Ka Nupepa Kuokoa, Volume XLVI, Number 6, 5 February 1909 — HE WAIMAKA NO KUU PAPA. [ARTICLE]

HE WAIMAKA NO KUU PAPA.

E ka Lnnahooponopono o ke Kuokoa, Aloha oe: —E oluoln hoi oe e hookomo iho i ka'u ukana kaumaha ma kahi kaawale o kau nupepa, i ike mai ai na, kini m.nkamaka o kuu aina hanau i kun papa aloha Kenala. Ua haalele mai kuu papa i keia ola ana i kn la 14 o īanuari, 1909, ma ka honie Leahi a lioihoi ia mai kona kin« puanuanu ma ka hale hana pahu o Mr. Williain. Poaiima, ua malamaia kona hoolewa e Rev. rarker. Ua mare hou oia i& Mrs. Keala Hoomanawanui a hiki i kona hala ana aku. He papa hoom«inao i ke Akua, he haipule, lie hoahanau oia no Kawaiahao aole oia i ku-e me kona poe hoaloha aole hoi me kani, wahine aole hoi me kana mau keiki, aole hoi me kona mau kaikoeke, aole hoi me kona poe makuahonowai, aola me na poe apau. Ua noho oia me ka puuwai hamama i na poe apau, aloha o Kapalamakai i ka wela o ka la e hao iho ana maluna. He mau keiki he nui ua pau aku i ka make a koe ekolu, he puhiko kana hana ma ka hui mahiko o Hamoa me kona - hoahanau Mr. Manale. .Haalele aku oia i ka aina hele mai oia i Honolulu nei a hana ma Ulakohe® Kahiko a hiki i ka hoi ana i Kakaaka. Eiwa makahiki kona hana ana malaila haalele aku oia no ka nawaliwali o kona kino. Hana ma ka nwapo no kekahi mau makaīiiki i kona haalele ana ia makou ine ka hui Aloha Lahui o Lahaina a wailio kona kino i ka ilina o Pauoa. Ua hanauia kuu papa Kenala ma Kawau ma Olowalu, Lanaina, Maui mai ka puhaka mai o Naanoano w aine Kawau lea la 27 o Mei, 1862, x ua piha iaia na makahiki he 47 a oi © keia ola honua ana, ua haalele ih» oia i kona one hanau i kona mau la opiopio a hele ma Hana, Maui a mare i ko'u niakuahine lianauna, Kahololia Holani, mai ia laua mai he mau keiki a make ia mama mare hou aku oia. O kuu papa o ka aina malihini, hookahi inakamaka o ka lima, auwe kuo. aloha pau ole i kuu papa aloha o Pauoa i ka wela a ka la i ka hele ia i ka la me ka makani, keu no e waiho ana. ke kino o kuu papa i ka aina hanan eia ka i ka aina malihini. Me keia mau kanaenae aloha i kun papa, na ke Akua e malamā i ka uhane ana i hana mai ai a e hoi ke kino i ka lepo ma ka Inoa o ka Makua, ke Keiki. aine ka Uhane Hemolele Amene. O makou i hooneleia i ka makua, ka makuahine i hooneleia i ke kane. J«hn Kenala Paulō, Kawekiu Kenala Paulo, Mrs. Keala Kenala Paal% ame Miss Emilia Kenala Paulo. Kalihi, lanuari 28, 1909.