Ka Nupepa Kuokoa, Volume XLII, Number 18, 3 May 1907 — KA MAKE ANA O IOSEPINE. [ARTICLE]

KA MAKE ANA O IOSEPINE.

E like me ka olelo a ke Kanawai, he kanaka wahine ole o Napoliona i kela mau la, ua hookaawale koke ia ko laua nolio pu ana ma ka haalele ana mai o losepine i ka halealii Tulerisa. He hookahi pule mahope mai o ia manawa, ua kau leta aku o Napoliona 110 ka mahawa mua loa me keia mau olelo: 4< Ua ha'i mai o Eugene ia'u, ua kaumaha loa oe ika la inehinei. Aohe kela he pololei e kuu aloha, he ku-e ana ia nou i kau olelo aelike mua ana mai ia'u. Ua hoi hookahi mai au i ke Tulerisa, aua hoike I mai keia halealii nui i kona mehameha, a ia'u hoi i ka laukanaka ole. "Adieu, e kuu aloha, e malama loa i kou ola. "NAPOLIONA." Ua loaa aku keia leta ia losepine, a oia kana i hoomanao ae ai i kana kane i aloha nui ai iloko ona la pili he kane ahe wahine. Me kona manao ua poina loa oia iaia, eia ka auanei, eia aku ua Napoliona nei ke pii mai la e ike iaia, oia ka losepine i ku ae ai iluna a komo mai la kana kane a pane mai la i keia mau olelo: "E kuu losepine,—ua ike no oe he aloha au ia oe, a ke mau nei no ia aloha o'u ia oe a hiki i keia la. He aloha no anei oe ia'u i keia manawa, mai ko'u kaawale ana mai ia oe mai? O na hoomanao ana nou, aole loa ia i kaawale mai ia'u aku. Pela anei oe e kuu losepine?" "E oluoīu mai oe e ka Emepera," wahi a losepine i pane aku ai me ka leo o ka malie ame ke kunou ana me ka haahaa. "E kapa mai no oe ia'u o Napoliona, aole o ka Emepera," wahi hou a Napoliona i pane aku ai. "E kamailio mai ia'u e kuu ipo aloha e like me kou ano mau ame ka maa i ko kaua wa e hui launa mau ai no me mamua: He mau mahina pokole mahope mai o ia manawa, ua mare iho la o Napoliona i ke kaikamahine alii Maria Luisa o \ : iena, a ua lawe ia oia e hoopaapio i ka mokupuni o Eleba, a o keia iho kana leta hope .loa i palapala aku ai ia losepine penei: "E kuu aloha losepine, ua iioouna leta aku au nau i ka la 8 nei ' o keia mahina, ua loaa aku palia ia oe aole palia. O na kuee o ko'u hooponopono aupuni, ke mau nei no ia me ke kaumaha no ko'u haulehia. Oka moolelo o ko'u nohoalii ana, oia kekalii ona moolelo Ku— paianāha loa a ke ao nei e heluhelii ai, a no keia mua aku ma kahi o ka e lawe ana au i ka oioi o ka maka peni mamua o ka oi o ka pahikaua. Ua nui na miliona hoaloha a'u i hoonoho aku ai ma na kulana kiekie, a ua haalele mai lakou a pau ia'u i keia la. Adieu, e kuu alona losepine, mai hoopoina i ko'u aloha e hoomanao mau nei ia oe. "NAPOLIONA." | P. S. He lana kuu manao, e leta ae ana oe ia'u ika mokupuni o Eleba. I ka lohe ana o losepine e lawepio ia ana kana kane i Eleba, na ia mea i hoehaeha mai i kona puuwai, me ka puana ana ae i keia mau olelo: "Aole e hiki ia'u ke noho ianei. E lawe hookahl ia ana ka*u kane i ka mokupuni o Eleba, ka mea a'u i paulele nui ai iloko o keia ao a i hookaawale mai ia'u mai ka berita mai oka mare. O ke kuleana 0 ka hana, aia no ia maluna o Maria Luisa, aka, aole nae'oia i ukali pu aku i ka maua kane, nolaila, he manaolana ko'u, ke kau mai la kona mau maka ia'u o ka hiki aku." He mau olelo keia o ke aloha oiaio i puka ae mai ka puuwai o kela waliine, a no na la pokole mahope mai o ia manawa, ua loaa iho la oia i ka ina'i, a m# ka aoao o kona 'moe make, e uwe ana kana mau {koiki ka lede Hortense me Eugene, oia ka losepine i puana ae ai i kana mau huaolelo hope loa: "Ke hoike nei au i ka oiaio imua o ke Akua' Ola, aole loa au i hana 1 kekahi hana ku-e ia Farani, kona pomaikai ame kona maluhia. Ina o ko'u make ana a he mau kumu ia e hooi ia aku ai ka maluhia o ka lahuikanaka, alaila, o ka wahine mua a Napotiona, aole loa e nele ke kahe o kona mau waimaka me ka hoomanao ana iaia." ■ Mokupuni o Eleba—Napoliona. Pili iho la kona mau maka, a lele loa ae la kona hanu. O ka haulehia ana o Napoliona, oia kana i hoapono ai i na olelo mua o lose.. pine ma ka mokupuni o Sana Hilina, aole e hoolilo iaia i Emepera. Ua waih*) ia kona kino kupapau ma ka pa halepule o Ruela, he elua mile m]ai ka home Malemesona aku, a ke ku nei kona kia hoomanao o ka pohaku mabala keokeo me na huaolelo i palapala ia me ka inoa o kana mau keiki penei: Eugene me Hortense. KA HOPENA.