Ka Nupepa Kuokoa, Volume XLIII, Number 29, 17 July 1908 — HE HOOMAIKAI. [ARTICLE]

HE HOOMAIKAI.

Ta Hon. James A. Kennedy, Pereaiileua o ka Hui Mokuahi Holo Pili Aina o ke Teritore o Hawaii, Honolulu T. 11. Me ka mahalo nui:—O makou o na hoapaahana o ka Ahahui Euanelio o ke Teritore o Hawaii i malama ia ma Haili, Hilo i ka malama o luna, 1908, mai Hawaii Komohana mai; A oiai hoi o makou kekahi i Ae ia mai e kou hanohano e hapa na lilo ana o ka uku moku maluna o Mauna Loa ame Mnuna Kea mai Kailua a Hilo a hiki hou i Kailua. A ma o ko makou Komite la, ke haawi aku nei makou i na hoomaikai ame ka mahalo piha i ka Peresidena a i ka Hui Mokuahi Holo Pili Aina o ke Teritore o Hawaii nei, no keia maka* na aloha ia mai no makou. O ka makou noi i ka Makua Lani e hoonui ia na pono ame na pomaikai maluna o keia Hui Mokuahi, a e hoomau ia hoi ka mohala ana o ka puuwai no na haipnle o ke Akua, a e kokoa kekahi i kekahi me ke aloha. O makou iho no me ka haahaa, Komite:—Mrs. D. Alawa, Mrs. G. Kipapa, Mrs. A. Kilinahe, David Alawa, Joseph W. K. Leleiwi, D. M. Kilinahe, J. H. Kiaha. ' Haili, Hilo, lulai 8, 1908.