Ka Nupepa Kuokoa, Volume XLIII, Number 39, 25 September 1908 — PAA NA KAMALII LULU I NA MAKAI ME KA UPENA [ARTICLE]

PAA NA KAMALII LULU I NA MAKAI ME KA UPENA

j O kekahi o na hana akamai a na makai i imi ai i wahi no na kamalii lulu e paa ai i ka hopuia, oia no ka hoopuni ana i kahi i manaoia malaila na kamalii piliwaiwai e holo aku ai i k?i wa e haawiia ai o ka hoailona no ka hoea ana mai o na makai, a he oiaio nae, ua holopono na mea i hoolalaia, a paa ana he iwakalua mau keiki i ka hopuia, a lawe ia ae i ka halewai ma ka la Sabati nei. Ua ike mau ia ka momoku o na kamalii no ke kaliawai o Waikahalulu i kela ame keia la Sabati, ua pii aku kekahi poe ilaila no ka auau ana, a no ka lulu ana kekahi, nolaila ma o ka loaa ana o na hoohuoi i na ma- , kai no kela poe keiki, ua hele e aku la o Makaikiu Kalakiela ame kekahi poe makaikiu a pee ma kahi kokoke i ke kahawai o Waikahalulu, ma ka hora eha o ka wanaao o ka la Sabati a pee ma kahi wahi kokoke i kahi i manaoia, he wahi ia e hanaia ai o ka piliwaiwai. Mai ia manawa mai ka noho hakilo ana o na makai a hiki i ka hora umi o ia kakahiaka, akahi no na kamalii a hoea ae i kela wahi, a o ka nui o kela kāmalii aia no ia ma kahi o ka iwakalua-kumamalima. | Ua hoomanawanui na makai a hiki

i ka hooinaka ana o kela poe keiki e hilu, ua hele aku la lakou e hoopuni i ka upena ma kalii a lakou i manao aku ai o kahi ia a ua poe keiki nei e holo aku ai ina e hoikeia aku ana he hoailona no ka hoea ana mai o ka makai ma kela wahi, a he oiaio, i ka wa i haawiia ai o ka hoailona, o ka wa no ia y holo akil ai 'o ua poe kamalii la me ka puahia nui, ma kela wahi i hoopuniia i ka upena, a i ka ike ana 1 ka o ko lakou alahele no ka palekana, ua hoao mai la lakou e holo no kekahi wahi okoa aku, eia nae e ku aku ana na makai, a o ka paa iho la no ia, he iwakalua poe keiki i hopuia. Aole he mau mea paaliana piliwai* wai i loaa aku i na makai, aka ua manao ia e ku mai ana kekahi o kela poe keiki i mau hoike ma ka aoao o ke aupuni e kanalua oleia ai' ka hoike okoa mai i na mea apau e ahewa ia aku ai ko lakou mau hoa no ka piliwaiwai. BOMA, Sept. 21.—Ma ka la i nehinei ua hookipaia mai e ka Pope Pio he kanahik i mau aliikoa o na mokukiiua Amerika Maine ame Alahama a ua haa. wiia aku he mau medala hoohauohano* ia lakoo. *