Ka Nupepa Kuokoa, Volume XLVI, Number 45, 5 November 1909 — PAA HE LIO HOLO PUPULE I KA HOPUIA. [ARTICLE]

PAA HE LIO HOLO PUPULE I KA HOPUIA.

\ Mamuli o ka eleu o Charlie Van Gieson o ka holo ana aku e %opu i kekahi lio holo pupule ma ka Poakahi nei i pakele ai Ke ola o kekahi mau kamalii kula e paani ana ma ke alanui. I ka lawe ukana o Mr. Van Gieson iwaho o Daimana Hila ma kekahi o na kaa lawe ukana o Lewis & Co., a oiai oia ma kahi kokoke i ka hale uwi waiu o Pond, ua ike oia i ka holo pukalaki mai o kekahi lio, a hoomaka aku la oia e altfalu, a oiai he ihona mai ia wahi e loaa mai ai na kamalii e noke nui ana i ka paani, nolaila ua hooikaika loa oia a hiki i ka paa ana o kela lio iaia. Ua noke wale oia i ka nana o ka ike aku i kekahi kaa, ke kaa hoi nona keia lio, aole nae ona ike iki, aka aia maluna o ua lio la na ili kaa i hele a mokumoku, a lawe loaia mai e ia no ka halewai. O ka poe i ike i kela hopu ana a Van Gieson i kela lio, ua ku maoli lakou i ke pihoihoi, no ka mea m'a ia lanakila ana ona maluna o kela lio, ua hoopakeleia a«- ke ola o na kamalii lehulehu e paani ana ma kahi kokoke o ka paa ana o ka lio.