Ka Nupepa Kuokoa, Volume XLIII, Number 46, 13 November 1908 — NUI NA MOHO E ALUALU I KE KULANA LUNAKANAWAI KAAPUNI. [ARTICLE]

NUI NA MOHO E ALUALU I KE KULANA LUNAKANAWAI KAAPUNI.

Ma ka malama o Dekcmaba e hiki mai ana e pau ai ka manawa o ka hookohu o kekahi mau Lunakanawai Kaapuni ekolu, oia ka Lunakanawai ITardy o Kauai,, Lunakanawai Matthewman o Hawaii Komoliana ame Lunakanawai Parson o Kilo. Aohe mau inoa i hooiaia aku nei imua o ka Peresidena peljt ka ke Kiaaina hoike ma ka ka pule aku nei i hala no na inoa kupono e hoopiha mai ai i kela mau hakahaka mahope iho o ka pau ana o ko lakou manawa. He nui na palapala noi. no ka hookohuia aku ma ia mau makalua, a nolaila he hana nui ole no ia, walii a Kiaaina Frear ma ka huli hou ana aku i. mnu kanaka ma ia mau hakahaka. Ma ka hoomaopopo aku i ko ke Kiaaina manawa e holo aku ai i Wakine* kona e loaa ana iaia na kuka maikai ana me Peresidena Rusawela no na kanaka e hoonohoia ae ana ma ia mau makalua, ke holo aku oia i ka la 14 o keia mahina. E haalele iho ana ia nei o Kiaaina Frear ame Mr. ame Mrs. Newell ame ka Elele Kuhio no Wakinekona, ina aole ma ka moku lawekoa Crook alaila maluna aku ana o ka Mongolia, oiai e ku mai ana ka Mongolia ia nei ma ka la 14 o keia mahina. Ma ka hauwawa pipa alanui he mau kanaka Hawaii kekahi ,i waiho ae i ka lakou mau palapala noi no keia ku►ana.