Ka Nupepa Kuokoa, Volume XLIII, Number 28, 10 July 1908 — HE MAU HEIHEI WAA MA WAIKIKI. [ARTICLE]

HE MAU HEIHEI WAA MA WAIKIKI.

No ke ake nui no o ko Honolulu nei poe e haawi aku i na keiki o ke aumokulenua e ku mai ai iloko o keia pule ae i na lealea maa i ka hanaia ma Hawaii nei, nolaila e malamaia aku ana he mau heihei waa, he mau heihoi heenalu a pakaka nalu ma Waikiki ma ka la 19 ae nei o lulai. O ka hui heihei waa Kamehameha kekahi e hookomo mai ana i kona mau waa ma na lealea o ia la, a o na mea e hoolalaia nei e malama i umi-kuma-mahiku mau heihei ma ia la. He mau heihei waa o eono hoe, elia, ame ekolu hoe ke holo ana ma ia la me ka hawiia ana he mau makana ma ke dala maoli ma ia mau heihei apau. He mau heihei waa pe'a no kekahi e like me ka heihei ana i ka wa o na malihini makaikai o Los Angeles i kipa mai ai ma Hawaii nei. E liookuku ana no hoi ka poe heenalu, a e liaawi ia ana he kiaha makanā, i ke kaikamaliine e ku loihi ana iluna o kona papa heenalu. Ua hoolalaia ae ke komo ana mai o na wahine haole e heihei hoe waa pu me na wahine Hawaii, a pela no me ka heihei*waa pe'a. Ma keia Poakahi iho e hoounaia aku ai he lono kelekalapa uwea ole i ke aumokukaua e holo mai nei ina paha v o ko lakou mau keiki kekahi i makemake e komo mai iloko o keia mau heihei e hoolalaia nei. O ka inea i manaoia, ina e loaa mai ana ke aponoia no ke komo ana mai o ua mau keiki aukai la, alaila e kau ana lakou maluna o na waa eono hoe ! a alualu i ka makana e manaoia nei e haawi aku, oia hoi he hookahi haneri dala ka nui. | Ke makemake nei ka poe na lakou 1 e hoala nei i keia hana e ike mai na malihini kipa i kekahi mea a lakou e hoopoina ole ai jloko aku o ke koena I o ko lakou mau la o ke ola ana.