Ka Nupepa Kuokoa, Volume XLVI, Number 37, 10 September 1909 — KA MANAO O NA HOA O KA AHAOLELO LAHUI NO HAWAII NEI. [ARTICLE]

KA MANAO O NA HOA O KA AHAOLELO LAHUI NO HAWAII NEI.

O na ha'iolelo a na Solona kaukanawai o ka Ahaolelo Lahui o Amerika Huipuia i haawi ae ai ma ka halawai makaainana akea ma ka po o ka Poaono i hala ma Aala Paka, he mau ha'iolelo ia i lohe ai kekahi hapa o na makaainana o keia Teritore i kekahi mau mea e pono ai a e holomua ai o Hawaii nei ma keia mua aku. Oiai e kalele nui ana ka lakou mau ha'iolelo lehulehu maluna o ka hookipa ohaoha a na makaainana o keia Teritore i pahola aku ai imua o lakou, aole no nae i nele ko lakou hoakaka ana mai i kekahi mau mea maopopo loa e hookumuia iloko o kela ame keia makaainana no kā holomua o ka nohona lahui ana ame ka nohona hookele aupuni ana. # O ka holomua o ka hooponopono aupuni ana iloko o kekahi lahui, aia no ia iloko o kona mau oihana mikiala a imi loaa iloko o ka aina, a o ka holomua hoi o ka nohona lahui ana, e hookumu mua ia iloko o ka nohona home ana, a ma ia ano, i lokahi ai na Solona kaukanawai ma ka lakou mau ha'iolelo i kela po, e loaa na aina hookuonoono i na kupa Amenka ma Hawaii nei. Owai hoi ia mea makemake ole e loaa he home nona ma o ka wehe hamamaia ana mai o na aina aupuni no ka hookuonoono ana aku a na makaainana Amenka maanei nei, me na dala uuku kupono e hiki ai i ke kanaka ilihune ke kuai aku i mau eka aina nona, aka ke kanalua loa nei nae ke Kuokoa no ke kulike ana o ka manao o na Solona kankanawai no ke ano e hoohanaia aku ai keia mau aina home hokoounoono, a lilo i mea kokua nui aku i ka holomua o kekahi mau ohana, me ka na kanaka Hawaii e manao nei. O ka iini ame ka makemake iloko o na Hoa o ka Ahaolelo Lahui e like me ka lakou i hoike ae ai ma o ka lakou mau ha'iolelo la, o ia no ka mahi ana aku o kekahi mea i loaa ka aina no ka hookuonoono ana, me ke kukulu ana he home nona ame kona ohana.e pono a e pomaikai ai, a ina pela iho la ke kumu aelike e hiki ai ke loaa mai na aina aupuni no ka hookuonoono ana aku, alaila aia no ke kau mai la he pali nui e j?iki ole ai no ka loaa ana o na home ma ke ano hookuonoono me ka maalahi. Ke hamama nei no ka puka no ka hookuonoono ana i na aina aupuni, a ke hauoli mai nei kekahi poe me ko lakou mau aina, aka no ka poe nae i makee ole ia pono i loaa aku ia lakou, ua kaili hou aku no ke aupuni ia mau aina mai ia lakou aku. Aole i nele ka imi ana mai o Amerika ma o ka Ahaolelo la i kekahi mau alahele no Hawaii nei e pono ai, aka he hookahi no pilikia nui, aia no ma ka aoao o na Hawaii. Oiai nae he mau la lehulehu keia a na Solona kaukanawai e hoohala ai ma Hfawaii nei, a. e hui pu ai me na makaainana o keia Teritore, nolaila e hiki ana ia lakou ke hooiaio iho i ka pololei a pololei ole paha o na mea a lakou o ka lohe mua ana no ke ano o Hawaii nei. ... .