Ka Nupepa Kuokoa, Volume XLVI, Number 47, 19 November 1909 — HOAHEWAIA O UTCHIYAMA IMUA O KA AHA A LUNAKANAWAI WOODRUFF. [ARTICLE]

HOAHEWAIA O UTCHIYAMA IMUA O KA AHA A LUNAKANAWAI WOODRUFF.

1 Ma ka 'auina la o ka Poaha i hala, uk' ahewaia o Jusukichi Utchiyama e ka papa kiure Amerika i noho ai e hoolohe i ka hihia imua o ka Aha Apana Amerika no ka hoouna ana i na manao hailiili ame na mea lapuwale maloko o ka eke leka. Ua hoopaneeia mai ke kau ana i ka hoopai a ka la apopo. I ka hpomaha ana o ka Loio Apana Breckons, ua noi koke aku la o Lightfoot, ka loio pale e a'oia aku na kiure e ka Aha e hoihoi mai i olelo hooholo imua o ka Aha aohe i hewa ka mea i hoopiiia. Ua hooleia- keia noi e ka Lunakanawai Woodruff. O ke kahua kahi i kukulu ai o Lightfoot i kana noi no ka lawa ole o na hooiaio ana a ka aoao hoopii i kana hihia, oia hoi, ua manao wale ia no ua kakauia na olelo hailiili mawaho o ka wa-hi, oiai nae aohe , wa-hi mawaho, a o kekahi o ka huaolelo i kakauia aole ia he olelo ino pili i ka hailiili. 0 kekahi kumu pale, ma ka palapala hoopii hoahewa ua hoounaia mai kela ope pepa i ka Hawaii Shinpo Sha, a he hana hiki ole ia e hanaia, oiai aolie nupepa i kapaia ka Hawaii Shinpo Sha, 0 ka inoa pololei o ka pepa oia ka Hawaii Shinpo. Aohe i noonoo a i ole nanaia mai ia mau kumu pale ana e ka papa kiure, 1 ka hala ana he mau hora o ka nohopaa ana o ke kiure, o ka olelo hooholo i hoihoiia ae, ua hewa ka mea i hoopiiia, * Ua pau ka hapanui o ka manawa ma ka wehewehe ana i kē ano o na huaolelo "Ke koku min," he olelo Kepani, o kona anx> ma ka manao wale ia he kanaka kipi, kumakaia i ka lahui a i ke aupuni, a ma ka Lightfoot unuhi ana nae, he kanalea aloha ole i ka aina. He huaolelo e iho kekahi i laweia mai e ke loio pale, o kona ano he kanaka kipi, o ke kupanaha, ma ka hoakaka ana a na hoike a pau he like wale no ke ano oia mau huaolelo a elua i ko lakou manao a mamuli o ia kumu ku-e ana i nawaliwali loa ai ka aoao pale. Ua ala mai keia hihia i ka wa e olahani ana na limahana Kepani ; a oiai e lalapa ana ka inaina iloko o na Kepani, ua hoounaia mai kekahi ope pepa e Utchiyama me na olelo hailiili i kakauia maluna i ka niipepa Kepani ka Hawaii Shinpo, mamuli o ka ukiuki ia Sheba ka Lunahooponopono o ia pepa.