Ka Nupepa Kuokoa, Volume XLVI, Number 26, 25 June 1909 — LELE MAI KA LANAI MAI. [ARTICLE]

LELE MAI KA LANAI MAI.

BERKLEY, lune 11. —Oiai no e hiamoe ana aia no nae iloko ona ka noonoo no ka lele ana iloko o ke kai, e like no me kana i hana ai i ke ao ae ma Santa Cruz. Ma ka hora ekahi o keia wanaao, na lele aleu la o Francis R. Steel, ka lunahooponopono i kolioia iho nei o ka buke Oeeident MagazLne o ke Kula Nui 0 Kaleponi, a o kekahi hoi o na haumana maikai loa o kela kula, mai ka lanai aku o kona home he iwakalua-ku-mamalima kapuai ke kiekie mai ka ili'honua ae. O ka poino i ioaa mamua o kela lele ana o ia ka hakihaki ana o leona mau niho, maui kekahi opuupuu wawae ame ka lima ame kekahi mau eha kukonukonu e ae ma kona poo, na maka ame na poohiwi. Oiai keia Steel iloko o he haumana hoi iloko o ka papa a'o enekinia, lie haumana puni nui loa ia i ka auau, a ua kaulana kona akamai ma ka au, a he nui na manawa i hoikeikeia ai kona aleamai ma lia au ana ka lele ka luu a pela aku. laia e hiamoe ana aia «no iloko ona ka noonoo nui no ka auau, a me he mea la iloko o, kana hihio e auau ana oia i kela manawa. Ala ae la oia mai kona moe ae mawaho o ka lanai a hele aku la ma ke kae o ka lanai. Na kona wahi'kaikuahine uuku e moe ana ma kahi kokoke iaia. i ike i kela hele ana ona a lele. E like no hoi me ka hana i ka wa e lele ai o ka paa i na lima maluna o kona poo pela no oia i hana ai a lele aku la ilalo i ka h.onua, a he kai nae ia i kana ike ia manawa. No ka maka'u o kahi kaikuahine uuku i ke ano o kana hana ua liiki ole iaia ke uwa, a i kona wa i lele ai akahi no oia a uwa, a mamuli o kana uwa ana i ala mai ai na poe e ae iloko o ka hal^ Ia Steel i loaa aku ai i ka ohana, aohe ona ike ae. I kela wa ana i lele ai ua pa oia i ka uwea e hihipea ana mamua o ka hale malalo iho o ka lanai, a me he mea la oia kekahi mea nana 1 keakea mai i kona make ina ua waawaa ke poo. Ua kahea kokeia "ke kauka a nana i lapaau ka mea pono. Ma kana nana ana ua hakahaki kekahi mau niho, ua maui na opuupuu wawae ame ka lima me ke anuu o ke kua a e liala ana he mau pule iaia i kahi moe mamua o ka ola ana.