Ka Nupepa Kuokoa, Volume XLIII, Number 46, 13 November 1908 — AIHUEIA KA LAAU LAPAAU [ARTICLE]

AIHUEIA KA LAAU LAPAAU

I Ma ke kakahiaka o ka la Sat>ati nei i hoikeia ae ai ka lohe i ka oihana makai e Mrs. Atcherley no ke komo aihueia ana o ka hale haawi laau o Kauka Atcherley e ku nei ma ke Alanui Ema ma ka po aku mamua, a lilo aku ikekahi hapa o na laau e lapaauia nei na ma'i o Kalihi. Wahi ana, 'aia ma kahi o ka elna hapakolu o ka laau iloko o kekahi omole i laweia, a ua hoohuoi no oia i ka iiiea nana kela hana, aka nae aole oia i makemake e hoike ae ia mea, aka na ka makai ia e noii aku a hiki i ka loaa ana o ke kolohe. E like me ka hoike a Mrs. Atcherley, e lilo ana no i mea hoopilikia aku i ka mea e hoohana ana i kela laau, ina e hemahema ana kana hoohana ana, oiai aia no a kulike loa ka hoohanaia«ana o ka laau e like me na kuhikuhi alaila pono, a i hana wale aku no mawaho ae o ia mau kuhikuhi ana, e lilo auanei i mea hoopoino mai iaia.