Ka Nupepa Kuokoa, Volume XLVI, Number 45, 5 November 1909 — HOOHANAIA KA PU PANAPANA Akelekele Wale Iho no ka Pakele o ke Ola o Kekahi Mea ma ka Apua. [ARTICLE]

HOOHANAIA KA PU PANAPANA

Akelekele Wale Iho no ka Pakele o ke Ola o Kekahi Mea ma ka Apua.

Aohe wa a lilo i moepuu na ka make ia Pukiki o Auguste ka inoa malalo o Ewa, ma ke ahiahi o ka Poalua nei, ina i loaa pono aku oia i ka poka o ka pu panapana i kiia akn iaia e Peter Andrews, a o ka pololei ole wale no o ke kauia ana aku o ka pu, ke kumu nana i hoopakele ae iaia, aka ua hele nae kona papalina a oki loa i ka pauda. Ma na mea i hoomaopopoia no kela ki pu e like me na lono i hoea mai i ke taona nei, ua ulu ae ka he hoopaapaa mawaena o Peter Andrews fime Auguste, mahope iho o ka inu ana i ka wai lohia o Maleka. Ma kela ahiahi ka i oleloia ae nei, i ka wa o ka wai e haale ana i ka lihilihi ua ala ae la he hoopaapaa mawaena o kela mau kanaka, a o ka hopena 0 ia hoopaapaa, o ia no ka īalau okoa ana aku o Peter i kana pu panapana, a hoomaka mai la e ki i kona kokoolua, eia nae ua hala-hu loa aku la ka poka, me ke ku ole mai o ka mea i manaoia e ki eia nae ua hele kona papalina a mo'a i ka pauda. No ka manaoia, ua make kekahi mea 1 ka wa i kani ai ka pu panapana i holo mai ai kekahi mea mai kela hale mai no ke kii ana i ka makai e hele mai e hopu i ka mea ki pu, a i ka loaa ana mai o kekahi keiki Pukiki e hele aku ana ma ke alanui maluna o kona

lio, ua lioike aku la oia, e holo ana oia e kii i ka makai, no ka make ana o kokahi Pukiki maloko o ka hale o Peter Andrews. I ka hoea ana aku o kela keiki no ka hale i hoikeia aku iaia me ka manao he kanaka make la kana e ike aku ana, eia nae aole pela, e ola mai ana no ka mea i kiia i ka' pu, aole i ku aku i ka poka. Ua hopuia o PeteT Andrews e ka makai a hoopaaia maloko o ka halepaahao, a hoike loaia mai ka lohe no kela ki pu i ke keena o ka oihana makai ma Honolulu nei, ma ia ahiahi no.