Ka Nupepa Kuokoa, Volume XLVI, Number 45, 5 November 1909 — HELE I KE NOI HANA, HAULE NAE A MAKE LOA. [ARTICLE]

HELE I KE NOI HANA, HAULE NAE A MAKE LOA.

\No ke noi hana ka hele ana aku a ia Pukiki, o Frank Enos makai ae nei o Iwilei raa kahi hana puna, eia nae mamuli o kekahi ulia i maopopo mua ole iaia, ua haule aku la oia ilalo o ke alanuipii, a mamua o ka hiki ana aku 0 na lima kokua, aia oia ke waiho malie la iloko o ke kulana kupilikii. Mk ka hora ekahi o ka auwina la o ka Poakolu nei ka hele ana aku o kela Pukiki e noi hana, a ua hui pu no hoi oia me ka haku hana i ka hale ekolu iluna loa, a aole i hoike ponoia aku kana miea i makemake ai, o kona loaa koke iho la no ia i ka ulia, ka mea hoi nana i hoopokole mai i kona mau la o ke ola ana. I ka hoea ana mai o ke kauka ma kela wahi a naua i kona pilikia, e kamau wale ana no kona wahi aho hope 1 koe iloko ona, a oiai oia e lawe ia ana i ka Halema'i Moiwahine, ua make loa iho la oia. Ma ka nana pono ia ana o kona kumu o kia make ana, ua ikeia ua poino kekahi o kona mau aakoko, a o ke kumu ia o kona hehee ana a haule ai i ke 'alanuipii. Ma ka hoike no a kana wahine, he leulana ma'i ko kana kane no kekahi manawa ae nei i hala, a e luai mau ana oia i ke koko, a mao na kumu maopopo loa no kona make ana, i hooholo ai ke koronelo, he hana waiwai ōle no ke kahea ana ae i aha koronelo no ka ninaninau pono ana i ke kumu make o kela Pukiki.