Ka Nupepa Kuokoa, Volume XLII, Number 18, 3 May 1907 — OOKI I KONA MAU AA KOKO. [ARTICLE]

OOKI I KONA MAU AA KOKO.

Ma ka auwina la o ka Poaono nei i hoao ae ai o Mr. Raymond Carlon, kekahi o na haole e hana nei iloko o ka Makeke kuai pipi o Wala e lawe i kona ola iho ma ke oki ana i kona mau aa koko, iaia e moe ana maloko o kona rumi ma ka Hokele Alinetona. Ua oki keia haole i kona mau aa koko me ka pahipelu a moku alaila hoomaka e moe ilalo me ka hookuu ana i ke koko e kahe aku ma kahi o kona puulu lole lepo. He haole maa keia i ka inu rama, aka i kela mau la aku nei i hala, ua hoohiki oia aole e inu rama hou, a mamuli o ka ha'o ana o ka rama iaia ua ano e loa kona ano iloko o kekahi mau la mahope mai, me he mea la e puhiia a"ku ana oia i ke ahi e kekahi mea. I ka hana no oia ma ke kakahiaka o ka Poaono nei, aka i ka nana aku i kona ano, aole oia me kona ano mau, a na ia ano e ona i Itookahaha aku i ka manao o kona mau hoa hana, a o ka mea i īkeia, aole oia i hele hou mai i ka hana i ka auwina la. Ma keia auwina la no hoi i lohe ai o Mr. Wala i ke kamailio o ka poe hana i ke ano e o Mr. Carlon, a no ia kumu, ma ka hora 6. o ia ahiahi ua hele aku la oia no ka rumi o Mr. Carlon e imi pono ai pehea aku la oia, me ka paa pu o kona manao, ina he mea hiki e haawi aku i na malama maikai ana. I ka hoea ana aku o Mr. Wala, ua loaa io aku la kona kanaka hana e moe ana maluna o ka papahele mahope o ke panipuka, e hoike okoa mai ana hoi kona helehelena i kona pilikia ame kona hooholo maoli ana e inake. _ . Ua pau na aa koko o na peahi lima a elua i ke okiia, a e kahe nui ana ke koko, a e waiho kokoke mai ana hoi ka pahipelu i haukae me ke koko nona ka oi i like me ka pahi umiumi. Ua waiho aku o Mr. Wala i ke kanaka poino iloko o ka riana ana aka waTlThe Kepani, a holo mai 1a oia e kii ike Kauka. Oiai aole he ■wahi kaawale o ka Haukapila Moiwahine ma ia po, ua kaa aku kona malama ia ana malalo o Kauka Murray.