Ka Nupepa Kuokoa, Volume XLII, Number 38, 20 September 1907 — KAU I KA HAE NO KE KAUMAHA AOLE NO KA MANAOINO. [ARTICLE]

KAU I KA HAE NO KE KAUMAHA AOLE NO KA MANAOINO.

Ua ili aku maluna o kekahi lapana lawe aelike hana o Matsumo-' to ka inoa, he kanaka hana oia malalo o kekahi lapana waiwai ke kaumaha mamuli o ka make ana o kana wahine ma ka po o ka Lapule. A no ka make ana o kana wahine ua hukiia e ia ka hae Amenka a hapa o ka pahuhae e ku ana iloko o kona pahale ma Punahou. O kahi mea hookahaha loa i ka nana aku a ka lehulehu maluna o ke kaauwila oia no ka hoohuliia ana o ke poo o ka hae ilalo e like me ka hanaia ana no na moku pilikia ma ka moana.

Ua manao maoli ka lehulehu e nana aku ana ma na wahi like ole he hana hoohaahaa maoli kela i ka hanohano, aka, i ka huli pono ia ana aku ua hoikeia mai e hoike ana ka mea nana i huki ka hae pela i kona kumakena 110 ka make ana o kana mea aloha he wahine. Ūa hukiia ka hae me ka pololei ole mamuli o kona naaupo a i ole ma ke ano kuhihewa paha o ka mea nana 1 hana ia hana.