Ka Nupepa Kuokoa, Volume XLVI, Number 43, 22 October 1909 — HOOKIPAIA ME KE OHAOHA [ARTICLE]

HOOKIPAIA ME KE OHAOHA

Ma ka hoea ana mai o ke Keikialii Kuni o lapana no keia kulanakauhale ma ke kakahiaka o ka Poakahi nei maluna mai o ka Mokuahi Tenyo Maru ua apoia aku oia.e na Kepani o Honolulu me ke ohaoha, e hoike aku ana hoi i ka pulama ana aku o kona lahul iaia ma ke ano Keikialii. Mamua o ka pili ana mai o ka mokuahi i ka uwapo, ua hoea mua aku he heluna nui o na Kepani ilaila, ame ke Kanikela Kepani me na komite hookipa, a mai ka uwapo i laweia mai ai ke Keikialii maluna o ke kaa otoniohile me kana wahine ame na hoaheje no ka Hokele lana, kahi i hoomakaukauia ai kekahi papaaina no ka hanohano o ka malihini. Maloko o ke keena luana o ka hokele i hoolaunaia aku ai na Kepani kuonoono o keia kulanakauhale e ke Kanikela imua o ka - lakou malihini, a mahope iho o ka pau ana o kekahi anaina ike, ua lawe hoomakaikaiia aku ke Keikialii ame kona mau hoahele no kahi o na i'a ma Waikiki ,ame na<wahi ano nui e ae o ke kulanakauhale nei. | Ma ia ahiahi iho i hookipa aku ai ke Kanikela i kana mau malihini ma kona home e ku nei ma ke alanui N"uuanu, kahi ana i haawi ae ai he paina no ko lakou. hanohano. Ma ka paka hoi ma Aala i akoakoa ae ai he heluna nui o na Kepani mai na kane, na wahine a hiki aku i na kamalii, me na kukui, a hoomaka aku la e ka.'i ma ke alanui Beritania a hiki i ke alanui Nuuanu a kamoe aku la no kahi o ke Kanikela. Ua hele kahi o ke Kanikela ma kela po a kauluwela i na kukui, e hoike okoa aku ana hoi na Kepani maanei

nei 1 ko lakou ohohia no ka ike a halawai pu ana me kekahi o na kaukau alii o ko lakou aina. Ma ka Poalua nei, i ka wa i haalele mai ai ka mokuahi ua piha hon ae ka uwapo i na Kepani no ka ikf» hope ana aku i ke Keiklalii.