Ka Nupepa Kuokoa, Volume XLII, Number 47, 22 November 1907 — HE HOOMAIKAI NUI. [ARTICLE]

HE HOOMAIKAI NUI.

Ke haawi aku nei au i ka'u mau Hoomaikai palena ,ole i ke Kahu, na luna, na Hoahanau ame ka Papa Himeni o ka Ekalesia Makua o Kawaiahao ma o ko oukou mau komite la no ko oukou komo pu ana mai me a'u iloko o na Haawina o ke kaumaha no ka'u mea aloha he wahine i haalele mai ia'u i kana kane ame na keiki na moopuna, na hoaloha no apau e kumakena aku ana iala ma ke'a nohona mauleule ana, aka e hoomama ia ko kakou mau manao kaumaha ma o ko kakou Haku o lesu Kristo la, "Nana no i haawi mai a Nana no i lawe aku, e hoomaikaiia o lehova," ke Akua Kiekie loa. Owau no, ' I. K. KAHIUKOA PUHI. Palama, Helu 829, Honolulu, Oahu.