Ka Nupepa Kuokoa, Volume XLVI, Number 31, 30 July 1909 — PAKELE MAI MU-KAIA E KA MANO. [ARTICLE]

PAKELE MAI MU-KAIA E KA MANO.

Maluna o ka Mokuahi Marama o lea hoea ana mai no Honolulu nei iloko o keia mau la iljo nei, i hoea mai ai ka malamamoku ame ke kapena o ka mokukalepa Kaiulani no ka.laua huakai no Amerika, a haalele aku la i ko laua moku i Auekland me lea poino. Ia laua ma Honolulu nei i hoikeia ae ai he moolelo no ka pakele ana o ka malamamoku mai pau i ka mu-kaia e ka mano oiai e hoaoia ana e hana hou i kona hoe lala ma Auclcland. Ua haalele aku ka moku Kaiulani no Nu/Kakela me ka piha lanahu no Honolulu nei, a mamuli nae o ka loaa ana i kekahi ino nui i haki ai kona hoe lala, a me ia ano pilikia oia i hoea aku ai no Auckland. I ka moku e ku ana ilaila, i luu akn ai ka malamamoku e hooponopono i na pilikia o ka hoe, a he mau minuke wale no nae ia ana o ka nalo ana aku iloko o ke kai i kaalo ae ai kekahi mano nui, a no ka piha maka'u loa o ke kapena. oiai no oia e nana aku ana l ka luu ana aku o ka malamamoku, ua kii aku la <ria i kana pu raifela, a ki aku la i ua mano la, a. mamuli o ka pololei o kana ki āna, ua make akn ]a kela mano, a ia aea ana ae o ka malamamoku. ua mihi loa oia i kona laki, mai lilo oia i mea ai na kela mano, a ua hoike ae oia aole loa oia e ae ana ina e kauoha houia e luu iloko o ke kai no kā hooponopono ana i kekahi mau pilikia o ka hoe a mau poino e ae paha o ka moku.