Ka Nupepa Kuokoa, Volume XLII, Number 18, 3 May 1907 — NA LIMAHANA PANIOLO. [ARTICLE]

NA LIMAHANA PANIOLO.

Ma ka hora 2:30 o ka auwina la o ka Poalima nei 1 kalewa ae ai fta Mokuahi Hoopae Limahana Heliopolis mawaho pono o ke awa o Kou nei, me na limahana Paniolo i hiki aku ka heluna i ka elua kaukani elua haneri me kanawalu-kumamahiku. . . .. Mailoko ae o keia heluna nui, ua hiki aku na poe opiopio 1 ka elima haneri, ahe ekolu haneri poe kamalii. Ma keia huakai moana . holoia mai nei, ua hiki aku ka nui o ka poe 1 make 1 ka umi-kumama-iwa a he umi-kumamalua hoi hanau. He poe kamalii wale no ka hapanui o ka poe 1 make, a he ekolu wiahine. Mamua ae oka ikeia ana mai oke ao aina, ua lawelawe īa he mau anaina mare maluna o ka moku, he mau hanau a he mau make n ° ke kakahiaka o ka Poaono aku nei i make ai no maluna o ka oneki o ka moku, kekahi wahine me ka haalele ana iho he elima mau keiki liilii, a i ka hooleleia ana mai o ua mau limahana nei no ka hale hoopae limahana, ua make hou iho la no ia mea ilaila, he wahine. I ka hookuku ana a ka poe i ike i na hmahana 1 puka mua mai ai me keia, ua hoike ae lakou i ka oi ae o keia puulu o ka maikai o ko lakou mau ola kino mamua o na Pukiki i hoea mua mai ai. Ma ka Pa Hoopae o na Limahana, e ikeia aku ana na kamalii e holoke ana i o a ia nei e noke ana i ka paani, e like no hoi me ke ano mau o na kamalii. He hookahi paa mare i hoohuiia ae ma ka mare ma ka Pa 1100 - pae Limahana. He mau opio wale no laua, oke kumu oko laua mare ana, mamuli o ka ae oleia ana o ke kaikamahine e lele no ka aina nei oiai,' ua hele hookahi mai oia, me na makua ole, a i mea nona e noho ai i Hawaii nei, he rnea pono e loaa ona mea nana oia e malama, a pela iho la oia i mare aku ai me kekahi keiki opiopio no a lakou 1 holo pu mai nei. E hala ana ia lakou he pule okoa -maniua o ko lakou hoounaia ana aku no na mahiko e hana ai. Aia iwaena o keia poe Paniolo, he poe ike kekahi i na hana lima akamai, a he lako no hoi kekahi o lakou me na kenikeni, e lawa ai ka noho ana no kekahi manawa loihl.