Ka Nupepa Kuokoa, Volume XLVI, Number 25, 18 June 1909 — HOOLE I KONA HOAO ANA E LAWE I KONA OLA. [ARTICLE]

HOOLE I KONA HOAO ANA E LAWE I KONA OLA.

Ma ka pule i hala ua hoopukaia aku kekahi meahou e pili ana 1 ka hoao ana o Chang Kim, ka Pake maheleolelo o ka Aha Kaapuni Ekahi i hoopauia, e lawe i kona ola ma ke oki ana iaia iho me ka pahi umiumi. Ua hoihoiia mai oia i Honolulu nei me kela moku o kona kaniai mai Kailua mai ma ka pule i hala, a i kona wa i lohe ai i na kamailio no kona hoao ana e lawe i kona ola ua hoole ae oia i ka oiaio o ia moolelo. He moolelo okoa loa kana o ka hoakaka ana ae. Ma kana olelo ua loaa kela moku iaia mamuli o kona hoaoia ana e pepehi a make e kekahi kanaka i maopopo ole iaia i ka wa poeleele. Oiai oia ma Kailua, a ma ka hoomolehulehu ana iho o kekahi ahiahi, ua hahauia mai oia mahope e kekahi mea ana i maopopo ole. Ua waiho a make oia mamuli o kona hahauia ana ma ke poo, a i kona wa i loaa mai ai i kona mau hoaloha mamua iho o ko lakou pukapa kahi ana i hahauia ai, e kahe ana kona koko mai na wahi lehuLehu aku ona i mokumoku ai. Ua laweia kana uwaki pakeke, ke komolima ame ka buke pakeke, a he hoike maopopo loa ia ua powa maoli io ia no oia. Ua oluolu loa oia i keia manawa a e hoomaka aku ana oia i ka lawelawe ana i kana mau hana i kekahi o keia mau la iho.