Ka Nupepa Kuokoa, Volume XLIII, Number 1, 3 January 1908 — NA KAMEHAMEHA MA KAWAIAHAO Loheia Kekahi Mau Himeni Mai na Keiki Mai o na Kula Kamehameha. [ARTICLE]

NA KAMEHAMEHA MA KAWAIAHAO

Loheia Kekahi Mau Himeni Mai na Keiki Mai o na Kula Kamehameha.

Ma ka po o ke Sabati i hala aku la} i hoopiha ia ae ai ka Luakini o Kawaiahao e na kanaka o ke kulanakauhaie nei, mai na haole a na kanaka Hawaii, no ke ake e lohe i na himeni mai ke Kula mai o Kamehameha o na keikikane ame na kaikamahina i huiia. Ua hui pu mai ko Kaumakapill poe maloko o keia anaina, a ua piha hoi oloko o ke keena nui olalo, ame luna o ka aleo i na kanaka. Ua hoopiha/ pu ia no hoi oluna o ka papa himeni i na keikikane o ke Kula/a pela no hoi me kahi ha'iolelo i 0 ke kahunapule ma ka awdi i na kal- j kamahine, a ke nana aku ia lakou, iloko o ko lakou mau lole keokeo, ua kohu Anela no ka malamalama ko lakou ano. Na ka Pereaidena o ke kula, Mr. Horne i hooliuna mua mai i na hana o la po, me na olelo hoakaka no ke kumu i hoakoakoaia mai ai na keiki o ke Kuia Kamehameha maloko o Kawaiahao, oia hoi no ka himeni ana i kekahl mau meie I hoomakaukauia e pili ana no ka Mesia, ke Keiki a ke 1 Akua. [ Nana i heluheiu mal i kekahi mau I pauku maloko o ka Palapala Hemolele e plll ana i ka hanauia ana o ka Mesia, alaila ua mele mai la na keiki i kekahi himeni I pili i ko lesu hanauia ana, a me he mea la o keia paha ka makamua loa o na himeni 0 keia ano i meleia maloko o na luakini, ka nani, ka maikai, ame ke kupono i ka pepeiao o ka poe hoolohe ke hoolohe aku. Ua kokoke paha e piha ka elua haneri, a l ole ua oi aku no paha ka nui o na keiki na lakou e mele ana i ua himeni la, eia nae e lohe maopopo loa ia ana kela ame keia leo, "a e hookoia ana na ano apau o ka himeni 1 makemakeia ai pela e mele ia mai ai, e like hoi me ka pana ana a ke kumu himeni i kana laau. O kekahi o na mea i hiaalaai loaia ma kela po, a iioko hoi o keia maū himeni ana, oia no ke ku pakahi ana mai o kekahi wahine haole a himeni. E pii ana kona leo iiuna a e iho ana ilalo, a e hoanuunuu ana hoi e like me ke ano o ka huamele, a he ku i ka nani ke hoolohe aku i kana mele ana, oiai he kakaikahi loa paha ka poe e hiki ke himeni i na mele o keia ano, akā nae ua holopono kana himeni ana. ■ He wahine haole okoa iho kekahi, ma ka hookani jvaioiina hoi kona, a he keu ke kapalili o kona mau manamanaiima me ka nanahe pu no hoi 0 kana leo ana i na kaula o kana pila, a ma ka hoopokole ana ae i ka olelo ana, ua nani na mea apau i hoikeia mai imua o kela anaina ma keia po, 1 oi aku imua o kekahi mau mele maloko o na halekeaka e hanaia mai noi. _ A _