Ka Nupepa Kuokoa, Volume XLVI, Number 27, 2 July 1909 — AA O JACK JOHNSON E HAKAKA ME JEFFERIES. [ARTICLE]

AA O JACK JOHNSON E HAKAKA ME JEFFERIES.

BOSTON, June 12. —Eia i Bosetona ael ka molio kuikui puupuu Paele kaulana o ke ao nei Jack Johnson i keia manawa, a ma ka po nei i kamailio ao ai oia i keia mau olelo malalo nei: i "Ua hoikeia mai ia'u mai kela ame keia wahi mai ke kala hele nei o Jefferies imua no kona makemake e halawai me a'u. Ua makaukau mau au e hakaka me ia ma na pule apau o ka makahiki, ina e loaa mai ana iaia ka I uku maikai no ko'u luhi. Aole o'u ke'ake'a aku i na kanaka apau e makemake mai ana e hookuku me a'u. Ua makaukau au e hakaka me Jefferies, Ketchel, Kaufman, Hart a i ole ia me kekahi kanaka e ae paha e makemako mai ana e hakaka me a'u. "Ina ke huli nei o Jefferiles i hoapaio nona, no keaha kona mea i hele ole mai ai a kamailio mai pela? Ua makemake au iaia e hele mai imua me he kanaka makua la a hooholo i ka la e hookoia ai ia hana. E haalele ana au i ko'u nana ana i na kanaka apau ina oia e ae mai ana e kakauinoa i ka aelike no ka hakaka ana me a'u, no ka mea, ke ake nei au e hui koke me Jefferies a oia wale no ka hana maopopo loa e hooiaioia ai owau ka moh» kuikui pnupuu oiaio o ke ao." ♦ - Kookahi koa i make a eha i hoehaia j mamuli o ka hoohaunaele kipi ana o na makai Pilipine ma ka mokupuni o Mindanao.