Ka Nupepa Kuokoa, Volume XLVI, Number 34, 20 August 1909 — MAKEMAKEIA E HOOUNA IA SAM JOHNSON I RUSIA. [ARTICLE]

MAKEMAKEIA E HOOUNA IA SAM JOHNSON I RUSIA.

Iloko o keia mau la, ua lilo ka inoa o Sam Johnson ka luna alanui mua o Honolulu nei, i ,mea kamailio nuiia no ka hoounaia aku ma ke ano akena no ka lawe ana mai i kekahi poe Rukini ma ke ano i mau limahana no na mahiko ma Hawaii nei. He nui na kumu o ka manaoia ana 0 ke kanaka kupono ia e hoounaia e ka Papa Hoopae Limahana mai Honolulu aku nei, no ka mea he kupa oia no Busia, he akamai hoi i ka olelo a ke\a lahui, a ua hoomaopopo hoi i ke ano o ka poe kupono e hoouhaia mai ai no na mahiko, i like ole aku me ka poe Molokana o ka haalele ana i kahi i haawiia aku ai no lakou e noho hana ai ma Kapaa, Kauai. TTa haawi muaia ae nae keia kulana e manaoia nei no Bam Johnson ia Atkinson ke kakauolelo o ka Papa Hoo> pae Limahana, aka aole nae oia i haawi mai i kona ae, aka he hookahi mea maopopo loa i ka nana aku e like me ia e loheloheia mai nei, ina aole oia e holo ana ma ke ano akena, alaila e lilo ana ia wahi ia Sam Johnson. Aole i waihoia aku kela manao no ka hoouna ana aku ia Sam Johnspn 1 Euaia iaia, aka aole no nae he kanaluaia no kona apo koke mai i kela liana me ke ohohia, oiai aole paha e nele ana kona hauoii i ka loaa ana o keia manawa maikai loa nona e hehi hou ai i kona aina hanau, a e ike ai hoi i kona lahui ponoi- 1