Ka Nupepa Kuokoa, Volume XLVI, Number 38, 17 September 1909 — KE AUMOKUKAUA O KA PAKIPIKA. [ARTICLE]

KE AUMOKUKAUA O KA PAKIPIKA.

I kulike ai m\ ka lono kelekalapa uweaole i lioea mua mai ai ia Kapena C. P. Rees ō ke Kahua Hoolulu o na moku Amorika maanei, ua hoea io mai la ma ka hora umi-kumamalua ponoi o ka Poalinia i hala na mokukaua ewalu, oia ke Tenesi, ka moku lawehae o Advmarala Sebree, ka West Yirginia, ka Maryland, California, Pennyslvania, South Dakota, Colorado ame ka Washington. E ku liuliu loa iho ana keia mau mokukaua ianei no ka holo makaikai ana ma na kaiaulu o kakou no ka hookamaaina ana i na kanaka o na moku like ole i na awa, na kaikuono, na lae a pela aku, a ma ka la 5 o keia mahina ae e liaalele mai ai' lakou ia Hawaii nei no ka hol 0 loa aku no ka hema. 0 Manila ka pahuhopu o ka huakai a keia mau moku e holo aku ana, a me he mea la mailaila ae e holo ae ai no na wahi e ae. H6 elua mahele o kēia ulumoku, eha ma ka mahele mua, a eha ma ka lua o ka mahele. Ua alakaiia ka mahele mua malalo o Adimarala Sebree a o ka mahele elua malalo 0 Ria Adimarala Barry. 0 ke Tenesi ka moku laWehae o Adimarala Sebree. Ma ka hora ekolu o ka la i ku mai ai o na mokukaua, ua hoomaka koke ka hoopiha ana i ka lanahu, i piha e ai kekahi o na moku i' komo mua mai a hoi aku iwaho o ke awa a i loaa ai i uwapo no na moku e mo-ku ana i ka nuku ke komo mai a pili i ka uwapo no ka hoopiha ana ia lakou me ka lanahu. O na mokukaua i koe iwaho o ke awa o ia ka Maryland, ka Pennsylvania ame ke Colorado. Ma ka liora ekahi o ka auwina la Sabati nei i pau ai ka hoopiha ana a na mokukaua e ae i ka lanahu a koe ka mokukaua West Yirginia, ma ka hora elima o ke ahialii i pau ai kona hoopiha lanahu ana. Aole i pii ke Kiaaina e ike i ka Adimarala a hiki i ka Poakahi liora 2 mamuli o ka holo ana aku nei i Hawaii me 'na hoa kaukanawai o ka Ahaolelo e hoomakaikai ai ia mau mokupuni mawaho, a me 'he mea la .mamuli o keia aumokukaua i hoi koke mai ai ke Kiaaina ame ke Keikialii a haalele aku i na lala o ka Ahaolelo i Maui. He 20,000 kona lanahu i hoomakaukau ia no keia 'ulumoku a mamua o ko lako'u haalele ana mai ia Honolulu nei e hoopiha hou ana lakou i ka lanahu me ka hoolako i na lak 0 mbaai ame na mea kupono e ae no ka holo ana aku no ka hema. Ma ka uwapo ka Bana Hawaii kahi 1 paani ai i ka manawa i komo mai ai o ka ulumoku, e liaawi aku ana i ke aloha i na keiki aukai o ka Pakipika a e hookipa mai hoi ia lakou me ke aloha pumehana. Āohe mau hookipa a mau hoohiwahiwa i haawiia i keia aumoku e like me ko ke aumoku mua loa i hiki mai ai mamuli o ka lilo na luna aupuni o ke Teritore ame ko ke Kalana i ka lawe hoomakaikai i na inalihini o ka Ahaolelo ma na mokupuni. Ua hookuu ia na koa marina e hele e like me ko lakou makemake a e hoohauolji ia lakou iho mg na lealea like ole a lakou e makemake ai. Laukanaka ke kaona nei i keia mau la a laki no hoi na halekuai i na koa marina. Ma ka nei i pii aku ai na Kanikela like ole e ike i ka Adimarala, a oiai e makaukau ana ka Adimaxala e hol o a.e e ik'e i ke Kiaaina ua pokole loa ko lakou manawa i luana kamailio ai me ia maluna o ka moku. Ma ka hora 11 ponoi, ua holo ae ka Adimarala e ike i ke Kiaaina a ua hoo launaia ae lakou imua o ke Kiaaina e Kakauolelo Mcßride e like me na loina o ka ike ana. Aole lakou i liuliu loa malaila. Ua ukaliia o Adimarala Sebree e Ria Adimarala Barry, na alii hukihae ame na ukali o lea Adimarala, Ia lakou ma ka hale Mana Hooko ua.

liookani aku la ka bana Hawaii malalo o ke kuinulaau oliai i kekahi mau leo hoohauoli i na malihini e poina ole ai lakou ia Hawaii. Ma ka hora elua o ia auwina la i panai ae ai ke Kiaaina ine kona mau ukali i ka ike ana i ka Adimarala maluna o ke Tenesi, ka moku lawehae o ka Adimarala, a kiia mai la na pu he umi'kumamahiku no ka hanohano o ke Kiaaina. Ma ke kakahiaka Poakahi nei i emi aku ai kekahi mau moku no waho o ka nuku, a o na moku e ku ana iwaho ua hookomo mai no ka hoopiha lanahu ana a ma ke ahiahi Poalua nei i piha ai ia mau moku i ka lanahu.