Ka Nupepa Kuokoa, Volume XLII, Number 18, 3 May 1907 — KAU KA WELI I KEKAHI KOREA. [ARTICLE]

KAU KA WELI I KEKAHI KOREA.

Eia he Korea e hele nei iloko o Honolulu i kauia ka weli e ka poe i maopopo iaia, a na ia mea i kono mai i ka oihana makai e makaala loa iaia, a ua hauoli nui hoi lakou ke hoikeia aku kahi o ua kanaka nei e hoo poino ai ke kipa aku oia ilaila. He kanaka loihi pilalahi keia o ke ano l.ke me ka Pake, a o kona wahi e maalo mau ai ma na kauhale no ia o Punahou ame Waikiki. Aia iwaena o na wahine ame na kamalii kona hoaano mau a aole oia e haalele i kekahi pa a hale paha ana e komo ai, a aole e nele ke kau o ka weli ia lakou no kana mau hana hooweliweli, no ke ake ana e hookoia kana mau noi ina e hooko oleia ana. . Me he mea la, he kanaka palaualelo maopopo oia i piha molowa i ka hele ana i ka hana a i loaa ai ka pono no ke ola ana, ua kau aku ka noonoo ino ma ka hoopilikia wale ana kahi e loaa ai kona pono.