Ka Nupepa Kuokoa, Volume XLII, Number 4, 25 January 1907 — LOAA HE ULIA I KEKAHI WAHINE HAWAII. [ARTICLE]

LOAA HE ULIA I KEKAHI WAHINE HAWAII.

O kekahi o na ulia ano e i loaa i kekahi wahine ma ka auwina la o ka Poalua nei oia no ka haule ana o kaupoku piula maluna ona a loaa iaia ka eha. E hele aku ana keia wahine me kana kane e komo iloko o kekahi haleinu kope o ka Pake ma ke kihi o ke Alanui Iwilei ame ke Alanui Hale hoioi lole, a o ka haule mai la no ia o kaupokM piula a pa mai ia ia laua, a o ko laua hina iho ia no ia llalo. Aole i loaa i ke kane he mau eha kukonukonu, aka ua loaa aku nae i kana wahine. Ua hoouna kokeia aku ke kaa makai, a laweia ana ka wahine no ka haiema'i. Ua manao waleia, ua loaa i ka war hine na eha maloKo o kona kino.