Ka Nupepa Kuokoa, Volume XLII, Number 38, 20 September 1907 — NA LE'ALE'A HEIHEI E MALAMAIA ANA I KA LA APOPO Healani ame Makala no ka Inoa Moho Komo Hou na Keiki o Kona ma ka Heihei Waa. [ARTICLE]

NA LE'ALE'A HEIHEI E MALAMAIA ANA I KA LA APOPO

Healani ame Makala no ka Inoa Moho Komo Hou na Keiki o Kona ma ka Heihei Waa.

, O ke kakahiaka oka la apopo e hoea mai ana, he la kulaia aupuni ia e paa ai na hale oihana apau o ke kulanakauhale nei, a he hookahi wahi a na kanaka e momoku ai o na uwapo no ka nana ana i na hana heihei waapa«a ia la. , Mamuli o ka papa kuhikuhi no ,na hana heihei e hoolalaia mai nei o keia aku ana ka makahiki oi ae p ka ulumahiehie o na hana heihei i ko na makahiki i hala aku ,nei. Eia no na keiki o na hui waapa p ka Healani ame ka Makala ke .hoomaamaa mau mai nei i keia mau ahiahi, a he hookahi no wai p ka like ia ua mau keiki hoe waapa la ke nana aku, a o keia kekahi o na heihei aumeume mawaena o keia mau hui i keia makahiki.

E waihoia ana ka waapa o ka Makala inamuli o ka olelo mau ana ,o ka Healani, no ka oi loa o ka holo o keia waapa ke kumu i lilo mau ai o ke eo i ka Makala, a pela i manaoia ai e hahana ana ka heiJiei waapa i keia makahiki.

Mamuli nae o keia waihoia ana] ae o ka waapa mua o ka hui kala ka hui hoi nana e paa nei i ka inoa molio no kekahi manawa Joihi, e hooikaika loa ana lakou e paa i kela hanohano i ole ai e lilo i mea hoohilahilaia no lakou ka lilo ana i mea hooiaioia e ka lehuJehu mamuli io o ka holo o kela waapa o-lakou i waihoia ai ke kumu lilo mau o ke eo ia lakou iloko o na heihei i hala ae nei. , Ma o ka pau ana o ka waapa Kapiolani i ka nahaha i Waikiki i ka ino iho nei o keia makahiki, ma kela manawa i manaoia ai e malama i na heihei waa ma ka mahina mua o keia makahiki iho nei, nolaila aole e malamaia ana he 'heihei o ia ano waapa oiai, he. hookahi wale no waapa o ia ano 1 koe e waiho nei.

O kekahi ana o na heihei e anoi .nuiia, oia no ka heihei waa o eono ,hoe no ke alualu ana i ka inoa moho o ke Teritori, o keia no hoi ,ka heihei i malamaia i ka makahiki aku nei i hala a ahai ai o ke Kai Malino a Ehu i ka hano,hano o ia heihei ana. Ua hiki mai nei na keiki hoe waa

.0 Kbna ma ka Mauna Loa o ka Poalua nei, a i keia heihei ana e ikeia ai ko lakou paa i kela inoa moho no ka lua o ka manawa am« ka ole.

O ka poe na lakou i hoe o Hanakeoki i kela makahiki aku nei i hala o lakou aku ima ke kau iluna ,o ka Alahama, a eia lakou ke hoomaamaa nei me ka paa o ka manao na lakou ana ka lanakila o keia heihei, aka nae ma ka leka a ke Keikiahi Kalanianaole i kakau mai ai mamua o kona hoea ana mai me kana mau hoewaa, ua hoike inai; oia he kamalii wale no kana ,mau hoewaa aka he nui. nae ko lakou ikaika, e hana nui ai i ko Honolulu nei poe ke kaili ana mai i ka inoa moho mai ia lakou mai.

O ka inoa o na hoewaa o Kona p Maunupau ke. kianoa a kapena no hoi o lakou, o Kaluahiwa, Kawika,- Makanani, Paliaka, Kaihe a o Petcr ke pani i ka wa e pilikia ai kekahi o lakou. He mau heihei waa e ae no ke.kahi o eha hoe a oia heihei no kekahi' e aumeume ana mawaena o .na auwaa like ole e komo ae ana e hookuku, a he mau wahine kfckahi e komo ana.ma ka heihei waa, mawaena o lakou iho e nele ole ai ka.hu- o ka aka ke nana aku ia lakou. . E hoomakaia ana na heihei oka la apopo ma ka hapalua o ka hora eiwa ponoi o ke kakahiaka, a e malamaia ana hoi na heihei e like me ka papa kuhikuhi malalo iho nei: 1. Heihe'i waapa Huelo boki. 2. Heihei waapa eono hoe. 3. Heihei mokukiākahi papaekahi. 4. Heihei mokukiakahi papaelua. 5. Heihei eono hoe. 6. Heihei waa eono hoe. 7. Heihei waapa hoe palua. ' 8. Heihei waapa eono hoe. . 9. Heihei waapa ona mokuahi. 10. HeiheiVaa eha hoe. iī Heihei waapa hoe palua. 12 Heihei waa eha hoe (o ke ano hou). 13. Heihei waa o na wahine. 14. Heihei waa pe'a (ano kahiko.) 1;. Heihei w r aa (ano hou).