Ka Nupepa Kuokoa, Volume XLVI, Number 26, 25 June 1909 — KOMO O CHAS. KAHEE I KA POINO Hopuia Oia Malalo o ke Kanawai Edmunds. [ARTICLE]

KOMO O CHAS. KAHEE I KA POINO

Hopuia Oia Malalo o ke Kanawai Edmunds.

Mamuli o ke aliewaia ana o Chas. Kahee, kekahi o na Lunakiai o ke Kalana o Kauai e ke Kiure Nui o ka Aha Amerika ma ka lakou hoike ma ka Poakahi 'nei, i hoopukaia ae ai he palapala hopu nona e ka Ilamuku Ameī'ika no ke ku-e ana i ke Kanawai Edmunds. No hookahi pule ae nei a oi ka hoohala ana o na hoike i kauohaia aku e na luna aupuni Amerika ma Honolulu nei, no na mea e pili ana i kona. hihia, a o ka hopena nae i ikeia o ia ka hoounaia ana aku o ka Hope Ilamuku Amerika Bruns no Kauai no ka hopu ana i ka Lunakiai. Ma na mea i loheia ae, ua lehulehu wale na manawa i hoike aku ai na hoaloha o Mr. Kahee e hookaawale loa oia iaia iho mai kona hokai wale ana aku me ka wahine a kekahi kanaka okoa aku, eia nae aole ona hoolohe mai a liiki i ka waiho okoaia ana mai o. ka hoopii imua o ka Ilamuku Amerika. Imua o ka Aha Amerika ma ka Poakohī nei i hoole ae ai o Mr. Kahee i ka pili ole ana <* ka hewa iaia, a kauia aku he elima haneri dala kona bona, me ke-kali ana a hiki i ke kahea' houia ana o kona hihia. Ma ka manawa e noho ana ke Kiure Nui e ninaninau i na mea e pili ana i keia liihia f o kana keiki ponoi, Joe Kaheo kekahi i kauohaia aku e ke aupuni i hoike e ku-e ana i kona makuakane, a wahi a kela keiki ua ku maoli ka hana a kona makua i ka hookiekie, me ka hoolohe ole mai i na mea kupono e a'oia aku ana no kona pono. O ka pau nui ana aku nei no ia o na hoike o kela hihia i ka hoi no ko lakou wahi ma ka Poalua nei, a ina no ka hoea hou mai o kela hihia no ka hookolokoloia, me he mea la e hoea liou mai ana lakou no Honolulu nei.