Ka Nupepa Kuokoa, Volume XLVI, Number 28, 9 July 1909 — KA HUAKAI A NA KEIKI O ST. LOUIS. [ARTICLE]

KA HUAKAI A NA KEIKI O ST. LOUIS.

j O na keiki kinipopo o St. Louis i holo ai no Maui ua hoi nui mai ke'kahi poe mai o ka Mauna Kea | a o kekahi hapa maluna mai o ka Mokolii ma ke kakahiaka Poalua nei. Nui ko lakou hauoli wahi. a lakou, a m& ka lakou olelo ina he makemake ko kekahi e loaa iaia ka inanawa hauoli he mea pono iaia e holo i Maui aole i Hilo ma na Po Kiulai. Ma ke kakahiaka Poaono i ku ak* āi-ka Hui Kinipopo St. Louis i Kahului maluna o ke Claudine, a hookipaia aku la e ka Lunahoohana Nur o ka Hui Kinipopo "Ka Breakers," ka Hui Kinipopo o Kah\ilui. Ua haawiia mai he hale kaawale no lakou a ua pulamaia lakou me he mau alii nui la mai ka minuke aku a lakou i hiki aku ai a hiki i ko lakou haalele ana aku. •Ma ke kakjihiaka nui ua hoohala lakou ia manawa ma ka hele ana e ike i na makamaka a ma ka hele āna e makaikai ma na wahi like ole, a i ke awakea ana ae, na hele aku la lakou i ke kahua kinipopo o Kahului a hoomaka iho la lakou e ulele me na keiki o Kahuli. Na Barney Joy i no» kā popo i ke komo Aiua-ana a mahope ua laweia kona wahi e Johnnv Williams. Nui ka poe i akoakoa ae ma kela wahi i kela la. E noke mau ana na kamaaina o Maui i ka paipai i ka hui a na malihini e like no me ko lakou Hui iho. Kaa ia 'St. Louis ke eo 10 ia 3. I leekahi la ae ua pii lakou i Wailuku a hāule hou no kamaaina ia la•kou 4. ia 1. Ua piha ke kahua kinip.opo o Wailuku i kela la e like no me ko ka la mamua ilio ma Kahului. O ka mea i hooponopono muaia e ko Maui liui kinipopo e lilo i ko Honolulu nei Hui na loaa apau o ka pukapa. O na loaa apau lie $400 nolaila, ua loaa i ka Hui kekahi wahi puudala hua. Nui ka mahalo o ka Hui St. Louis ia Monte Castle no kana hooponopono ana a hiki i ka loaa ana o kela huina dala. Mamuli o'ka lawelaweia ana o na hana apau me ka maikai ua mahalo nuiia ka paani ana me ka loaa ole o-na hoohalahala. Ma ke kakahiaka Sabati i ku aku ai' ka Mokolii a ma ia ahiahi he papaaina nui,ka i paholaia aku i ka pui "Ka Breakiers" e ka St. Louis. Ma ke kaleahiaka Poakahi ae ua haalele aku la ka Mokolii no Molokai me eono mau keiki o ke St. Louis maluna ona. Ia laleou i ku mai ai i Molokai, ua paani kinipopo lakou me kolaila mau laeoo a haule laleou, eo i na kamaainā. O ke koena aku ona kēiki o St. Lo\iis maluna mai lakou o ka Mauna Kea i huli hoi mai ai.