Ka Nupepa Kuokoa, Volume XLVI, Number 27, 2 July 1909 — KOHOIA I LUNAPAAHAO KALANA Lilo ke Ki o ke Keena o Uwahipouli ia Julius Asch—Geo. Kaia Kona Hope. [ARTICLE]

KOHOIA I LUNAPAAHAO KALANA

Lilo ke Ki o ke Keena o Uwahipouli ia Julius Asch—Geo. Kaia Kona Hope.

I kulike ai me ke kunawai hou a ka Ahaolelo o ka hooliolo ana iho nei, e lioihoi ana i na halepaahao malalo o na Kalana, a pela pu hoi ka liaawiia ana ku o ka mana hookoliu i na lunapaahao e na Makai Nui, nolaila ua hookohu ae o Makai Nui Jarrett ia J. Asch i lunapaahao a ia George Kaia i hope lunapaahao no ka halepaahao o ke Kulanakauhale aiue Kalana o Honolulu. 0 Mr. Asch ka mea i noho kakauolelo iho nei no ke keena o ka Makai Nui, a oia hoi kekahi mea i noho hana loihi me ka hui kaa uwila ma ke ano he mea kia kaa, mamua ae o kona lilo ana mai i kakauolelo. No George Kaia hoi, oia kekahi kanaka i kamaaina i leo ke kulanakauhale nei poe, a iloko o ke keena pa'i nupepa o ka Hawaiian Gazett.e oia kahi i noh o hana ai a hiki walo i ka loaa ana aku la o kela kulana hou iaia. Ua olelo ae o Makai Nui Jarrett, ua loaa aku kela mau kulana i kela mau keonimana mamuli o ka ikeia o ko laua kupono maoli. 1 ka manawa i kani ae ai o ka hora umi-kumamalua o ka po Poakolu a ao ae i nehinei, ka hoomaka ana hoi o ka la 1 o keia mahina, i haawi ae ai o WiHiam'Henry, ka Makai Kiekie o ko Teritore. i ke ki o ka Halepaahao o UwahipouTi i ka lunapaahao hope, a kaa āku la ka mana ame na hoohana ana malalo o ka lunapaahao hou. Malaila pu kona hope George Kaia i kela manawa, a oiai aole he maii hana ano nui ma kela haawiia ana ae o ke ki, nolaila ma ka aoao o ka Lunapaahao mua, ua haawi aku oia i na mea ,apau o ka halepaahao malalo o ka malu o kona pani, i kulike ai me lee kanawai x hooholoia ai e ka Ahaolelo i hala aku la. Ua hookohu pu ae ka Makai Nui Jarrett he elua mau wiliki o ia o Hugo Kanae ame Eobere Levy, a mawaho ae o laua he eono mau makai no lakou na inoa o Elona Alapai, James Tripp, Manuel de Abrea, R. A. Heffernan, J. Kipapa āme J. K. Luka. Ma ke kakahiaka o nehinei i hoomaka aku ai na makai i ke ku kiai ana e like me ka hana i hookauia aku maluna o lakou. No na apana o na kuaaina aku nei, ua hookohu aku ka Makai Nui he mau lunapaahao hou, a he elua wale no o na hmapaaliao kahiko ana o ka hookohu hou ana aku la.