14.—0 ko Komike o ka Hale maluna o na koho balota ana ua hooholo lokahi a'e nei e hooia aku i ka hoonoho ana i ke Keikialii Kuhio Kalanianaole ma ke ano he Elele no Hawaii a e waiho ana ia Curtis P. laukea, ke Democarata i hoohalahala i ka hoonoho'ana ia Kalanianaole. He lanakila keia i loaa i kg. Elele Ali» a ka Lahui maluna o kona hoapaio, a he lanakila ana no hoi ia o ka aoao kalaiaina Repubalika. ka aoao I nana I hapai a'e i ke Keikialli no ka ' lua o. ke kau Ahaolelo Nui a ia aoao I , hoouna aku ai i kona moho l Eiele LaI hui ma Wasinetona.