Ka Nupepa Kuokoa, Volume XLIII, Number 1, 3 January 1908 — HOOKUUIA KE KANIKELA KEPANI MAI KA AUHAU AKU. [ARTICLE]

HOOKUUIA KE KANIKELA KEPANI MAI KA AUHAU AKU.

Ma ka Poakahi nei i hoikeia aku* ai ka lohe i ke Kanlkela Kepani Saito, no kona hookuuia ana mai ka auhau aku, e like me ka manao kanawai o ka Loio Kuhina Hemenway. Ua komo mai no keia ninau i ka wa e noho Kiaalna ana o Carter, ina p?lia lie kupono a kupono ole ka hookuu ana i ke Kanikela Kepani mai k< kau ana aku o na auhau o ke aūpuni maluna ona, a ma ka manao nae o ka ' Loio Kuhina e noho ana ia manawa, ua hoike ae oia i kona manao he pono no e auhauia ke Kanikela. I ka manawa hoi o Frear i noho kiaaina ae nei,' ua waiho aku oia i keia ninau imua o Loio Kuhina Hemenway, a mamuli o kona hoike ana ae i kona manao, aole he kupono o ka auhau ana aku i ke Kanikela, nolaila, ua lawe ae ke aupuni i ka manao kanawai o ka Loio Kuhina, a holke aku i ke Kanikela, ua hookuula oia mai na auhau ae apau a ke aupuni e kau aku ana maluna ona. Mamuli nae o ka ikeia ana ae la o ka loli ana o na mea i paa i ke au e noho hooponopono aupuni ana o Carter ma o keia ninau la, ke manao nei o Kokua Kiaaina Mott-Smith, e hoea hou mai ana kekahi mau ninau lehulehu iloko o ke keena o ka Loio Kuliina, ma kela mua iho. •