Ka Nupepa Kuokoa, Volume XLII, Number 38, 20 September 1907 — Nele i ka Mea Nana e Eli i ka Lua Kupapau [ARTICLE]

Nele i ka Mea Nana e Eli i ka Lua Kupapau

Ua hoike ae ke Kahunapule J. A. Rath i kekahi mea kakau nupepa ma ka Poalua nei, ua ku i ka hoohilahila ia Honolulu nei, ma o ika hookaawale oleia ana he wahi no ke kanaka ilihune e kanuia ai o kona kino i ka manawa e make ai. Wāhi a ua kahunapūle nei, ua make ke kane a kekahi wahine ma ka Poakahi aku, a he wahine ilihune hoi 'keia e hiki ole ai ke hoo> lako i na mea e pono ai no ke kanu ana aku i kana kane. Ua loaa aku nae ka pahu no ke kino o keia kane ame kahi e kanuia ai ma ka ilina o Makiki mamuli o ka lokomaikai o ka Makai Kiekie Henry ame ka Papa Ola. Aole he kaa nana e lawe aku i ke kino no kahi i makemakeia, a mamuli o keia nele, ua haawi hou mai la ka Papa Ola i na hana kokua ma o ka hoouna ana mai i kekahi kaa o ka Papa Ola no ka lawe ana i ke kino kupapau no ka ihna. I ka hiki ana aku nae o ke kupapau i ka pa ilina, aole he lua'i eliia no ka hoomoe ana aku i ke

kino, a ua waihoia no ka paliu knpapau pela nie ke kiai ana o ka. wahine 1 kana mea aloha he kane, mai ka hora umi mai o ke kakaAaka a hiki i ka hoea ana mai o na ,paahao no ka eli ana i ka lua ma. ka hapalua o kzf hora elua oi» , Aole oia i hoike mai ika loihi o ka manawa i eliia ai o ka.lua oiai ua hoi mai la no oia me ka haalele ana aku no i ka wahine ame ke keiki e kali ana ma ka aoao o ka pahu o ka mea make.