Ka Nupepa Kuokoa, Volume XLVI, Number 28, 9 July 1909 — HAULE MAILUNA MAI O KONA LIO [ARTICLE]

HAULE MAILUNA MAI O KONA LIO

No ka manaoia_ua loaa aku ka eha kukonukonn ia Bufalo Kahikina mamuli o ka haule ana mai ka lio mai ma ka Poaono i hala i*hoounaia aku ai ke kaa makai "no ke kii ana iaia e hoilioi no ka Halema'i Moiwahine eia nae ua hookahaha loa ia mai ka makai i ka noke ana ae o Kahikina i ka himeni inaluna o ke kaa, oiai e laweia a«a oiu no ka halema'i. Ma ka oleloia, ua kahiohio o Bufalo Kahikina ma kela la, no ka manao paha aole e loaa hou ana ka wai ma ko la ,Babati mamuli o ka hookapu loa ia ana o na whhi apau aole e kuai waiona ma ka la Sabati. Me ia kahiohio oia i kau ae ai maliina o knna lio a holo no Kewalo, kona wahi e noho nei. I kona kaa pono ana aku mawaho o kahi nui o ka hi-o ua hoomaka aku la oia e holo i . kona lio, a oiai ua papalua kona kino, nolaila o kona haule.akū la no ia mailuna mai o ka lio a waiho ana me ka oni ole. Ua ikeia mai kela pilikia e kekahi poe, a na lakou i hoike mai i ka lohe i ka halewai no ka hoouna ana aku i ke kaa makai. Ia hoea io ana aku o ke kaa ua ikeia ke kulana' pilikia o Kahikina me ka manao loaia no e komo koke ana oia i kela ao ma o, eia nae, oiai ke kaa e holo ana me ka puahia nui no kona hoea koke aku\ i ka lialewai, ua noka ae la oia i ka himeni,.ka mea nana i hookahaha loa aku i ka poe na lakou e lawe«ana iaia.