Ka Nupepa Kuokoa, Volume XLVI, Number 42, 15 October 1909 — KA BANA PUHIOHE PILIPINO IMUA O KA MOIWAHINE Haawiia he Anaina Puhiohe hoohanohano Nona Ma WaKinekona Hale. [ARTICLE]

KA BANA PUHIOHE PILIPINO IMUA O KA MOIWAHINE

Haawiia he Anaina Puhiohe hoohanohano Nona Ma WaKinekona Hale.

Ma ka hoea ana mai nei a ka Bana Puhiohe Pilipino no Honolulu nei ma ka Poakolu iho la, aole lakou i hoopoina i ka hoomanao ana ae i ka Moiwahine Liliuokalani, no ka mea ua hoea aku lakou imua ona ma ka auwina la o ka Poakolu nei a paani aku i kekahi mau mele no ka'hanohano o ka Moiwahine i pau. Iwaena o na mele a lakou i paani aku ai imua ona, o "Aloha Oe" i haku ponoi ia e ka Moiwahine kekahi o na mele maikai loa i paku'i liouia iho e ua keiki o kela bana kaulana, e like me ka lakou i ike ai he maikai. I ka manawa o ka hoea ana mai o kela bana ma Honolulu nei ma ka lakou huakai aku nei no Amerika i lohe ai lakou i kela himeni, a na lakou aku hoi i hoopiha pono i na leo apau ka lakou mau meakani he kanawalu-ku-amaono. Aole nae i noho pouliuli wale ka Moiwahine Liliuokalani no ke ano o na mea e hanaia aku ana iaia ma kela la, oiai ua h\ea mua aku ke -kumu puhiohe ame ka lnnanui o ka bana a hoike aku no ka makemake ana o na keiki puhiohe e hookani aku ia Aloha Oe imua ona, a pela i lele o'le ai kona oili i

kona wa i lohe mai ai i ka hookaniia ana aku o kana mele i punahele i keia lahui. I ka manawa a kela bana e hookani ana i kela himeni, aia ka Moiwahine >ne kona mau lima e puili ana no kfc ku i ka oehia o ka paani ana mai a na Pilipino, a i ka hiki ana i ka huamele hope loa, aole*« hiki iaia ke kaohi mai i ka haawi ana aku i kona mahalo ma ka noke ana i ka pa'ipa'i i mau lima. Maloko o ka Halekeaka Opiuma ua mau keiki kaulana la o Manila kahi i paani ai ma ka auwina la ame ka po 0 ka Poakolu nei, me ka piha i ka hialaaiia e ka poe apau i hiki aku malaila. Ua oleloia, ma kela huakai makaikai aku nei a lakou ma na kulanakaubalo kaulana. o/Amerika aole i nele ka piha mau o na halekeaka. i na wa apau a lakou e haawi ai i mau ahamele. Iloko o kekahi po i haawiia ai ka ahamele, ua„hiki aku ka nui o ka poe 1 hele ae e hoolohe ia lakou, ma kahi o ka ehiku haneri me kanakolu-kuma-mahiku kaukani kanaka, a ua hiki aku hoi ka loaa no kela po hookahi whle no ma kahi o ke kanahiku kaukani dala.