Ka Nupepa Kuokoa, Volume XLII, Number 16, 19 April 1907 — KA HALE NANI HELU EKAHI. [ARTICLE]

KA HALE NANI HELU EKAHI.

NU lOKA, Aperila 3 —Ua hoopuka ae nei o Mr. Harimana i kona manao e kukulu ana oia i home nona maloko o kela kulanaikauhale, a e noho paa ana maanei. Ua kuai aku nei oia i kekahi o na apana aina nui e pili koke la me na aina o Vanderbilt, a ua olelo ia i ka manawa e paa ai o keia liale ona ua hiki no ia ke hoohalikelike ia aku me ka hale kapitala o Wakinekona, ka home hoi o Peresidena Rusawela. . O Harimana oia kekahi o na kanaka waiwai loa o Amenka Huipuia a ua kapaia aku oia ma ke ano "He Moi o na Alanuihao.' Ua hoea aku kona waiwai i keia mau la ma kahi o $300,000,000 a ua oleloia, ua hiki loa iaia ke hana i kekahi hana e kaakaa pono ai na maka o ko ke ao nei.