Ka Nupepa Kuokoa, Volume XLVI, Number 37, 10 September 1909 — HOEUEU O BARTHOLDT E KOHO HOUIA O KALANIANAOLE. [ARTICLE]

HOEUEU O BARTHOLDT E KOHO HOUIA O KALANIANAOLE.

Ma ke kelekalapa uweaole i hoouna i a mai i keia kulanakauhale mai Kohala, Hawaii mai, e hoike mai ana ia i ka hoeueu ana o kekahi o na kanaka kaukanawai o ka Ahaolelo Lahui ma kana ha'iolelo i haawi ai ma Kohala, no ke koho hou ana aku i ka Elele Kalanianaoie a puka i keia kau holo baioka ae. Oiai he nui na wawa olelo o kela niau la aku nei no ka manao ana o ka Elele e hoomaha i keia kau ae, me he mea la e uhi puia*ana ia mau olelo ke hoea mai i ka wa e 'uleleia ai na hana ialaiaina. Penei iho ua lono kelekalapa la: , KOHALA, Hawaii, Sept. B.—Ua hoeueu ae ke kanaka o ka Ahaolelo Bartholdt ma kana ha'iolelo i haawi ai mahope iho o ka pau ana o ka paina maloko o ka Hale Hui o Kohala no ka wae hou ana ame, ke koho.hou ,ana aku ia Kuhio a puka, oiai oia owale no ke kanaka maikai e hoouna aku ai i Wakinekona no ka pono o Hawaii nei. O ke kumū o kona lilo ana i kanaka maikai, mamuli no ia o kana maii hana ana, kona ano hoaloha ame kona mahaloia ma ke Kapitala, a he hana kuhihewa ka ae ana aku iaia e hoomaha. Ua loaa i na kanaka o ka Ahaolelo na hookipa ohaoha ana ma Kohala. Ua lawe makaikaiia lakou ma kahi o ka auwai. A ia ke kaa otomobile o Lord e ke ahi, aka he uuku nae ka poino i loaa. E malamaia ana he aha hula ma" keia po.