Ka Nupepa Kuokoa, Volume XLVII, Number 3, 18 January 1907 — NA KEIKI NIIHAU ME KA WAAPA ILOKO O KA INO. [ARTICLE]

NA KEIKI NIIHAU ME KA WAAPA ILOKO O KA INO.

GARDEN ISLAND—Me ka nana ole ae i ka makani ame ka ua, ua haalele iho la na kelki wāapa ia Niihau ma ke kakahiaka Poaha no Kauai, no ka halihall ana i ka leka o ia pule no Waimea, a po wale nae la la aole he mea i loheia no lakou; a manao ko Walmea poe, ua hoomoe lakou i ka holo ana mal, mamull o ka ino. I ke ao ana ae i ka Poallma, he oia mau no ka Inō, a aole no he waapa Niihau I hoea mal, a ma ka hora 2 o ka auwina 1 ao ka Poaono pae ae la ua waapa la ma Haena. Ua haalele aku keia mau kanaka ia Niihau i ka manawa maa mau no a lakou e haalele ai, aka nae aole i loihi loa aku ia holo ana o lakou, ua loaa iho la I ka pilikia. O ka mua, oia ka pau ana o ka pe'a i ka nahaehae a hoomaka ka hoe ana, aole e hlki ia lakou ke huli hoi hope aku no ka aina, no ka mea ke nou mai la ka makani mamua pono, a o ka hoe mal la no ia no Kauai. He mau hora no hol ko lakou noke ana i ka hoe, ua pau ae la na hoe i ka hakihaki, a noho wale lakou; a na ke au i lawe ae ia lakou a pae ae la ma Haena. Aole he mea o lakou i poino.