Ka Nupepa Kuokoa, Volume XLVI, Number 28, 9 July 1909 — KAAWE HE HAOLE IAIA IHO A MAKE [ARTICLE]

KAAWE HE HAOLE IAIA IHO A MAKE

Mamuli paha o ka nui uluhua maoli i ka noho mau o ka ma'i iaia ua lawe maoli ae he haole nona ka inoa o Keoki Tietzen i kona ola mamuli o kona kaawe ana iaia iho ma ka auwina la 0 ka Poaono i hala. Ua ikeia -kela haole ma ke ano he bakipa noloko o ka hale inurama Germania ma Kakaako no kekahi manawa ae nei i hala, a aole nae he mea 1 maopopo i ke kumu o kona makemake _ ana e make. Aole he ohana o kela haole i hoomaopopoia, a he uuku no hoi na mea i hoomaopopoia no kona ano maoli. „ 0 ke ano o kona kaawe ana iaia iho, o ia no kona hoopaa ana i ka piko o kekahi kaula i ka paia, he mau kapuai ke kiekie maluna ae o koiia poo, a nakiikii i kekahi piko i kona a-i a ma kela manawa ana i hina aku ai iwaho i nana ai kona a-i a hiki i kona make ana. 1 ka wa i ikeia ai ka make anaeo - kela haole maloko o kona rumi e kokoke ;la i ka hale liana bia ua kelepoua kokeia,.mai la i ka halewai, a i ka hoea ana aku o ka makai e waiho mai ana oia maluna o kona moe ua make; me he mea la he minuke manina ae o kona hoea ana aku iiaila.