Ka Nupepa Kuokoa, Volume XLVI, Number 37, 10 September 1909 — NUI KE OHOHIAIA O KE KINIPOPO. [ARTICLE]

NUI KE OHOHIAIA O KE KINIPOPO.

0 ka pule i hala aku la a hiki wale i ka Poakahi nei, kekahi manawa a ko Honolulu nei poe i hoohala nui ai ma ka makaikai ana i na hookuku kinipopo. Ma ka auwina la o ka Poaono, mawahu o ke kahua ma Kamoiliili iia hookuku kinipopo o ia la, a ma ke Sabati mai hoi, malalo o ka pa kinipopo hou ame Aala na lealea o ia la, a ma ka Poakahi ae, mawaho o Kamoiliili ame ka pa kinipopo hou na hookuku o ia la. 0 ka hookuku kinipopo mawaena o na koa Hawaii me ko Waikiki ma ka auwina la o ka Poaono, ua kaa ke eo o ia paani ana i na koa Hawaii, ua ioi nele na koa haole, aka ua loaa pakahi nae ia lakou he mau huakaka ao ka paina ahiahi. Ma ka elua mai o na hookuku ma ia la, ua aha'i o Daimana Hila i ke eo a haule o Kamehameha i muliwaa, he eono aipuni a ke Daimana Hila i- ka ekolu wale no a Kamehameha. "Ma ka auwina la hoi o ke Sabati ae, maloko o ka pa kinipopo hou, ua kaa ke eo o ka hookuku mua mawaena o na hui C. A. C. ame na koa Marina i ke C. A. C., he hookahi aipuni ka oi imua o na Koa Marina, o ia hoi he elima i ka eha na aipuni a

na hui pakahi. | Ma ka lua o ka hookuku mawaena 0 na hui o Kalihi ame ke J. A. C., ua haule ino o Kalihi i ka hui o na Kepani, he elima i ka neo ka hopena o ka mea i ikeia ma ia hookuku ana. Ma keia la i akoaleoa ae ai na Solona ame ko lakou mau ohana no ka makaikai ana i ka paani kinipopo a na hui o Honolulu nei, a ua piha kahaha maoli lakou i ka ike ana i ka nui akamai o na keiki maanei nei, a lakou 1 manao mua ole ai, ua lihi launa aku o Hawaii me Amerika ma kela ano paani. Aole he paani kinipopo 1 malamaia ma Aala Paka oiai o ko Kahauiki wale no ka i hiki ae, a ua kali lakou a hala ka wa pono nolaila hoi okoa me ka manaka i ke kali i kekahi mau kui o lakou. Me he mea la nae o kekahi o na hookuku oi o ka maikai i paaniia e na hui nui o ke kulanakauhale nei,. o ia no ka hookukii ma ka Poakahi nei ma Kamoiliili. Mamuli paha hoi o ka hana ole o kela la, ua nui ka pQe i hele makaikai ae i na hana kinipopo mawaena o na iui Punahou ame Kamehameha, ke St. louis ame Daimana Hila. Ma ka hookuku mua mawaena o Pu nahou ame Kamehameha, ua haule hou no o Kamehameha i ka hope waa, a hapalaia hoi ke- Daimana Hila i ka puna a kpokeo e ke St. Louis.