Ka Nupepa Kuokoa, Volume XLVI, Number 5, 29 January 1909 — PAU O LUNAKANAWAI KEPOIKAI Hookohui o Lunakanawai Kinsberry i Lunakanawai Kaapuni no Maui. [ARTICLE]

PAU O LUNAKANAWAI KEPOIKAI

Hookohui o Lunakanawai Kinsberry i Lunakanawai Kaapuni no Maui.

Ma ka Poalima i hala aku nei i hoea mai ai ka lono kelekalapa i Honolulu nei mai "Wakinekona- mai e hoike mai ana i ka hookohuia ana mai o Lunakanawai S. B. Kingsbury i Lunakanawai Kaapuni no Maui ma kahi o Lunakanawai Kepoikai i pau. Ua hoike ae o Kiaaina Frear ma ia Poalima, i ka hoouna ana mai o Kepoikai i kana palapala waiho oihana iaia, aka aole nae oia i makemake e kamailio no na mea e pili ana ia Kepoikai a i ole ia no na mea paha e pili ana i ka mana ma Wakinekona, ana, he mea oia e ku ana mawaena o na aoao a elua. Ua hooko aku o Lunakanawai Kepoikai i kela waiho ana ona i kona kulana e like me ke noi a ka Loio Kuhina Bonepate iaia e like me ia i hoikeia aku ai maloko o keia pepa i ka pule i hala. I ka wa i hoea mai ai ka lono no ka hookohuia ana mai o Kingsbury no kela kulana, ua nui kona mau hoaloha i hele aku e haawi i na hoomaikai ana iaia ma kela la, a i mea e hoohihia ole mai ai kekahi hana i kekahi, ua waiho mai o Kingsbury i kana palapala haalele oihana imua o Lunakanawai Dole no ke kulana Komisina ana e paa ana mamua o kona hoonohoia ana mai ma ke kulana' okoa. Ma ka Poakahi nei, i loaa hou mai ,ai ka lorio mai Wakinekona mai, e hoAia mai ana i ke apono ana o ka Aha Senate no ka lilo ana o Kingsbury i Lunakanawai Kaapuni no Maui. Ua haalele koke mai oia ia Honolulu nei no kahi o kana hana hou, a ua pani ia aku hoi kona hakahaka iloko o ka Aha Amerika e Lunakanawai George A. Davis.