Ka Nupepa Kuokoa, Volume XLII, Number 47, 22 November 1907 — HOOPANEE I KA HOIKE HUI O NA KULA SABATI O MOLOKAI. [ARTICLE]

HOOPANEE I KA HOIKE HUI O NA KULA SABATI O MOLOKAI.

Ke hoikeia aku nei ka lohe i na Kula Sabati o Molokai e hoopanee ana ka Hoike Hui o na Kula Sabati apau o Molokai ma ka la 25 o Dec. o keia makahlki, e like me ka'u i hoike aku ai ia oukou no ka noonoo ana i ka Hoike Hui o keia makahiki, a oia manawa oia ka'u e hooholo ai ma ka la 25 o Dekemaba e hoike ai na Kula Sabati apau, a malalo o kekahi kumu ua loaa ia'u ka manawa maikai no ka hoike ana aku ia oukou e a'u mau Kula Sabati, aohe a kakou Hoike Hui ana ma ka manawa i ha'iia' maluna, a ua hooholo iho la au i hoakahi a kakou manawa e hoike Hui ai na Kula Sabati apau ma ka mahina o Malaki o keia makahiki 1908 ae, oia ka wa e noho ai ka Aha ma Kaluaaha ma Molokai a ua makemake pu au i na Kula Sabatl apau o Maui e hiki mai ana ia manawa e hui pu mai iloko o na hana hoike o ia la malalo o na hooponopono a ka aha e noho ana ma ia Kau. Ua makem'ake pu au i na Kula Sabati apau o Molokai mai na Koolau a hiki mai i na Kona oia hol, mai ke Kula kaulana i ka wai lele Opu o Moaula a hiki mai i ka makani Haualiali o Kalaiakamanu kahi a na keiki o ke kipuka ili e lawe al a lilo no ka Ia hooiTf kaua nui e hiki mai ana, a ma ia manawa no hoi e ike ia ai na manu i hou ia ka ihu helu ekahi. A ma keia, ua kaoohaia na kahunapule ame na Kahu Kula Sabati Apana 0 kela ame keia apana Kula Sabati na luna Ekalesia o k»la ame keia Apana e hiki m'ai ma na Ia mua o ka mahina o lanuari, 1908 ma ka luakini nui ma Kaluaaha no ka noonoo ana 1 kekahi kumuhana ano nui e noonoo ia ai ma ia maawa e hoolahaia aku ai ka la ame ka hora no ia halawai kuka. Owau iho no ka oukou kauwa, JOSEPH N. UAHINUI, Kahu Kula Sabati Nui o Moloka!. Kaunakakai, Molokai, Nov. 16, 1907.